اجمل لحظات الجامعة

[ام سليمان]

هذا مجال رحب ليذكر لنا كل واحد في المنتدى دخل عالم الجامعة

اجمل شيئ تعلمه في الجامعة . أو أجمل حدث له في الجامعة.


ارجو التفاعل من قبل الجميع.

[ام سليمان]

لم افهم ما معنى ان هذا الوموضوع منقول’’’’’’’’’’’’

[نورة]

المشاركة الأصلية كتبت بواسطة ام سليمان

لم افهم ما معنى ان هذا الوموضوع منقول’’’’’’’’’’’’

معناها الموضوع منقول من منتدى اخروشكرا

[Fateh-algérie]

السلام عليكم

كثير مواقف جميلة في الجامعة صراولي



في البداية كنت نتضايق كي نكون داخل والاجون يقلي ياجان لاكارت وهوا حافضني لاني كل يوم نقلو من اليوم اعقلني وبعد فترة عرفت بلي يحب يهدر برك فا وليت نورمل بل صرت نوجدها قبل مايقلي



ورقت الامتحان نتاعي هي الوحيدة الي ضاعت قاتلي الاستاذة على حساب التصحيح شحال المفروض النقطة نتاعك قلتلها 14 وبعد يومين لقات ورقتي و العلامة 0


الكوس في البداية كنت نتقلق غي ويكتا نوصل وبعد فترة وليت عادي جدا حتا لوكان يبقا ساعتين


في الجامعت تعرفت على ناس من كل الولايات



ما أجمل سهرات البلايستيشن و البوكار والدومين في لاسيتي


ما أجمل الوقوف على حائط المبكى و خاصة عندما يكون معدلك هو الادنى على الاطلاق

[ام سليمان]

ما أجمل الوقوف على حائط المبكى و خاصة عندما يكون معدلك هو الادنى على الاطلاق

أشاطرك نفس المعاناة اخي.
لماذا ذكرتني باللايام الخوالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خـواطـر]

اجمل اللحظات عندما اكون في طريقي الى البيت

[عيسى الجزائري]

يا حسراه على ذيك الأيام

من المواقف الطريفة اللي تفكرتها درك

وحد المرة وحدة من البنات تاع الصح الله يهديها دارتلي الشوينقوم (العلك ) في الكرسي
وأنا جيت قعدت ديراكت
ومن بعد طلعت للسبورة نبين في روحي ...الله الله
نسمع في الحالة ورايا تغلي ...
الشيخ ثاني موش جايب خبر
المهم
راني معقد من الكراسي من ذاك اليوم
كل ما نجي نقعد نضرب مسحة مليحة هههههه
في كل مكان حتى في الدار

المهم ربحنا درس من الجامعة صح ؟؟؟

[** أم عبد الرحمن **]

السلام عليكم ورحمة الله وبركاته
رغم أني مازلت فيها،،فقد ذكرتني بلحظات جميلة جدا مرت علي ،، فجزاكِ الله خيرا على هذا الموضوع الطيب أخيتي أم سليمان

[Fateh-algérie]

بعد 4 اشهر من بداية السنة الدراسية صرات اشاعة اني ابن والي ولاية تيارت الي حتا مانعرفش اسمو ولقيت الاشاعت رواجا كبيرا ممكن لاني كنت لاهي غي بالتبياش و مانحكيش بزاف ودايما يلقانو نهدر معا كاش بروف


ومرة اخرى نلعب في الستاد تع الاقااممة الجامعية و صديقي لامن بين المتفرجين سمع واحد قال لصاحبو قالو هذاك الي مطول شعرو امو اسبنيولية صاحبي سمع وسالو قالو راك على هذاك الي راه لابس تريكو بيض قالو ايه ومن بعد صاحبي حار دخل للستاد وجابني ليه قالو راك على هذا قالو ايه


الراجل يهدر بثقة حتا ان صاحبي في الليل سالني انتا ماماك من ليسبان

[بنت الحجاج]

اجمل شعور في الجامعة

هو انك تحل كونترول في اليل

و غدوة الصباح تروح للكونترال

تلقا هذاك السيجي اللي حليتو


ههههه

ما اجمل هذا الشعور

[شريان الحياة1988]

اجمل لحظة كانت يوم رحت جبت شهادة الليسانس ووعدت تلك الجامعة ...كان اجمل يوم

[ام سليمان]

المشاركة الأصلية كتبت بواسطة عيسى الجزائري

يا حسراه على ذيك الأيام

من المواقف الطريفة اللي تفكرتها درك

وحد المرة وحدة من البنات تاع الصح الله يهديها دارتلي الشوينقوم (العلك ) في الكرسي
وأنا جيت قعدت ديراكت
ومن بعد طلعت للسبورة نبين في روحي ...الله الله
نسمع في الحالة ورايا تغلي ...
الشيخ ثاني موش جايب خبر
المهم
راني معقد من الكراسي من ذاك اليوم
كل ما نجي نقعد نضرب مسحة مليحة هههههه
في كل مكان حتى في الدار

المهم ربحنا درس من الجامعة صح ؟؟؟

هذا درس شباب

[bebe81]

اجمل شيئ تعلمه في الجامعة
تعلمت النفاق خاصة من البنات

[ام سليمان]

بالنسبة الي . اجمل شيئ لي فيها هي الصحبة التي مازلنا لحد الساعة في اتصال. وبركة الاخوة في الله هي السبب.

[novateen]

كي نتفكر يامات الجامعة نبكي نتفكر صحاباتي الذكريات والمواقف اللي عشتها معاهم
بالنسبة ليا أنا الجامعة عمرها ماكانت فترة دراسة وحسب كنت نقرا وندير ليكور تاع اعلام آلي وكنت عضوة في فريق الكرة الطائرة
اليامات اللي فوتهم فالتظاهرات الرياضية أكثر من اللي قريت فيها والغريب أني كنت انبلع فالعام
المهم لوكان نحكيلكم انطول عليكم ونبكيكم معايا
حاجة وحدة انقولها أنو يامات الجامعة من أجمل أيام حياتي وعمري ماراح انعيش يامات كيما هادوك
نعطيها وصية اللي راهم مازالوا يقرو بروفيتوا مليح وخطيكم من الشكيل والحوايج اللي مافيهم فايدة
شكرا على الموضوع