خطيبي يخونني

[مشكلتي]

Center]السلام عليكم
و الله أنا أكتب و دموعي تنهمر
خطيبي يخونني بعدما بقي شهرين على موعد العرس لقيت وحدة أمي عندو في الفيسبوك و كاتبتلو كومنتار ماشي مليح كي حكيت معاها قاتلي نعرفو و تلاقيت بيه شحال من خطرة و موالف يحكي معاها في ال***** و في الهاتف و الله أن أكاد يغمى علي معرفتش واش ندير أنصحوني لم يبقى على عرسي إلا شهرين و كل شئ واجد حتى المنزل تم كرائه و الله لاأعرف كيف أتصرف ساعدوني

[/center]

[مراد سابقا]

هذه واحدة تريد افساد حياتك

ثانيا :

ايتها الفتيات انتن اللواتي تتسببن في عزوف الرجال وعنوسة النساء

انت شخصيا لوكان جاك وليد فاميليا ترفضيه اكيد

بصح كيعاد صعلوك قبلتي بيه

ربي يهديكم

[الصديق قروف]

اتاكدي اولن
متعتبريش كلامها دليل

[imi02i]

تأكدي أولا قبل أن تتصرفي
وإياك والتسرع ...

[knives66]

أمر عادي بعد زواج سوف يتوقف لا تقلقي

هذي تسمي مرحلة تسخين فقط

[sawsanafleur]

شوفي يااختي ماشي اي وحدة تبعث كومنتار لواحد في الفيس معناه راهي على علاقة به والعكس صحيح.....لا تتسرعي في الحكم واستفسري منه اولا فقد تكون هذه المراة تبحث عن طريقة لتفتن بينكما وتفركش الزواج وما اكثرهم في هذا الزمان .

[حمآمة السلآم]

الثقة هي اساس العلاقات الناجحة ، اذا كان عندك شك اقطعيه باليقين
انتي لس على البر و حياتك معاه مبداتش ، ماديريش حاجة تندمي عليها
و في نفس الوقت متخليش الشك يدمرلك حياة كنتي تحلمي بيها

ممكن هي دارت هذا الشيء عن قصد لافساد العلاقة بينكم

الله اعلم

لكن ان كان صحيح و شكك في مكانوا الاحسن انك تتخلي عن الشخشص يلي خانك

[asmanour19]

شوفي أختي متتسرعيش تأكدي من الأمر اذا كان صح . و اذا لقيتي كلامها صح ننصحك ماتقعديش معاه دقيقة . أنا شخصيا نعرف بنات حبسوا قبل شهر من العرس . تحبسي دوك و لا تولي مبعد فالطلاق . والله المرأة المطلقة في مجتمعنا محقورة بزاف و نزيد نقولك أختي اذا كان صح يخونك و الله ميستاهل دمعة منك خليه هو يبكي عليك . كوني قوية و واجهي مشكلتك بشجاعة فالدنيا لا تتوقف عند رجل . و تذكري أن الله خلقنا لنعبده . و صلي صلاة الإستخارة قبل اتخاذ أي قرار. كان الله في عونك.

[خالد عنابي]

التصرف السليم هو فتح تحقيق في الموضوع

حاولي ان تعرفي الحقيقة هناك احتمالين

ربما تحاول ان تخرب عليكي وهذا امر شائع تفعله الفتيات

ربما كان على علاقة قديمة معها وهنا عليه بالتوقف فورا لانها تعد خيانة ان يستمر وهو مرتبط بكي

حاولي التكلم معه بشكل عادي لتري اذا كانت هناك تغيرات طرأت عليه

حاولي استفزاز تلك الفتاة لكي تكلم بالمزيد عن علاقتهما المزعومة

واجهي خطيبك بتلك الحقائق لتري رد فعله

اذا كانت تلك الفتاة تحبه وعلى علاقة به فهي ستحاول ان تخرب بينكما ولهذا لن تنسق معه لكي يكذب عليكي وانتي سوف تستفيدين من عدم انخداع بخائن وليعش معها

ولكن الاحتمال الاخر وارد ايضا لا تصدري احكاما مسبقة

[salsila]

choufi oukti hada lamr 3adi ya habibati arlab rijal kainin wallahi kayan les matzawaj wa ykoun martou wa hiya ta3ma brouha la ta3lam hifad 3la karamatiha
ayaki wa tasarou3 ya oukti hakada houm rijal law kan rajoul yaf3alou zina wa l3ayadou bilah akoul laki outroukih alan aw yachrabou lkamr aw yasrouk lakan hadih satadhab ba3d zawaj sali wa d3i wa nahnou fi zaman katourat fihi lfitna sali wa d3i rabi yahafdakoum wa akoul laik chaya akar in fatahti lkoutba wach hawa chi les yadmalak bali talgay wahad ahsan manou la tatasara3iiiiiiiiiiiiiiiii wallah nasahtouki kanaki oukti

[ام ريتاج الجزائرية]

اختي ماتتسرعيش كاين بنات يلصقو كالسوبر ڤلو فالراجل ماعندهم لا حشمة لاوالو المهم حاولي تجسي النبض تاع خطيبك اذا راه حاب هذا الزواج حاولي تلمحيلو على موضوع الخيانة شوفي ردت فعلو والله كاين بعض النساء شيطان في جسد امراة تقدري حتى تتكلمي مع واحدة من عائلتو لي قريبة ليه وواحدة تاع ثقة تهدر معاه وتستفسرلك عالموضوع

[ivaoran]

تريد ان تفسد عليك فرحتك
ممكن تعرفه
جارته او تخدم معاه او فاميلته
و باغية تخصر عليك

ماتعطيهاش الفرصة

تنصحك ان تنسي القصة بالكامل و ماتفاتحيش خطيبك في الموضوع

و الله يوفقك و يصخرلك

[- بصمة خير -]

شوفي باش يكهرها قوليلوا
بعثتلي وحدة في الفيس بوك وقالتلي هذا تعرفيه و رانا نخرجوا ................................ و هكذا
قوليلوا انا قوتلها مستحيل واش راكي تقولي ما يديرهاش
مايبدلنيش نعرفوا و علابالي بيه ثقة و وفي ليا
العبيلوا على الثقة و حتى يجيه عذاب الضمير

و ماتزيديش تهدري معاها و من بعد هو يبعد عليها
مستحيل يخرب بيتوا و اسرتو على جال نزوة

و ماتزيديش تحوسي وراه

[لحن الحياة.]

أنا والله العظيم نحيييييييييييييييير في وحدة مخطوبة و قاعدة تنبش في الخرطي تع الوجه كتاب تع خطيبها ؟؟؟
أولا لوكان عينو في أخرى اهو يجيبها بلاما يسقسيك مش حتى يخطبك
ثانيا واااااااشداك تفركتيلو في أدواتو الله يسهل عليه و انتي واش وجع راسك الهاي وجدي للعرس وامشي بالنية يسلكك ربي
ثم علاه علاه يغمي عليك اذا شاكة فيه قوليلو روح طبّق وعلاه تستناي الصطاج تع يغمي عليّا و نبكي وووو
والله نصيحة لوجه الله خليه يعوم بحرو اهو يرجع وحدو .لازم نسلفلك شوية برودة أعصاب باش تفهمي كلامي
موفقة

[غير هام]

السلام عليكم

ما تقوليله والو لانو ما تفهمي وتدي والو راح ترجعي نتي الغالطة كاين ربي ابكيلو واشكيلو هو يبينلك الصح