مشكلة الدراسة و الكسل / باكالوريا

[مشكلتي]

سلام عليكم

الكسل عامل حالة
عندي باك هذا العالم تقني رياضي و امكانياتي العقية و الجسدية و الله الحمد لله لا يعلمها الا الله عز و جل
لكن الرغبة و القوة 00000

مانيش فاهم مانقدرش نفتح كراس في الدار او حاولت في تمارين
افهم الدروس في القسم ثم انساها غريب يقول المعلم الرياضيات او اي مادة اخرى اني اول من يفهم الاشكالية و لكن غدا تنساها ؟؟؟


السبب اني لا اراجعها في االبيت كما يفعل الاخرون

اخواني ارجوكم واش نعمل

+ السبب ربما مشاكل الاسرة حيث عندي ابي كثير الغضب و ووو...
اجد راحتي عندما اذهب لنادي الرياضة فقط

حتى في القسم كرهت الان

[hamdanhamdod]

العام يبان م خريفو فكر مليح واش راك دير الباك نشوة وجامعة حشوة حتى حرقة اصبحت صعيبة بزاف ننصحك ادا ماراك قادر تكمل دراستك روح دفع دوسي ف جيش وبركاك م ضيع في حياتك وراح تندم بزاف اخي الكريم

[الحلم الجميل]

السلام عليكم
يا اخي معليش غير كمل هذا لعام و زير روحك
و ادعي ربي و صلي و دير الي عليك اذا جاء مرحبا بيه و الى لالا قدر الله
الله يسهل عليه و جرب ادفع دوسيك كيما قالك الاخ في الجيش و لا اي حاجة المهم ما تضيع الوقت
و ربي يوفقك و يسهلك ان شاء الله

[دكن]

هذا لانك بعيد على صلاتك ونأكدلك هذا من عمل شيطان قبل ليكون خمول نفسي

كي تروح لصالة تولي نشيط شاهد الفرق

شد في صلاتك

[حضنية28]

توكل على الله واعقد العزم وضع هدف النجاح نصب عينيك هكذا تتغلب على الكسل

[naamane3]

مشكلتك في علاقتك مع الاسرة
لو تقدر تشوف مكان آخر تقرا فيه
راك راح تنجك ابحث عنه
وأسرع قبل فوات الاوان
والله المستعان

[رتيـل]

ربما انت ذكي لكن الذكاء وحده لا يكفي لتنجح
لكنه مصدر محفز احسن استغلاله
و ذلك بان تراجع دروسك بانتظام حتى ترسخ

انا احيانا اكون اول من يجيب على السؤال و في نفس الحصة
يطلبون مني ان اشرح لهم فانسى
اذن لست وحدك

المهم ان تاخذ بالاسباب
و الله الموفق

[mou07]

wlh le mème problème raho 3andi mais un peu de courage et confiance wrebi ywafa9na inch'allh

[مواطنة]

السلام عليكم
الدراسة تتطلب الفهم و الحفظ
و شعبتك روعة الصراحة بما ان الله عطاك نعمة الفهم واصل التثبيت لانو فيه تلاميذ فهمهم قليل لكن من كثرة ما يحفظون يصير عندهم فهم
لتجنب النسيان الطريقة سهلة جدا اختر تمرين انظر للحل و ابق تعيد فيه مرارا و تكرارا حتى تحفظو من بعد انتقل الى تمرين اكثر صعوبة و نفس الشي حتى تكمل تمارين الدرس و بذلك تترسخ طرق الحل ومن حين لاخر راجع التمارين او اختر تمارين من حوليات البكالوريا
الوقت مازال تقدر تدرك النواقص من الان
فيما يخص المشاكل في البيت ما خلى بيت من المشاكل اذا ما تقدرش تقرى في الدار سجل في مكتبة و ادرس فيها خصوصا يوم السبت و العطل انت لازمك تخلق جو مناسب ولا تترك الظروف تتغلب عليك يجب عليك ان تغلب الظروف و اذا ماكانش مكتبة عليك بالمسجد
المكتبة تخليك تركز مليح و الصراحة ساعتين فيها مركز افضل من يوم في البيت دون تركيزحتى لو وجدت اصدقاء حاول تستفاد للدراسة لا غير
من خلال تجربتي لي ينجحو في دراستهم الثانوية او الباكالوريا
اما اي يكون التلميذ عندو غرفة مخصصة للدراسة في البيت او يكون نوع من الهدوء
او معظم الوقت في المكتبة غير ووقت الصلاة في المسجد
او يدرس مع صديق في بيتو
و الباقي بريكولاج
ان العقل فيه اماكن عديدة لتخزين المعلومات شرط التركيز في شيء واحد
انت نظم وقتك و استغل العطلة للمراجعة اما البيت للراحة دراستك هي مستقبلك دير لي تقدر عليه و اسال الله تعالى التوفيق

[السيدة اسيا]

انا تاني عندي باك هذا العام وننصحك ياخويا غير رجع مخك لراسك وولي لطريقك راك امتبع الزهو و التمسخير و المعاودين الي معندهم حتا عملة غير يشوشو علينا ويضيعونا بافكارهم و الله العظيم غير يروحو كامل للجامعة ويخليوك ونهار النتيجة تحس بصح بعد فوات الاوان ...مازال الحال خويا ازرب ريكيبيري قبل ماتطيح الفاس فالراس....بالتوفيق
..

[ام عبد الحق]

لازم تتغلب على الهاجس لانه من الشيطان وتعوذمنه وشد فى ربي ما يخيبكش يا وليدى لازم دير مستقبلك لاه ماتروحش للجيش كيما راهم يقولولك بالباك و تكون قراد طالع ماشي خدام سامبل يحرثو عليك لازم تعاودلحسابات مع روحك من جديد وتفرحنا اخر العام باغلى هدية وتتغلب حتى على المشاكل الى راهي في الداروتعطيهم جو جديد مع هذه الهديه يا وليدي ما تضيعش هذه الفرحة منيدك لانك تستطيع النجاح باذنه عز وجلى