استفسار شحال كان اخر معدل للقبول في دورة سبتمبر2013

القرصان رضا · 2014-05-25, 11:52

السلام عليكم

استفسار شحال كان اخر معدل للقبول في دورة سبتمبر2013

بن عباس زهير · 2014-05-25, 15:53

مش اقل من 09 لان معدلي كان 08.70 ولم انجح

from the hell · 2014-05-25, 19:03

اخر معدل في دورة سيبتمبر كان 9.30

القرصان رضا · 2014-05-25, 20:44

لا اضن دالك اخي صديقي اخد معدل 9.30 ومنجحش

wallaamiral2000 · 2014-05-25, 20:47

كان المعدل 9.33

from the hell · 2014-05-26, 00:05

اقتباس:

المشاركة الأصلية كتبت بواسطة القرصان رضا

لا اضن دالك اخي صديقي اخد معدل 9.30 ومنجحش

يا اخي انا المعدل تاعي كان 9.32 و نجحت في الكتابي والترتيب تاعي كان 628 من اصل 643

miradj · 2014-05-28, 16:37

ادن المرة هذي شحال راح يكون
والله انا معدلي بعيد بزاف 5.45
يعني مانعولش ننجح حتى 2200
ارجو من اللي كان عندهم معدلات طالعة يقولولنا شحال ذاو في كل المقاييس باه نعرفو المستوى
وثاني يفيدونا بالتجربة في التحضيرات والاجابات

hamdi l'homme · 2014-05-28, 19:09

السلام عليكم..انا طالب قاضي....اخر معدل الدي تم النجاح به ....الدي رأيته بعيني كان في حدود 8.77.

KING AND QUEEN · 2014-05-28, 19:29

خويا حمدي ..نصيحة من عندك حول المسابقة بصفة عامة

dida 31 · 2014-05-28, 19:39

السلام عليكم إخواني عندي إستفسار و هو كيف إستطعتم معرفة معدلات السنة الماضية و شكرا . تقبلوا مني فائق الحترام و التقدير

hamdi l'homme · 2014-05-28, 19:59

السلام عليكم...وش راح نقلك أخي....المنهجية في الاجابة مهمة جدا و الاسلوب كدلك....النصائح في الدليل التوجيهي مهمة جدا....كما يقولوا فهم السؤال نصف الجواب....لازم تخلي الوقت الكاااافي باه تفهم بدقة المطلوب من السؤال باه تجاوب...دااااائما في الاجابة و في المقدمة اشرح مصطلحات التي في السؤال و اوجد الترابط بينهم....انا العام لي فات في السؤال تاع المسؤولية للشخص المعنوي..جاوبت اجابة رائعة ثماثل تاع بوسقيعة...بصح ماعرفتش في المقدمة مفهوم الشخص المعنوي..اديت 9...زميلي عرف الشخص المعنوي بالتفصيل...اخد 15.... المعلومات القانونية مهمة..بصح المنهجية و الاسلوب القانوني المحكم و طريقة تناول الموضوع اهم بكثيير.....دائما مقدمة...'مشكل قانوني...ليس اشكال قانوني''...و كتابة الخطة..بوضوح...و تحرير..هدا العام بوسقيعة يركز كثيرا على جريمة اصدار شيك بدون رصيد لان فيها اجتهاد قضائي جدبد..ممكن تجي في الجزائي او مدكرة او تعليق ..''ممكن''...نظن انه من المفيد اكثر..الدراسة من اساتدة العاصمة..ليس لانهم الافضل بصح هم لي راح يصلحواا و هدا عندوا تأثيرا على التصحيح...هدا لي حضرني درك اي سؤال في الاجابة اسأل اخي..كي نعرف نجاوبك و كي مانعرفش نسألك لي يعرفواا.
بصح حاب نقول كلش بالمكتوب...ادا كاتبة راهي توصلك و ادا ماشي كاتبة غير لا تكسر راسك..المهم الواحد يتكل على ربي و يدير لي عليه برك.....و الله العظيم و الله العظيم و الله العظيم..ماهيش جنة و ماهيش نهاية المطاف...لواحد مالقاش بيها وين برك ...كاين و الله لي لا علاقة بالقراية نجحوا نعرفهم شصيا في المدرسةمايعرفش حاجة اسمها قانون...و كاين اوائل على دفعة قراوا معايا مانجحوش....اي مكتوب ربي برك.......الله يسهلكم.

fetfoul · 2014-05-28, 23:33

شكرا ليك الاخ حمدي و الله كلامك يريح القلب شكرا و الف شكر

tahar_baron · 2014-05-29, 09:28

اقتباس:

المشاركة الأصلية كتبت بواسطة hamdi l'homme

السلام عليكم..انا طالب قاضي....اخر معدل الدي تم النجاح به ....الدي رأيته بعيني كان في حدود 8.77.

اظنك تقصد 9.77 و هذا ممكن في النتائج النهائية اي بعد الاختبارات الشفهية.......لان معدلي كان 8.93 و لم انجح حتى في الكتابي

tahar_baron · 2014-05-29, 09:38

اقتباس:

المشاركة الأصلية كتبت بواسطة miradj

ادن المرة هذي شحال راح يكون
والله انا معدلي بعيد بزاف 5.45
يعني مانعولش ننجح حتى 2200
ارجو من اللي كان عندهم معدلات طالعة يقولولنا شحال ذاو في كل المقاييس باه نعرفو المستوى
وثاني يفيدونا بالتجربة في التحضيرات والاجابات

لا يا اختي نقولك طريقة تفكيرك خاطئة......لان النجاح بدرجة اولى مكتوب..
بالنسبة لسؤالك التاني.......انا كان عندي في الدورة الاولى 8.93 و الترتيب تاعي كان مع 500......لكن في الدورة التانية ما خدمتش مليح كان عندي معدل 7.50.......على العموم بالنسبة للدورة الاولى خدمت مليح في الجنائي كان عندي 12.5...و باقي المقاييس بين 8و 9.75......معدا المذكرة الاستخلاصية ما خدمتش فيها مليح ديت 6
يعني بعبارة بسيطة ممكن مادة وحدة تدي فيها 15 تطلعلك المعدل........و العكس صحيح ممكن مادة تهبطك
و لهذا حاولي تخدمي مليح في كل المواد مع التركيز على مادة ما تكون سهلة بالنسبة لك حاولي تدي فيها مليح......متلا الاداري باعتبار ان حجمه ليس كبير بالمقارنة مع المقياسين السابقين.

tahar_baron · 2014-05-29, 09:40

اقتباس:

المشاركة الأصلية كتبت بواسطة dida 31

السلام عليكم إخواني عندي إستفسار و هو كيف إستطعتم معرفة معدلات السنة الماضية و شكرا . تقبلوا مني فائق الحترام و التقدير

انا بعثت طلب كشف نقاط الدورتين......في الفترة القانونية المحددة........بعثولي الكشوف....فيهم المعدل و نقاط كل مادة و الترتيب...كل دورة وحدها