Mille-feuille****من كوزينتي هاااااايل

[القبطية]

اليوم درتو والله قمة اكل شكروه وبالنسبة للاخوات الي طلبو الوصفة اسمحولي بزاف راني تاخرت عليكم ودائما كالعادة لضروف الدراسة المهم وباش منطولش الهدرة نخليكم مع المع المقادير

المقاديرهي :
العجين المورق انا طبقت تاع ام انس ربي يحفظا لوليداتها ويشافيها ويرحم بابها ومرايحاش نستغنى على طريقتها ابدا
وهاي ليكم في الرابط
https://www.djelfa.info/vb/showthread.php?t=1327489
كريمة موسلين و فوندون و شيكولة هدا ما كان

كريم موسلين
هي عبارة عن كرام باتسيير ونظيفلها شوية مرغرين ونطلعها بالباتوغ
المقادير هي
كاين بزاف طرق و اسهلها لي راني معتمدتها :
1 لتر حليب ،فنجان شاي مايزينة و2 فناجن شاي سكر ولفاني و2 بيض هدي الكمية تخدملك وحد 25 حبة
والطريقة معروفة
خلطي بالمضرب البيض +السكر + الفانيليا ثم اضيفي المايزينة مغربلة و خلطي +الحليب الساخن مع الخلط المتواصل رجعيها على نار هادئة مع الخلط المتواصل بالمضرب حتى تعقد خليها تبرد
الان تتحول الى موسلين بعد ماتبرد نزيدلها 100غ مرغرين الي عندك انا جربت فلوريال ولابال في زوج يصلحو
وطلعيها بالباتوغ والان راهي جاهزة حطيها في الثلاجة

الفوندو
هو عبارة غن كمية قليلة من الحليب ولفاني وسكر رطب وهنا كيما تحبي نتي عينك ميزانك كيما تحبيه انتي يلا تقيل ولا خفيف هنا كمبة السكر تلعب دور

الان نرجعو للعجين بعدما تكوني حضرتي الغجين المورق
نحلوالعجين المورق رقيق و نضعه على ظهر الصينية باش يجي مستوي اثقبي جيدا
وشعلى الكوشة تسخن طيبيه من التحت وكي تشوفيها بدا يحمار من التحت اشعلي الفوق ناقص ونقصي للتحت ولا طفيها ادا كانت حمرا مليح ومتزيدش للنار من فوق يلا تحرق مايجيش بنين
ويلا شفتيه طلعلك بزاف اجبديه اضغطي غليه من الفوق بسنيوة اخري غير بالعقل وخليه يكم طيابو

كي طيبي 3 طبقات تاع العجين المورق
اقسمي الكريمة الى قسمين اطلي فوق قطعة العجين زيدي القسم الثاني كيفكيف و حطي قطعة العجين الاخير بصح الجهة الملساء هي من الفوق واضغطي بالسنيوة من الفوق باش يجيك مستوي مليح واخيرا وليس اخرا ديري الفوندون لازم يكونو طبقاتك تاع الميل فوي باردين سينو يسيح الفوندو ومايجيش الشكل شباب
وديري خطوط تاع شكلاط بين كل وحدة 5مم واستخدمى عود ثقاب ولا كيردون باش تنتحصلو على هدوك التموجات لازم كي تروحي بالخط من اليمين لليسار في الرجوع من اليسار لليمين ان شاء الله تكونو فهمتوني لانو راني ماصورتش الخطوات بالتفصل كنت مزروبة
وخليه ينشف وقطعيه وكاش سؤال راني هنا ان شاء الله تكونو فهمتو عليا
وهامليكم الصور
https://www.djelfa.info/vb/showpost.p...20&postcount=1
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
وهدي التجرة التانية والله جربو ماتندمو انا اعجينة المورقة في المرة التانية عجبتني كثر والفونو خربتو شوية كان راح عليا الحال والعشا كان يستني علبيها خرجتو مبهدل هكدا
متنساوش دعوة خير بظهر الغيب

وهدا تجربة للمرة التالته
[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

اللهم ادمها نعمه واحفظها من الزوال

[janino]

فعلا يبان روعة يعطيك الصحة و بصحتكم

[احلى حياة]

خرجلك 444444444444444باين بنين تقولشي تع برا يعطيك الصحة

[القبطية]

المشاركة الأصلية كتبت بواسطة احلى حياة

خرجلك 444444444444444باين بنين تقولشي تع برا يعطيك الصحة

الله يسلمك حبيبتي وربي يحفظك شكرا على المرور

[القبطية]

المشاركة الأصلية كتبت بواسطة janino

فعلا يبان روعة يعطيك الصحة و بصحتكم

شكرا على المرور اختي

[القبطية]

المشاركة الأصلية كتبت بواسطة janino

فعلا يبان روعة يعطيك الصحة و بصحتكم

شكرا على المرور اختي

[ريتان]

تعيشي ممكن الرابط

[ام خديجة1]

جاك تحفة اختي بارك الله فيكما

[ouissamak]

machkoura okhti ellah ybarek

[tong2]

الله يــــبارك مــــاشــــاء الله

يـــعـــطيك الصـــحة

[ام وهبي]

jak 44444444 ou bayéne hayél ya3tik asa7a

[ana7anane]

جاك روعة يعطيك الصحة

[كريمة كوكة]

تحفة مطبخية صالحة للأكل باك الله فيك و بالصحة والراحة.

[& هبة الرحمن &]

ماشاء الله روووعة يعطيك الصحة ممكن من فضلك رابط العجينة شكرا

[ريتان]

تعيشي يا القطبية اعطيني وصفة الفوندو