مساعدة بخصوص الفرن الكهربائي

[غنية غنية]

م المنتج

فرن ايفبا سعة 36 لتر EFBA 1003

العلامة التجارية

ايفبا

الضمان

سنتين

المواصفات

سعة 36 لتر

بقوة 1500 وات

مزود بتايمر 90 دقيقة

حكم فى درجات الحرارة 320 درجة

صناعة تركى

صباح الخير

راني شريت هذا الفرن شكون عندها كيفو راني جربت فيه القاطو كفاه نديرلو يحرقولي نقصت درجة الحرارة هبطت platكيف كيف يحرقو من تحت وحبة القاطو مطيبش مليح من داخل راني اول مرة نطيب في الفور كنت نطيب في كوشة باش تنصحوني كفاه ندير معاه

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 850×850.

[سمراء الدنيا]

اولا بصحتك اختي الفرن و عقبال حوايج اخرين

انا ننصحك ما طيبيش فيه القاطو ..... القاطو يطيب احسن في الفور نتاع الغاز
اما الفرن الكهربائي انا نستعملو للبيتزا و المعجنات و ايضا للبسكوي و للتحمير من الفوق

و اذا بغيتيه ما يحرقلكش غيري الصواني ديري كيما هاذا البلا

[غنية غنية]

شكرا على الرد

[OM AYA]

بالاك مازال ما تعودتيش على الحرارة نتاعو ياك ريقلي درجة الحرارة بحسب نوع القاطو
انا عندي فور كهربائي صنع تركي وفيه الغزيستونس باينين من فوق ومن تحت مش النوع اللي يجو مخبين في الاول كان يخطفلي القاطو ولا الخبز يعني يحرقو لكن مع الوقت تعودت عليه وزيد كنت نوقف عند راسو ودرك ماشاء الله نجحلي ونطيب فيه كل شي ديما نشعلو من قبل ب عشر دقايق للطرف ومن بعد نريقلي حسب نوع القاطو اذا كان موسكوتشو لازم الحرارة معتدلة في الاول اي 180 اقصى حد منبعد كي يشد روحو تقدري تزيدي 240 بالنسبة لسابلي ولا حلوة الطابع تقدر حتى 210 درجة مئوية والخبز 240 والبيتزا نريقلي للطرف 300 نظن اقصى حد عندي باسكو يتقلقو ولادي
بصحتك باربح ان شاء الله

[غنية غنية]

المشاركة الأصلية كتبت بواسطة OM AYA

بالاك مازال ما تعودتيش على الحرارة نتاعو ياك ريقلي درجة الحرارة بحسب نوع القاطو
انا عندي فور كهربائي صنع تركي وفيه الغزيستونس باينين من فوق ومن تحت مش النوع اللي يجو مخبين في الاول كان يخطفلي القاطو ولا الخبز يعني يحرقو لكن مع الوقت تعودت عليه وزيد كنت نوقف عند راسو ودرك ماشاء الله نجحلي ونطيب فيه كل شي ديما نشعلو من قبل ب عشر دقايق للطرف ومن بعد نريقلي حسب نوع القاطو اذا كان موسكوتشو لازم الحرارة معتدلة في الاول اي 180 اقصى حد منبعد كي يشد روحو تقدري تزيدي 240 بالنسبة لسابلي ولا حلوة الطابع تقدر حتى 210 درجة مئوية والخبز 240 والبيتزا نريقلي للطرف 300 نظن اقصى حد عندي باسكو يتقلقو ولادي
بصحتك باربح ان شاء الله

مساء الخير يبانو هذوك الخطوط نتاع رزستونس درت فيه القاطو ودرتو على اقل درجة وحرقولي وكيما قلتي وقفت عند راسو وحرقلي

[OM AYA]

جربي حطيه في الوسط ولا لفوق المهم حتى تلقاي الحل سينو خليه للاكل برك مش للحلويات
انا اللي عندي luxell عندو ربع سنين

[ام ياسمين10]

للاسف اختى معنديش فرن كهربائى وشكروهلى بزاف للقاطو كنت حابة نشرى واحد وكى شفت حرقولك بطلت ههههههه

[~ السلطانة ~]

أنا عندي نفس الماركة و كما قالت أم اية مازال ما تعودتيش على درجة الحرارة تاعه.. انا في الاول كان يحرقلي لكن بديت نقص بالشوية ذرك راه ماشاء الله يطيب على الكيف و الخاطر .

انا في القاطو نقسلو خلاص قريب 50 و نحط البلاطو في الوسط ربع ساعة يطيب الصابلي .

الخبز كيف كيف البلاطو في الوسط درجة الحراة نظبها على 100 كي ييطب من اسفل نشعلوا من اعلى ...