وصفة لذيذة gateau russe

[أم فاطمة 27]

السلام عليكم و رحمة الله تعالى و بركاته

هذا الوصفة كنت سمعتها من فترة في إذاعة تموشنت يسموها gateau russe وما تشبهش للقاطو تع الأخت فلة اللي يحمل نفس الاسم المهم عجبتني و اليوم طبقتها و صح تستحق منكم تجربوها فهي هشيشة و لذيذة في نفس الوقت

هاهي ليكم الوصفة كيما سجلتها و من بعد نضيف ملاحظاتي

على بركة الله نبدأ:

400 غ فرينة

4 صفار بيض

2 ملاعق كبار سكر ناعم

1 خمارة الحلوى

250 غ زبدة طرية

1 ملعقة صغيرة فاني أو زاست تع الليمون

3 ملاعق كبار كاكاوو

و بالنسبة للمورانغ : 200 غ سكر عادي + 4 بياض بيض + 1 ملعقة كبيرة عصير ليمون

+ 3 ملاعق كبار مربى المشمش

التحضير :

· خلطي الفرينة مع الزبدة طرية مقطعة قطع صغار + 1 خمارة + السكر الناعم + الفاني أو الزاست ثم ضيفي صفار البيض و لمي العجينة

· قسمي العجينة قسمين : القسم الأول اتركيه أبيض

و القسم الثاني زيدي قسميه على اثنين : واحد ضيفي له الكاكاوو و الآخر ضيفي له الفرينة

· ابسطي الجزء الأول من العجينة (البيضاء) في صينية مربعة (30x30) ثم ضيفي فوقها المربى ثم رابي فوقها عجينة الشوكولا (البنية)

· حضري المورانغ : طلعي 4 بياض بيض ثلج ثم ضيفي 200غ سكر عادي أو ناعم ثم 1 م ك عصير ليمون

· ثم فرغي المورانغ فوق العجينة اللي رابيتيها و ابسطيها ثم زيدي رابي فوقها العجينة البيضاء(الربع الأخير)

· دخليها للفرن تطيب مابين (25د و 35د ) و يكون الفرن مسخن من قبل

· للتزيين تقدري تغربلي فوقها الكاكاوو أو سكر ناعم ثم قطعيها مربعات

و هاهي بصحتكم

https://

الملاحظات :

لما حضرت العجينة بانت لي طرية بزاف من الأحسن تزيديلها شوية فرينة

(مشي بزاف قدر ما تتلم و تبقى طرية)

و لما تقسمي العجينة المرة الأولى على 2 ما تقسميهاش بالتساوي أي من الأحسن الكمية اللي تبسطيها تكون شوية أكثر من اللي ترابيها

و هذيك القطرة تع المربى مالفوق زادتها بنتي الصغيرة و بصراحة جات أجمل

نتمنى تعجبكم الوصفة و تجربوها

تحياتي الحارة للجميع

[*أم كوثر*]

بارك الله فيك
انا وصفتي تع القاطو روس مختلفةة تماما

تلقاهها في الدرس 4 من دورة الحلويات

[أم فاطمة 27]

شكرا لك على المرور أختي أم كوثر
و ب‘ذن الله نجرب الوصفة نتاعك و نرد لك الخبر

[kakinova]

أممممممممممممممممممممممم يعطيك الصحة هايل

[أم فاطمة 27]

المشاركة الأصلية كتبت بواسطة kakinova

أممممممممممممممممممممممم يعطيك الصحة هايل

الحمد لله اللي عجبك و تشرفت بمرورك عزيزتي
الله يفرحك كيما فرحتيني

[ام ياسين187]

يعطيك الصحة تشهي و طبعا راديو عين تموشنت دائمة الإستماع إليه هههههه

[أم فاطمة 27]

المشاركة الأصلية كتبت بواسطة fati-es

يعطيك الصحة تشهي و طبعا راديو عين تموشنت دائمة الإستماع إليه هههههه

بارك الله أختي على المرور الطيب و هدا يعني رانا زملاء تشرفت بمعرفتك

[Top Lovly]

mirciiiiii

[أم فاطمة 27]

المشاركة الأصلية كتبت بواسطة top lovly

mirciiiiii

لا شكر على واجب أختي نتمنى تكون عجباتك
و شكرا على المرور الطيب

[جيجلية]

شكرا على الوصفة الجميلة

احتفظت بها ليوم ما

[أم فاطمة 27]

المشاركة الأصلية كتبت بواسطة جيجلية

شكرا على الوصفة الجميلة

احتفظت بها ليوم ما

مرحبا بيك
و غير جربيها راهي ساهلة و ما تديش الوقت
شكرا لك على المرور

[الأمنيات]

[أم فاطمة 27]

[QUOTE=الأمنيات;12541723][/QUOTE

ألف شكر على الورود و على الرد الطيب]
بارك الله فيك