انباء عن تسرب اسئلة البكلوريا... ادخل وشوف بعضها

imile · 2012-05-19, 10:15

السلام عليكم ورحمة الله وبركاته
راهم يقولو بلي اسئلة الاقتصاد خرجت وفيها :
عرف البنك المركزي و اذكر مهامه الاساسية
عرف البطالة واذكر انواعها
اذكر انواع سوق الصرف
و الله اعلم و ربي يوفقنا

dev · 2012-05-19, 10:34

ربما لكن لا يجب التركيز عليها فقط

على كل شكراً على التنبيه..

ام احمد · 2012-05-19, 10:37

الله اعلم هل هذه الاخبار صحيحة او لا؟؟؟؟؟

dev · 2012-05-19, 10:39

أم احمد العام لي فات تسربت المواضيع لكن في ليلة الباك جاري كان عندو المواضيع... لكن لا أعتقد انها تكون تسربت الان

للأن لو تتسرب الأن و يخرج الخبر يعني يمكن إغيرو الموضوع .

لذا خبر اليقين إيكون في ليلة الباك و لا يومين قبل ...

و على كل ربي يوفق الجميع و كل واحد يحفظ لي يقدر و يتكل على ربي و إن شاء الله إيكون ساهل

SofianePC · 2012-05-19, 10:41

يا خويا نصيحة في سبيل الله ما تصدقش خاذ الكلام لأنه عندما يقترب الامتحان ستسمع الكثير من هذه الخرافات والأسئلة لن تتسرب ولا يستطيع أي شخص إخراج ولا سؤال احفظ جميع دروسك وتوكل على الله

orchid_girl · 2012-05-19, 10:42

اللي حاب البكالوريا يديها بمحهوده أنا نتمنى مايكونش خرج ولا سؤال في أي مادة لأنو كاين ناس ماقراوش عام كامل يلعبوو في الاخير يديو mention لان الأسئلة وصلتهم و كاين ناس عام كامل يتعبو لكن تعبهم ذهب سدى و حقهم داوه ناس مايستاهلوش لانهم فشلو لتسرب المواضيع
البكالوريا اثبات لوجودك و مدى استعدادك للحياة العملية و ياللاسف ليس هو الحال في الجزائر ربي يهدينا
بالنسبة ليا البكالوريا نتحصل عليها بمجهودي نحس بطعمها وليس حظ فقط ربي يهديكم و يوفقكم لما يرضاه
الله لا يجعلني نغش ولا ناخذ معلومة بالحرام في حياتي و باذن الله مبادئي لن تتغير و لو بعد 100000000000000000 سنة

riyadh@cabba · 2012-05-19, 11:05

راني حافظ الاقتصاد كامل حتىو تخرج الأسئلة منتكلش عليها ،،

meddz2014 · 2012-05-19, 11:38

شكرا لك أخي لكن بدون ما تتسرب الأسئلة هذه متوقعة 99%

dev · 2012-05-19, 11:48

على كل حال سوف تخرج الاسئلة شئتم أم أبيتم إنه مبدأ الجزائر... و هذا المبدأ لن يتغير بعد 1000000000000 سنة

و سوف يرسب الذي تعب أو يتحصل على معدل 10 .... في حين الذي لم يفعل شيئ يتحصل على 14 .... الفرق

أن الله هو الذي يرزق و هو لي يتحكم في كل شيئ .... ليس من نجح بــ14.... يعني خلاص سلك....

فمن غش لبد إيجي يوم و يدفع ثمن ذلك دنيا أو أخرة.

لمين شوشة · 2012-05-19, 18:29

بلحق خرجت .................................................. .................................................. ....

mouna med · 2012-05-19, 19:25

هاذي الاسئلة متوقعة صح
ولكن متسربة لا اظن

razika789 · 2012-05-19, 19:34

ههههههههههههه
علي الاقل كانو يمدولنا اسئلة الدروس كلها ويهنيون مبقاش مستوي تعليم في الجزائر بسح كاين لي عندوا زهر و المعرفة يدها بسح حنا لي تعب معاه ربي جامي يخسر

كيكيو7 · 2012-05-19, 19:40

كاين ربي يعاونني راني تاكلة عليه

dev · 2012-05-19, 19:41

صدقوني ههههه جاري العام لي فات الموضوع كان في يدو في ليلة الاقتصاد و أحفظ و الخ....

أخدم مليح و نهار خرجو النتائج جاب في الاقتصاد 8 هههههه

و واحد أخر نعرفو جاب فيها 20 حفظ غير شوية....

أرواح أنت و فسرلي كيفاش تمشي هاذ البلاد هههه

-----------------
برك ملاحظة لي إيقول كاين ربي و راني تاكل عليه أو والله ما نتكل على الاسئلة المتسربة أنقولوا ما كانش منها.... نهار الباك تلحقلك الاسئلة و أنت مقلق .... و إلخ .... تحب تعرف وشنوها هاذيك الاسئلة باش ألوكان تركز عليها و تراجعها أكثر...

أو ما كانش لي ما ديرهاش.....

mhamed5 · 2012-05-19, 19:56

اقتباس:

المشاركة الأصلية كتبت بواسطة sofianepc

يا خويا نصيحة في سبيل الله ما تصدقش خاذ الكلام لأنه عندما يقترب الامتحان ستسمع الكثير من هذه الخرافات والأسئلة لن تتسرب ولا يستطيع أي شخص إخراج ولا سؤال احفظ جميع دروسك وتوكل على الله

العام الماضي لم تتسرب بل كانت مجرد اشاعات و جات في الصواب. لو تعلم الضروف التي تمر فيها انجاز الاسئلة . و من الصعب مما كان ان تتسرب . هل تعلم أنه كل مرة ترسل نموذجان كحل طارئ اذا صادف الاسئلة تسريب أو شيء ما