الى اختي ام عبودة و كل محبات البقلاوة

[amiramirna]

السلام عليكم
راني درت البقلاوة بعجينة الفيلو
اليك المراحل كما وعدتك
1كغ فرينة
2 كيسان زيت و سمن (انا نفضل الحياة او اللي في الصورة)
الكاس هو كاس الشاي
رشة ملح
ماء للعجن
فرينة لكي تحلي العجينة و النشاء للتوريق
الحشو اي نوع من المكسرات تفضلين (راهم كامل ب 1100دج لوز نوازاة كاجو جوز اما البيستاش راهو 2000دج ههههههه )
سكر و ماء زهر
العسل (من الافضل تصنعيه في البيت و يكون خفيف )
[IMG][/IMG]
[IMG][/IMG]
[IMG][/IMG]
العجينة تكون طرية وتعجن جيدا
[IMG][/IMG]
[IMG][/IMG]
تترك تترتاح طول اليوم واذا كان المساء اتركها لليوم الموالي
[IMG][/IMG]
نحلها عادي كيما البقلاوة بالفرينة الى الرقم القبل الاخير في الماشينة
(مثلا الماشينة تحل الى رقم 9 انا نتوقف عند الرقم 7)
[IMG][/IMG]

[IMG][/IMG]
نغربل النشاء او المايزينة فوقها طبقة و نعاود نحط العجينة اللي رقيتها بالماشينة ثم النشاء ثم العجينة وهكذا حتى تكون عندي 8 ورقات من العجينة

[IMG][/IMG]
بالحلال نبد نرقق حتى تصبح شفافة

[IMG][/IMG]
هاذا الحشو 3 كيلات لوز بكيلة سكر و نبلل بماء الزهر
[IMG][/IMG]
ناخذ مستطيل نضع فيه الحشو و نلفو حول نفسو و نقطع مقروطات
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
او دائرة و نحط فوقها حبة لوز
[IMG][/IMG]
نرصها ي صينية تكون مدهونة
[IMG][/IMG]
كما يمكن صنع اظرفة بهاذ الطريقة
[IMG][/IMG]
[IMG][/IMG]
او بقلاوة طبقة من الاسفل و حشو و طبقة من الاعلى
[IMG][/IMG]

و بعدها ونغمرها بالسمن المذوب و نقطعها
[IMG][/IMG]
و نفس الشيئ للصينيات الخرى نغمرها هي كذلك
نتركها تتشرب السمن هاذاك (انا خليتها تبات لاني صنعتها في المساء )
[IMG][/IMG]
و ندخلها الفرن يكون مسخن قليلا و نتركها على نار هادئة جدا مدة 2 ساعات
(اذا كانت الفرن سخون تنزلط و ما تتورقش وتحمر بسرعة و ما تنتفخش ردي بالك )
فور خروجها تكون شربت السمن كامل تسقى عسيلة (لازم تكون بدرجة حرارة الغرفة يعني ما تسخنيهاش)
و نرشها بالمكسرات و نخليها تبات و في الغد باش ناكلها
[IMG][/IMG]
[IMG][/IMG]
[IMG][/IMG]

و ان شاء الله تكون وصلت الوصفة
واي استفسار راني هنا
المساء كي نولي ان شاء الله نصيب ردود كثيرة لاني مدة 3 ايم و انا نصنع فيها و نصور المراحل
شكرا حبيباتي