كيفاش ندير مع طفلي في دار العائلة

ام شفيق · 2014-09-25, 11:16

السلام عليكم و رحمة الله تعالى و بركاته
طفلي عمره عام و 7 اشهر و نسكن مع العائلة عندو وليد عمو عمره عامين و نصف و قبيح فوق ما تتصورو فوق ما راه حارمنا من النوم ليل و نهار عندو عادات سيئة و كلام سيئ و على طول يعيط و كل حاجة نشريها لوليدي يحب يديها يصرا دواس و غضب مرت العم و الجدة وليدي واش يدير يعاود من وراه حتى الاكل يرميه من فمه كنت نغلق عليه في الغرفة و ضرك يحب يخرج يلعب بعثتو عند اهلي ما صبرش عليا يرضع صدري و جديه ما عجبهمش الحال قالو راكي تفرقي بينهم قولولي كيفاش ندير مع انو وليدي كان عكسو تماما خلاص نفذ صبري و نقص وزني بزاف و راني قريب نقتل وليدي رجعت نضربو ضرب مبرح انا و باباه
سلكوني بسرعة الله يسلكم

مريم الصابرة · 2014-09-25, 11:22

السلام عليكم اختي
ربي يعينك مشكل والله الإختلاط هذا فالعائلة الواحدة يخلق مشاكل ما تقدريش تكري لازملك تسكنو بعيد وخلاص ضرك وليدك دايما تضربيه ماراهش حل راكي تهبلي فيه يولي الضرب يزيدولي ما ينقلصوش تغلقي عليه ماراهش حل لازم يخرج يلعب سنو نتاع اللعب زيدي يرفدلك الكلام الكبير التربية تولي عليك يقولك هي ما راهيش تربي فيه
ما عندكش حل من غير تحكي مع راجلك تكرو وتسكنو بعيد هذا كان حبين وليدكم او اولادكم مستقبلا تربوهم كيما تحبو نتوما وإذا بقيتي لازملك تعزليه على وليد عمو خليهم يزعفو تربية وليدك اهم من هدرتهم
موفقة

ام شفيق · 2014-09-25, 11:33

اقتباس:

المشاركة الأصلية كتبت بواسطة مريم الصابرة

السلام عليكم اختي
ربي يعينك مشكل والله الإختلاط هذا فالعائلة الواحدة يخلق مشاكل ما تقدريش تكري لازملك تسكنو بعيد وخلاص ضرك وليدك دايما تضربيه ماراهش حل راكي تهبلي فيه يولي الضرب يزيدولي ما ينقلصوش تغلقي عليه ماراهش حل لازم يخرج يلعب سنو نتاع اللعب زيدي يرفدلك الكلام الكبير التربية تولي عليك يقولك هي ما راهيش تربي فيه
ما عندكش حل من غير تحكي مع راجلك تكرو وتسكنو بعيد هذا كان حبين وليدكم او اولادكم مستقبلا تربوهم كيما تحبو نتوما وإذا بقيتي لازملك تعزليه على وليد عمو خليهم يزعفو تربية وليدك اهم من هدرتهم
موفقة

مشكورة و ربي يحفضك على الرد المشكل زوجي بنا غرفة و مطبخ و دوش في دار باباه يعني خسر دراهمو لي كان مخبيهم و ضرك الشهريه قيس المعيشة ما يقدرش يكري و الكرا غالي بزاف و ما رانيش حابة نضغط عليه الضغط الي راه فيه بزاف عليه

mereyoucef · 2014-09-25, 11:58

حبيبتي اول خطوة تديريها هي انك تفطميه حبسيلو الرضاعة راهو قريب عامين هاديك هي ثانيا حاولي في النهار كوني معاه في الغرفة ماتخليهش يخرج لهيه بالتلفاز باللعب معاه و العشية لما يجي باباه و يريح يخرجو معاه و يبعدو تماما على وليد عمو و انتي في هداك الوقت اخدمي شغلك و طيبي و شريلو اللعب الي تخليه قاعد في الدار ما يحوسش على ولد عمو الصباح مثلا نوضيه بكري باش يرقدلك في النهار و بعثيه عند اهلك و خليهم يهدرو واش يحبو لاخاطر كي يخرج ماشي مربي يحصلوها فيك يقولو انتي ماربيتيهش صدقيني راهو في سن تقدري تتحكمي فيه لكن ادا لحق خمس و ست سنوات ما ينفع فيه والو

ام شفيق · 2014-09-25, 12:51

اقتباس:

المشاركة الأصلية كتبت بواسطة mereyoucef

حبيبتي اول خطوة تديريها هي انك تفطميه حبسيلو الرضاعة راهو قريب عامين هاديك هي ثانيا حاولي في النهار كوني معاه في الغرفة ماتخليهش يخرج لهيه بالتلفاز باللعب معاه و العشية لما يجي باباه و يريح يخرجو معاه و يبعدو تماما على وليد عمو و انتي في هداك الوقت اخدمي شغلك و طيبي و شريلو اللعب الي تخليه قاعد في الدار ما يحوسش على ولد عمو الصباح مثلا نوضيه بكري باش يرقدلك في النهار و بعثيه عند اهلك و خليهم يهدرو واش يحبو لاخاطر كي يخرج ماشي مربي يحصلوها فيك يقولو انتي ماربيتيهش صدقيني راهو في سن تقدري تتحكمي فيه لكن ادا لحق خمس و ست سنوات ما ينفع فيه والو

يعطيك الصحة هادي هيا و انا هكذا كنت ندير نغلق عليه الغرفة و نحرم نفسي ما ندير الغدا ما نفطر ما نغسل حوايج
و ضرك عجوزتي رجعت تجي تخرجو و تقولي اطلقي الطفل علاه راكي حابساتيه خليه يلعب مع خوه و فهمتها قلتلها راه يتعلم منو كلش و والو كي شغل مارانيش نهدر بالعكس تنايفني عندبالها راني نفرق ما بين اولادها

om kamilia · 2014-09-26, 00:09

السلام عليكم ورحمة الله وبركاته
تقريبا نفس مشكلتي بصح بنتي دار راجلي يدوها بسيف حبو يربوها على يدهم كماويحبو

أم وائل ولؤي · 2014-09-30, 20:01

رنا كامل نفس المشكل ربي يفرج علينا كامل
حسبي االه ونعم الوكيل كرهولي حياتي انا وولدي وراجلي

Cedrus atlantica · 2014-10-04, 23:12

اقتباس:

المشاركة الأصلية كتبت بواسطة ام شفيق

السلام عليكم و رحمة الله تعالى و بركاته
طفلي عمره عام و 7 اشهر و نسكن مع العائلة عندو وليد عمو عمره عامين و نصف و قبيح فوق ما تتصورو فوق ما راه حارمنا من النوم ليل و نهار عندو عادات سيئة و كلام سيئ و على طول يعيط و كل حاجة نشريها لوليدي يحب يديها يصرا دواس و غضب مرت العم و الجدة وليدي واش يدير يعاود من وراه حتى الاكل يرميه من فمه كنت نغلق عليه في الغرفة و ضرك يحب يخرج يلعب بعثتو عند اهلي ما صبرش عليا يرضع صدري و جديه ما عجبهمش الحال قالو راكي تفرقي بينهم قولولي كيفاش ندير مع انو وليدي كان عكسو تماما خلاص نفذ صبري و نقص وزني بزاف و راني قريب نقتل وليدي رجعت نضربو ضرب مبرح انا و باباه
سلكوني بسرعة الله يسلكم

Semhili besah hassit raki t exagéré ya3ni wlid 3amo 3ndo 2ans er demi mazel beezef sghir, w raho fi l'age nta3 wlidak, ana ran chayf 3andak hassasia mn jihat dar rajlak, khali wlidak yekber w kamli m3ah trabih , w matansayeh bibi rayh yekhrouj ki ywili ya8ra, mala wach diri, tkhayrilo shabo,,

ام رجاء 09 · 2014-10-04, 23:59

حبيت نسقسيك وتقلقت في بلاصتك هاد الطفل ماعندوش يماه تربيه ولا كفاه
والحل تاعك تشري وليدك العاب معناه تعطيلو بديل ويلعب في بيتك يامات ابعتيه العبي معاه ماتخليهش يكره شومبرتك وخرجيه كي يخرجو هوما خرجيه يحوس ماشي واحد ماشي مربي ولاخر على جالو حبس سركاجي لالا مام هو من حقو يلعب وكي يكبر دخليه للحضانة منها يتعلم ومنها يبعد على الطفل لي هو ضحية تربية والديه ومع هادا الكل فصبر جميللللللللللللللللللللللللللل فهمتك وحسيت بيك مليح مليح توشاتني هاد العقلية مام انا هكا نكره حياتي وربي معاك مام انتي حاولي تربي هداك الطفل باسلوب شباب متال علميه سورة الفاتحة ولا الا عداد الا لوان منها يتعلم ويبدل هدرتو ومنها تكسبيه باه الا غلط تتحكمي فيه الا مكاش حساسية من جهة يماه اف ناس عياونا عيتتتت