آخر صيحات الموضة ......... الإجتماعية

مريم الصابرة · 2013-10-23, 14:38

.......................

oumhana · 2013-10-23, 14:55

عندك الف حق يا أختي انا لمرانيش فاهماتو هو كيفاش الأولياء يقبلوهذي لمحيرتني و تاني كفاه عربيه تتزوج بصيني هذي محبتش تدخل في راسي على كل ربي يجيب الخيرلكل مسلم و مسلمه

مريم الصابرة · 2013-10-23, 14:57

اقتباس:

المشاركة الأصلية كتبت بواسطة oumhana

عندك الف حق يا أختي انا لمرانيش فاهماتو هو كيفاش الأولياء يقبلوهذي لمحيرتني و تاني كفاه عربيه تتزوج بصيني هذي محبتش تدخل في راسي على كل ربي يجيب الخيرلكل مسلم و مسلمه

السلام عليكم أختي
شكرا على مرورك بموضوعي
انا هذي نتاع صيني لو تسكن قدامي نرحل انا ونخليلها الساحة يعني صيني وجزائرية تولي تاكل القطوط وتجيب اولاد كيما جاكي شان تتخيليها كارثة رانا هكذا وما سلكناش وكيفاه يالصينين جاتني تأبرني وتقبلناها شابين وزيد إبن عميييييييييييي وضرك واخا حملة المغاربة يا ترى هل الآتي عهد جانيتووووووووووووو
شكرا

Mمرمورة · 2013-10-23, 15:07

واحدة بواحدة اختي مريم

هو يخير السورية والرومية
وهي تبدلو بالصيني والتركي هههههههه

وبهذا يصبح المجتمع الجزائري أم الدنيا هههههه

شكرا اختي مريم على الموضوع الممتع

بين الحقيقة و السراب · 2013-10-23, 15:51

..............................................

مريم الصابرة · 2013-10-23, 15:54

اقتباس:

المشاركة الأصلية كتبت بواسطة mمرمورة

واحدة بواحدة اختي مريم

هو يخير السورية والرومية
وهي تبدلو بالصيني والتركي هههههههه

وبهذا يصبح المجتمع الجزائري أم الدنيا هههههه

شكرا اختي مريم على الموضوع الممتع

السلام عليكم مرمورة شكرا على ردّك الرائع
إنتقام حواء من آدم يا اختي كلمة صيني وحدها تعيفتي تركي ممكن فيه مقومات اما صيني قوليلي هو رايح يبان راجع والقطوط وااااااااااااع نبور بمرتبة الشرف ولا ندي صيني والله لا يجعل يكون من المكتوب ننتحر نديه من الصومال وما نديش صيني
لكن لو نفكر بالعقل اختي هنا غلطة الاهل تخيلي يجيهم خاطب من المغرب يعني لا وثائق ولا اوراق وما يعرفوهش وتقولي إنت خطب بنتهم اوباما ما فهمتش هل البنات رجعو عادي بطاطا ارواح أشري برك ربي يهدينا شكرا لك على ردك المشجع

مريم الصابرة · 2013-10-23, 15:57

اقتباس:

المشاركة الأصلية كتبت بواسطة بين الحقيقة و السراب

زواج المصالح يا "مريم" ،
شرّع الله الزّواج - بضوابط معيّنة - لحكمة يعلمها [ مشي غير لّي جات هات ]
تأمّلي في الآية تجدين وصفا غير مباشر لهذا النّوع ،
قال تعالى:
(ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة إن في ذلك لآيات لقوم يتفكرون)

[ و لي ما عنده عقل شا نديروا له ؟ على الأقلّ تهنّينا منّه ]

السلام عليكم اختي
سرتني مشاركتك العطرة وكذا دليلك من الشرع فجزاك الله كل خير
مودة ورحمة قوليلي وين المودة بين صيني وجزائري
قوليلي يرحم والديك هو يقولها نيهاااااااااااا واش تقولو وانا ثاني
او تركي يحب يشرب الشاي بزاف واش ديرلو تحكملها لانيمي على جالو ويا ربي كانت فهمتو 7 آلاف حرف
المشكل ختي تقولي إنت خطبهم مانعرف شكون كاين هنا وحدى بناتها كلهم متزوجين فالخارج كل وحدة وين تزوجت قطر ودبي والاخيرة تركيا قتلها علاه راكي تخدمي سفيرة منين تجيبي فالعرسان لبنتك وغير فالخارج الناس هنا وما لقاوهش المحلي وراه مفقود ونتوما مستورد وغير اللي جاي على حساب المسلسل كيفاه تعرفوهم إنو ملاح وعقليتهم مليحة وما عندهمش مشاكل فبلدانهم الواحد يعجز يسقسي على اللي هنا كيفاه اميال المسافات ربي يهديهم
اللي ما عندهاش العقل تدي جابوني وتخلاص عليها مياااااااااااو
شكرا كل على الرد الرائع

~~نايفز55~~ · 2013-10-23, 16:15

اقتباس:

المشاركة الأصلية كتبت بواسطة مريم الصابرة

..... موضة تهرب شبابنا الجزائري من الزواج بالجزائريات بعدما فرحو هم بقدوم السوريات:ههههههههههه
والله غير ضحكتني صح شبابنا يقطع في رحوا على جال الزواج
وفي اخير تجي لالة الجزائرية تتقلش عليه
اه موش طويل اه موش شباب اه معندوش اه اه
حتي كرهوا في اخير تتهموهم بهرب يخي حالة يخي

فهل بناتنا تنتقم منهم بإستبدالهم بالأتراك والمغاربة والسوريي:
ههههههههههههه تنتقم من شكون هههه تنتقم على روحها
يخي راه ضر في روحها في اخير هذا اجنبي يرجع لبنت بلدوا
وتبقي هيا تطايش كيما قبل

هل هناك آخر صيحات وعروض في المجتمع في محيطكم؟
لا مكانش.
هل ترون أن تغيير انواع الزواج كتغيير الملابس هو موضات وعليه أن يتغير كتغيرهم في كل موسم ؟
زواج عاد كيما الحج لمن استطاع إليه سبيلا.

أنتم الشباب هل تقبلن بهكذا زواج لاخواتكن ولماذا؟
وعلاه خوتتنا راهم يطيشوا
لصاب مصلحتوا شارع قدموا ولنوي لحلال
مرحبة بيه ولغلطة ما يلوم غير رحوا

لمهيش ديرة قيمة روحها هذيك مشكلتها موش مشكلتنا

وســــــــــــــــــــــــــــــــــــــــــــــــ ــــــــــــــــــــــــــــــــــــــلام عليكم

مريم الصابرة · 2013-10-23, 16:29

اقتباس:

المشاركة الأصلية كتبت بواسطة نايفز55

وســــــــــــــــــــــــــــــــــــــــــــــــ ــــــــــــــــــــــــــــــــــــــلام عليكم

والله غير ضحكتني صح شبابنا يقطع في رحوا على جال الزواج
وفي اخير تجي لالة الجزائرية تتقلش عليه
اه موش طويل اه موش شباب اه معندوش اه اه
حتي كرهوا في اخير تتهموهم بهرب يخي حالة يخي

السلام عليكم اخي شكرا على ردك وساجيبك
لالا كاين رجال ما راهمش نتاع مسؤولية ويعلقو فشلهم على المرا ويديرو العيب فيها
ثم ماكانش اللي يخيّر قد الراجل يلقاها نتاع دين ولما ما تعجبوش فالشكل يخليها وهو حافظ ال60 ما تغطوش الشمس بالغربال
ههههههههههههه تنتقم من شكون هههه تنتقم على روحها
يخي راه ضر في روحها في اخير هذا اجنبي يرجع لبنت بلدوا
وتبقي هيا تطايش كيما قبل

ما عندها باه تضر روحها في بالك وحاليا والتطور واش من مرا تطايش راهم بالطونوبيلات وبالخدمة والشهرية شكون يطايش بنظرك اخي المرا برك هنا تشري دار واولاد وسترة اما كلمة تطايش ما نظنش المرا لما ما تتزوجش دارت حلول لنفسها وحتى لو قبل ما توصل لسن الزواج راهي دير فالخطط لحياتها مش تستنى فقط زواج جا او ماجاش تنتحر هذيك راحت بكري
لا مكانش

الحمد لله

زواج عاد كيما الحج لمن استطاع إليه سبيلا.
لانو الحرام بات كالذهاب للسوق اسهل بزاف من الحلال

وعلاه خوتتنا راهم يطيشوا
لصاب مصلحتوا شارع قدموا ولنوي لحلال
مرحبة بيه ولغلطة ما يلوم غير رحوا

لمهيش ديرة قيمة روحها هذيك مشكلتها موش مشكلتنا

هنا نتفق معاك لأانو أصلا انا ضد الزواج بغريب خارج الوطن وعادات اخرى وخاصة زواج مصلحة
شكرا على ردك بارك الله فيك

أيمن عبد الله · 2013-10-23, 17:25

السلام عليكم

ورد في الأثر أنه

من تزوج امرأة لجمالها مازاده الله إلا هما

ومن تزوجها لمالها مازاده الله إلا فقرا

ومن تزوجها لحسبها ما زاده الله إلا ذلا

المنتصر1 · 2013-10-23, 17:39

اضحكتني اضحك الله سنك واسعدك في الدنيا والآخره؟؟؟

لم تجعلين من الحبه قبه؟

اين السوريات والمغربيات والعربيا ت وغيرهن؟؟

انا لا ارى الا موسطاشات تجوب الشوارع وفيهن كل الخصال............

ومن طلب الزواج حصل في شروطهن...وقد يكتشف اخيرا انهن استاذات..........

مساك الله بالخير يا وجه الخير..صح النوم

مريم الصابرة · 2013-10-23, 17:47

اقتباس:

المشاركة الأصلية كتبت بواسطة أيمن عبد الله

السلام عليكم

ورد في الأثر أنه

من تزوج امرأة لجمالها مازاده الله إلا هما

ومن تزوجها لمالها مازاده الله إلا فقرا

ومن تزوجها لحسبها ما زاده الله إلا ذلا

السلام عليكم اخي

والمشكل هذا معروف انا الآن استغرب لموضوة الزواج الجديدة وبطرق متعددة والأهم جنسيات غريبة عنا تماما في كل شيء
ألهذه الدرجة أصبح الزواج امرا مهما ولابد منه ومهما كانت النتيجة غريب حقا لما يجي صيني يدي جزائرية علاش يلقى دار وين يبقى هنا ويدير مستقبل كيما راجلنا يروحو حراقة يدو القاوريات تبادل مصالح
شكرا لك على التدخل

المنتصر1 · 2013-10-23, 17:50

]اضحكتني اضحك الله سنك واسعدك في الدنيا والآخره؟؟؟

لم تجعلين من الحبه قبه؟

اين السوريات والمغربيات والعربيا ت وغيرهن؟؟

انا لا ارى الا موسطاشات تجوب الشوارع وفيهن كل الخصال............(حاشا بنات الاصل )

ومن طلب الزواج حصل في شروطهن...وقد يكتشف اخيرا انهن استاذات..........

مساك الله بالخير يا وجه الخير..صح النوم

مريم الصابرة · 2013-10-23, 17:51

اقتباس:

المشاركة الأصلية كتبت بواسطة المنتصر1

اضحكتني اضحك الله سنك واسعدك في الدنيا والآخره؟؟؟

لم تجعلين من الحبه قبه؟

اين السوريات والمغربيات والعربيا ت وغيرهن؟؟

انا لا ارى الا موسطاشات تجوب الشوارع وفيهن كل الخصال............

ومن طلب الزواج حصل في شروطهن...وقد يكتشف اخيرا انهن استاذات..........

مساك الله بالخير يا وجه الخير..صح النوم

السلام عليكم اخي
ربي يهنيك يا رب شكرا على الدعاء ولك بالمثل
وإنوتما علاه تروحو للاستاذات إلا لما تسمعو بالعلاوات صدقني نهار ولاو يمدولهم علاوات جاراتي معلمات كامل تزوجو :d:d ويخيرو لازم تكون مرسّمة يعني بالمنصب مش ديباناج برك
ما درتهاش قبة راهي قبة من الاول كي ولينا نزوجو بناتنا للشناوة واش خلينا وراهم بدا يخلو عندنا الصومالين منا على شر سنين نولو نهيش قصة فلة والأقزام السبعة على أرض الواقع
الله يسلمك اخي انا ما نرقدش كان تقصد راقدة على الوضع للا راني متابعة على المباشر مش راقدة عليها كل يوم نكتب موضوع
شكرا وربي يخليك ويهنيك يا رب

المنتصر1 · 2013-10-23, 18:32

راهم تكيرو علينا

خلي يتزوجوهم ومن بعد يهربو لبلادهم

ويخلوهم مع الاطفال في الشارع