خطيبي ؟؟

[مشكلتي]

السلام عليكم يا اهل المنتدي
انا فتاة مخطوبة يعني مفتحة و عاقدة من رجل طيب لكنه عصبي في بعض الاحيان و قد وفقت الى حد كبير في استقامته خاصة المثابرة على الصلاة في وقتها و في الحد من عصبيته احيانا ارى ان بيننا فارق اجتماعي لكنه لا يعتبر مشكل بالنسبة لي لاني اؤمن ان الله هو الرزاق. لكن المشكلة خطيبي يدخن و انا دائما الح عليه بترك هذه السموم دائما يعجني بانه سينقص من السجائر الى حين يوم زفافنا سوف يتوقف نهائيا وعن التدخين الى هنا اامر يبدو مقبولا . لكن الذي المني اكثر نه في بداية تعرفي سألته ان كان (يشم يعني يضع النفة في فمه) فقال لي مستحيل انا منديرش هكدا ابدا و قد اخبرته عن كرهي الشديد و التقزز ممن يضعون الشمة في فمهم.و في مرة من المرات رأيت الورق الخاص بالنفة (الماصة)سقط منه فلم اعر الامر اهتماما . ام في اخر مرة وجدت النفة (الشمة) و والورق الخاص به بين اغراضه حرت ماعرفت واش ندير.
هل اصارحه بما رايت و اوبخه ام اتجاهل الامر.واش ندير راني حايرة نكره القارو و الشئ الاسوأ منه الشمة راح يهبلني خاصة المرة الجاية كنتزوج علابالي رائحة الفم راهي لا تطاق مع هذه السموم لي ماعرفتش واش يعجبهم فيها . ربي يهديه

[محمد جديدي التبسي]

وعليكم السلام ورحمة الله وبركاته
حاولي معاه أكثر مثل ما كنت سببا في استقامته تستطيعين مساعدته على ترك التدخين والنفة
ولو أن الإدمان صعب خاصة النفة أصعب من التدخين
أكثري من الدعاء له بالهداية وربي يوفقكم ..

[خالة امير]

زيدي كملي معاه جتى يتخلى عليها في الأخير

[الحزين المبتسم]

السلام عليكم

أختي الفاضلة من خلال طرحك للمشكل أقول أن لديك ايجابية نادرة في كثير من الأخوات ألا وهي الفعالية والتأثير على الشريك حتى يستقيم ان شاء الله

أقول كما قال الأخ محمد تستطيعين أن تنبهيه على ذلك بأسلوب ايجابي

نسأل الله ان يهديه وجميع شباب المسلمين

[روح مراد]

و الله يا أختي ربي معاك الشمة أنا نضمن أنه عمرو ما يبطلها راهم يقولو تحكم بزاف بزاف
وادعي ربي ما يشمش برك و هو راقد و إلا كانت مصيبة كبيرة كل يوم تغسلي فراشك لأن الرائحة قوية و تحكم في الفراش و تحكم في المخايد

[mohamed mahi]

وعليكم السلام

ابقي في نصيحته والدعاء له وكل مايكلمك تكلمي له عن الموضوع حتى يتركها

[عبد الله 22]

السلام عليكم والله السؤال الذي لا كثير ما حيرني كيف تتزوج وتعيش امرأة مع رجل يستعمل تلك النفيات في فمه وراحتها الكرهية و المتسخة قد يكون الامر مهم بالنسبة لك لا تتهاوني فيه خاصة إذا كنت إمراة مهتمة بالنظافة فقد تكون القشة التي تقسم ظهر البعير

[* الحلم سكر *]

قناعتي انو لي يكذب في حاجة يكذب في الف يعني علاه ماصارحكش اول ما سالتيه و قلك لا ما نستعملهاش
مانيش حابة نيأسك لكن انتي طلبتي نصيحة انا لو منك نسال عليه مليح مليح
تريثي اختي و اعرفي وين تحطي روحك اسالي و عاودي حكاية تبليه و الله نسبية ممكن ايه ممكن لا
انتي عليك تدرسي وضعو الحالي و تشوفي اذا تقدري تتحملي ام لا

و ربي يوفقك و يسرلك لي فيها الخير

[bilal best]

الشمه اخف من امور اخرى ...يتزوج و يستعقل

[سدرةالمنتهى]

اختي راهي دااااء فاكيد لها دواء

قلو يحط في بلاصتها اوراق النعناع او الشيح وبالعقل راح يتخلى عليها قبل الزفاف

[first first]

دير روحك ماعلابالكش بموضوع النفة.............حتى يبقى ثقلها على كتفيه........لانه اخبرك انه لاينف ولعله يحاول التقليل منها وتركها.....كون تخبريه بعلمك تنحي عليه هم تركها.
وهي فعلا سم يعبدو فيه...............ربي يهديهم ويهدينا............بالمقابل لاتتركي مناسبة الا وذكرتها هي واختها السجارة بسوء حتى يفهم انك لاتطيقنهما.

[منير265]

و الله حاب نرد بأمر خطير لكن نخاف ندير فتنة و نخوف بنت الناس و يقولك ان بعض الضن اثم المهم حذاري تحكمي عليه مباشرة يلزم التحريات مليييييح ملييييييح باه تفكري في خطوات أخرى .... المهم الماصة لا تستعمل فقط للشمة .... اعلم الأخوة فهموها لكن مش معناها راه يتعاطى ذلك الخبث كذلك نسأل الله العافية

[Hillin]

السلام ختي
صارحيه هدري معاه عليها
لازم عليكم تتناقشو على حوايج لمتبغوهاش هاكاأحسن
لا لا ختي ماشي انك تمنعي اهدري معاه بلتي هي أحسن هاكا ميوليش يخبي عليك وتوصلي انك تكشفيها عليه وهو ديجا قالك لا لا منديرهاش
غير حبة حبة
دوكا نتيا متقوليله بلي لقيتي عند الشمة
اهدريله بأسلوب غير مباشر حتى يعترفلك هو بلي راه يديرها ومنبعدا بشوية قنعيه وعاونيه جتى يهديه رب ويحبسها
هاكا رح يولي يهدر معاك بصراحة وما يخبيش عليك حنونة
بالتوفيق

[سرور2]

السلام عليكم اختي عادي راه مع الوق يبطلا انت قلتي انك ساعدتيه في حوايج بزاف ان شاء الله تبقاي هاك حتان ينح من الطبايع الشينة

انا كنت كيفك والحمد لله بطل الدخان والشمة مع اني عانيت بزاف معاه والحمد لله مع ولادة بنتي حبس كلش نهائيا كيما وعدني هذون الاشياء ومع هذا الشمة والدخان خير من حاجة اكبر

بشوية برك وبدون متعانديه راه يبطل ومدامو وعدك راه ان شاء الله يوفي وعلى النضافة متقوليش راه كاين الي متبانش عليه حتى وتضل في فمو والي مش نضيف الله غالب

[غير هام]

السلام عليكم

كيما ابديتي ختي المشوار كمليه وزييد ألحي بالدعاء حتى رب العباد يعاونك عليه قاع الناس راها مبلية بهاد المشاكل