حلوة الوردة رووووعة

**زهو** · 2011-02-25, 15:00

السلام عليكم ورحمة الله وبركاته
انا ليوم جبتلكم حلوة أخرى و اسمها
حلوة الوردة
نبدأ بسم الله
مقادير العجين

250غ دقيق 2معالق كبار زبدة 2معلق سكر رطب
3معالق كاكاو (كاوبيل) وماء الزهر لجمع العجين
نجمع الكل ليلحصول عجين متماسك

مقادير عقدت الوز
500 غ لوز 250 غ سكر وقليل من ماء الزهر
(ملوينات غدائية :احمر-اصفر - اخضر)
نطحن الوز مع السكر

ونضيف ليه اضفر بيضة و شوية ماء الزهر
ونجمع العدة

ونخلطو مقادير العجينة ونجمعوها خاص تكون العجينة قاصحة
ماتكونش مرخيا باش نشكلوها كيما بغينا
هادي عقد لوز والعجينة ممكن ديري اي لون بغيتي

نطلقو العجين خصو يكون رقيق ونقطعو داوئر

نزديو 4 ديال الدوائر كيما في الصورة ونحطو علها اصبع عقدة الوز

ونبصطوه مثل الورة

ونبرموها بيهاد الشكل ونقطوها من الوصط باش يخرجونا 2 وريدات شوفو الصورة

نحالو نقادوها ونعطيوها شكل وردة مفتحة
وندلوها لفرن ومانخليوهاش تحمر بزاف غير نحسو بيها طابت
ونخرجوها ونطفيوها في لعسل سخون ونديروها فلكويغطات
هادا الشكل النيهئي

نتمنى تعجبكم حلوتي

جزائرية · 2011-02-25, 16:07

انا الحلوة هاذي تعجبني بالزاف

كليتها عند la famille نتاع زوجي وحشمت باه نقولهم كيفاه يديروها

اليوم وبفضلك انت عرفت كيفاه

بارك الله فيكي

وا نشاء الله تنوريها بوصفات اخرى

نحن في الانتضار

**زهو** · 2011-02-25, 16:20

اقتباس:

المشاركة الأصلية كتبت بواسطة 300473

انا الحلوة هاذي تعجبني بالزاف

كليتها عند la famille نتاع زوجي وحشمت باه نقولهم كيفاه يديروها

اليوم وبفضلك انت عرفت كيفاه

بارك الله فيكي

وا نشاء الله تنوريها بوصفات اخرى

نحن في الانتضار

استعملي هذه المقادير انها صحيحة فانا جربتها من قبل
الوريدات

مقادير العجينة

-4 كيلات فرينة
-1 كيلة زبدة خاصة بالتورق مذابة
- ملح
-ملون وردي أو حسب الرغبة
-ماء الزهر

مقادير اللحشو

-3 كيلات للوز
-1 كيلة سكر عادي
-ماء الزهر
-عطر الفانيلا

طريقة التحضير

-نمزج الفرينة + الملح + الزبدة بواسطة اليد جيدا تم نضيف ماء الزهر حتى نتحصل على عجينة متماسكة نتركها ترتاح لمدة10 دقائق
- نقوم بتلوين نصف العجينة باللون الوردي
- نمزج كل مقادير الحشو الجافة تم نضيف ماء الزهرحتى يصبح المزيج متماسك
- نقوم بفرد العجينة بواسطة الآلة في الرقم 7

وبواسطة قالب أو قاطع دائري نقوم بقطع العجينة الى دوائر للحصول على بتلات

نرص الدوائر واحدة أمام الأخرى مرة باللون الوردي ومرة بالون الأبيض و نقوم بلصقهما بواسطة فرشات مبللة بماء الزهر

نأخذ كمية من الحشو نضعها على الجهة السفلى من البتلات كما توضح الصورة من دون الأكثار منه ثم نقوم بطي العجينة قليلا

من جهة واحدة نقوم بلف البتلات على شكل حلزوني حتى نغلقها

بعدها نضغط عليها من الأسفل لتحسين الشكل وأدارة البتلات الى الخارج

نزينها في الوسط بالكرز المجفف
ونقوم بطهيها في الفرن ثم نعسلها