موضوع مميز سباغيتي و كورني الدجاج على طريقتي

زينب 83 · 2015-11-18, 20:54

السلام عليكم و رحمة الله
جبتلكم ليوم طبقين من اطباقي لي نحبهم ان شاء يعجبوكم

مافن السباغيتي

كمية من السباغيتي مغلية في ماء وملح و نزيدوها كمية من الجبن المبشور

لحم مفروم نتبلوه بدبشة و ثوم و كسبر و ملح و فلفل و نشكلوه كرات نحمروهم في ملعقة زيت
ممكن في مكان كرات اللحم نديرو كرات دجاج او ممكن الاستغناء عن اللحم نهائيا

صوص طماطم ، نحطو بصلة ،حبتين طماطم ، ثوم و ورقة رند و ملح ، و ماء كي يطيبو نرحيوهم في خلاط العصير و نحطوهم المقلاة لي حرمنا فيها كرات اللحم و نضيفو لهم ملعقة صغيرة سكر او عسل ، دبشة مقطعة ،و بهارات
نقسمو الصوص على اثنين
الاولى نخليوها كيما هي
و الثانية نزيدولها شوييية لحم مفروم و كي يطيب نزيدو ملعقتين كريم فراش وو هذي نوجدوها للتقديم

صوص الجبن
نجيبو حبات جبن مثلثات نذوبوها في كمية صغيييييرة من كريم فراش سخووونة او حليب ، لكن الطعم بالكرام فراش احسن ، و نخلطو حتى ترجع مثل الكريمة

الطريقة
ندهنو المول الخاص بالمافن بالزبدة ، من الافضل يكون من النوع الغير لاصق ،
نحطو كمية سباغيتي فوقها صوص تومات ثم كرية اللحم ثم صوص تومات و اخيراً صلصة الجبن و جبن مبشور و شوي زعتر بري

ندخلوها فرن سخووووووون حتى طيب و تتماسك و نقدموها مع الصوص لي كنا خليناها

صدقوني لذييييييييذة جدا

و هاذو لي بقاولي درتهم في مول واحد

كورني الدجاج

اولا نديرو صوص بيضاء بالطريقة العادية
نقليو بصل و ثوم و كركم و زنجبيل و ملح ، كفتة دجاج ، حمص ، جزر مقطع و فطر مقطع
نمرقو هم بشوي ماء و نخليوهم طيبو ، الصوص لازم تكون ثقيييلة ، في الاخير نزيدولها ملعقتين كريم فراش و نصف ملعقة عصير ليمون

ثانيا نجيبو صدر دجاج نرحيوه و نضيفولو فلفل ابيض و ثوم و كركم و زنجبيل
نطرحوه بين قطعتي بلاستيك غذائي. و نقطعوه مربعات بالسكين ندهنو مولات الكورني بالزبدة و نشكلو المربعات في الكورني كما الصورة
نطيبوه في ملعقة زيت في مقلاة ، راه يحمارو و يطيبو ماشي نقليو هم

من جهة اخرى نفورو كمية صغيرة من البطاطا ، نرحيوها و نتبلوها بالدبشة مقطعة و الثوم و بهارات

و نحشيو بيها ليكورني و نزيدو شوي جبن مبشور و ندخلوهم للفرن قيس ما يذوب الجبن فقط

و نقدموهم مع الصوص البيضاء ، امممممممممممممممم

و هنا نفس الطبق باللحم المفروم

في امان الله و حفظه