اقتراح يا لحباب شكون تكون معايا

[ام البنتين]

بما أننا في الشهر الفضيل ان شاء الله بالطاعة و الصلاة و الدعاء. يا رب و بما ان كل نتاءج الامتحانات السيزيام و الأهلية و الباكالوريا راح تكون كلها في هذا الشهر يعني. الي راح يباركو راح يجيو في السهرة يعني حسب رأي لازم موني خاص على اعتبار ان الحلويات الجافة و أنواع أخرى ما تتكللش في رمضان. و عليه اقترح من كل ام تنتظر نجاح أبناءها ان توضع لنا أفكارها و اقتراحاتها الخاصة بالمناسبة. هكذا نتقاسم الأفكار و انا عن نفسي انتظر نتيجة الباكالوريا يا رب نجح كل أولادنا يا رب. ننتظر تفاعلاتهم. و شكرا

[sofianfilali]

يا رب ينجحوا كامل ان شاء الله.

[sofianfilali]

من جيهتي ديريلهم الباقلاوة و البسبوسة نموت عليهم.........

[ام البنتين]

أكيد هادو لازم يكونو في السينية. زيدو واش تقترحو. انا أقول كذلك لي كورني معسلين

[سماح 26]

فكرة مليحة انا عن نفسي راح نعمل للأختي تارتولات (هي طلبتهم مني ) لسيزيام نتاع ولدها

[أم محمد تاج]

القريوش ماتنساوهش مع تاي ومكسرات
ونشالله نسمعو أخبار النجاحات يارب

[ام البنتين]

نعم واش رأيكم في صحن قطايف مع ما سبق من اقتراحات و تحلية معاهم باردة مع المشروبات و الشاي و المكسرات. وبعض المثلجات

[لميس اميرة]

صباح الخير اختي

القاطوات المعسلين يجو حلوين بزاف و يقهمو

و الواحد يكون صايم يوم كامل تنخفض نسبة السكر فالدم كثيرا و بعد ما يفطر ترتفع كالسهم

لهذا الواحد ما لازمش يكثر السكريات لانو رح يتعرض لعدة مضاعفات لارتفاع السكر و اكثرها الدوخة و آلام الرأس الشديدة

ممكن الوحدة تحط كبداية القهوة مع حلويات جافة او مادلان او مسكوتة او اتاي مع القريوش ما يجيش معسل بزاف و مكسرات

ثم فواكه باردة دلاع او فقوس او مشماش و عنب لي فيهم الماء يعوضو الجسم على الماء لي فقدو فالنهار و خصوصا و نحن في الصيف

و في الاخير فلون او محلبي و حلوة الترك قطع صغيرة

و حابة نقول نصيحة حذاري من شرب الحليب او اللبن او الماء البارد مباشرة بعد ما يأذن لانو يسبب التليف الكبدي

اي انو البرودة تبرد الشحمة في الكبدة و تصبح كالشمع و الكبد يفقد قدرتو على العمل بطول السنوات

[ام البنتين]

ملاحظة مفيدة لكن لا اعتقد ان الإنسان راح يقدر يأكل كل هذه الأنواع مرة واحدة اي ان كل واحد يأخذ النوع لي يحبو

[oum iade]

انشاء الله النجاح للجميع وانا ايضا بناتي واحدة في المتوسط والاخرى البكالوريا واذا عملت اي حلوى رح نزلها .شكرا.

[mimi 2004]

ما نكثروش برك من الحلويات

[امال 2005]

باالنسبة لي خلي اتعود السنية مزينة وزاهية تحطي معاها حلوة الببيونة اشحال شابة وشكلها شباب ايضا

[" سفيان "]

أختي أنا جبت الباك العام لي فات و أنا درت الحلوة تاع السهرة درت لي سيقار، بسبوسة، لي تارتولات، المقروط، و شريت بقلاوة تركية جاهزة

[amira43100]

السلام عليكم و رحمة الله و بركاته
صيام مقبول و ذنب مغفور باذن الله للجميع
و ربي ينجحلكم وليداتكم و تفرحو بيهم
قلت نعطيكم اقتراحات بالاك تفيدكم
كيما علابالكم ماش كل وحدة متاكدة انو بنها ولا بنتها ينجحو يعني ما تقدرش توجد في نهار كلشي قلت نقولكم على عفايس ساهلين و يوجدو بالخف دون تعب للسهرة تاع ليلة النجاح اما الخفلة او يتحضرلها من قبل
نبداو على بركة الله
لي تارتولات بالفاكهة



تقدر الام توجد العجينة من قبل و تطيبها و تخبيها في المجمد و النهار هداك تجبدها و تعملها الكريمة و تزين بالفواكه يجيو هايلين خاصة بالكريم موسلين تاع فلة هاااايلة
القطايف ثاني حاجة ساهلة و ما يعبوش تقدي تديريهم بالمكسرات في لي مول


و اللي ما عندهاش تديرهم في السنيوة كيما البقلاوة

ولا قدميها مع الايس كريم كيما تاع الاخت زينب حاجة جديدة و شابة

و كاينة حاجة اخرى بريزونتابل و هي فلان القهاوي

ولا فلان ام اماني
لي بابا ثاني يجيو شابين و خفاف


و تقدري تخدمي المثلجات راه كاين وصفات ناجحة في النتدي
بالطبع بلاما ننسو القريوش ولا المقرقشات



و ان شاء الله يفيدوك البنات بافكار اخرى و ربي ينجح كل التلاميذ و الطلبة

[ghaliahocin]

من الافضل تكون سلطة فواكه مع المشروبات والصامصة مع لشاي