للمرة الثالثة على التوالي لم انجح في المسابقة

[zouka.zika]

بالرغم من المعد الجيد المتحصل عليه اضافة الى تخرجي منذ 2010 لم انجح في مسابقة الاساتذة والله كرهت واحد قرا وندم تلقى غير البنات ناجحين كاين بنات انا خير منهم في المعدل وهم نجحوا مكان وانا مكان والوا عندي ملتقيات دولية وبحوث منجزة ومقبلوهمش متفهمش على الدولة الخاسرة كيفماه تنقط

[glourious99]

ربي يعوضك يا أخي ... واصل المحاولة و العمل في أي مجال

[salihastar]

للمرة الثامنة أنجح هههههههههه اصبر

[ام اولادي]

اصبر اخي انا تخرجت في 1999 وماال ماخدمتش عندي استخلافات وقديمة لكن والو العام الماضي شاركت فالمسابقة قالو لقدام اولى مبعد خدمو لجداد فقدت الامل ومانزيدش نشارك انا امراة بصح انت ماتياسش راح تكون مسؤول على عائلة اخي وربي ينجحكم كامل لوكان بيدي ننجح و نمد مكاني لراجل مولى عائلة بالتوفيق

[hadnan]

نفس الحالة أخي ــــــــــ أنا متخرج 2009 وعندي 5 شهادات عمل خبرة ومعدل جيد ـوالمقابلة 3 نقاط ـــــــ لكن قوائم الناجحين تجد متخرجي 2011/2012


هذا بخصوص العام الماضي أما هذا العام نحن في انتظار صدور النتائج ــــــــ والله فوق الجميع

حسبنا الله ونعم الوكيل

[تبسي زوالي]

ماعليش خويا زيد اصبر وماتقطش من رحمة ربي

[كلتوم28]

ان الصبر هو مفتاح الفرج والله ليشد في ربي يوصل وانا اكبر دليل انا تخريجت 2004 وعملت عام فقط في التدريس ومن ثم وانا بدون عمل لاكن تمسك بالله وايمان القوي بان الله لايضيع جهد احد نجحت في المسابقة في الاحتياط واتمني من الله ان يوفقني ويعيطونا بربي كل شي ممكن المهم في هذا الدنيا يدي العبد غير واش كتبل الله سبحانه

[تبسي زوالي]

المشاركة الأصلية كتبت بواسطة ام اولادي

اصبر اخي انا تخرجت في 1999 وماال ماخدمتش عندي استخلافات وقديمة لكن والو العام الماضي شاركت فالمسابقة قالو لقدام اولى مبعد خدمو لجداد فقدت الامل ومانزيدش نشارك انا امراة بصح انت ماتياسش راح تكون مسؤول على عائلة اخي وربي ينجحكم كامل لوكان بيدي ننجح و نمد مكاني لراجل مولى عائلة بالتوفيق

هاذو بنات الفاميليا اللي تقولي عليهم يما الله يذكرها بالخير

[خليل الفائدة]

أنا 7 مسابقات ....

[الحنان المفقود]

يا خويا
أنا ثاني من 2009 وانا نشارك
والو.
أنا ما نزيد نشارك ما نكذب على روحي .

[بوعلام عبدالسلام]

ما تسكتوش على حقكم وتقولو ما نجحناش اضربوا الطابلة ..........راكم جامعيين العقالة عمرها لا كانت مفتاح لابناء الجلفة
اذا لقيت طفلة خير منك لانها تجري على روحها ومعارفها ياسر وحنا الزاوالية لينا ربي مي لازم نكونو حاريين بطريقة قققانونية الطعون والاعتصام هو الصح ونزيدكم حاجة انا على نفسي متخرج 2011 نلقى واحد 2012 ولا 2013 نجح نقلبها

[zouka.zika]

المشاركة الأصلية كتبت بواسطة ام اولادي

اصبر اخي انا تخرجت في 1999 وماال ماخدمتش عندي استخلافات وقديمة لكن والو العام الماضي شاركت فالمسابقة قالو لقدام اولى مبعد خدمو لجداد فقدت الامل ومانزيدش نشارك انا امراة بصح انت ماتياسش راح تكون مسؤول على عائلة اخي وربي ينجحكم كامل لوكان بيدي ننجح و نمد مكاني لراجل مولى عائلة بالتوفيق

شكرا لك والله انا كرهت من البنات وين نروح نصيبهم بصح انت بينتي بلي كاين بنات فاميليا ربي يبارك فيك ويعطيك ما تتمناي

[kamilya2755]

انا عاشر مرة نخسر

[[مطمئنة]]

منطقيا برك طور ثانوي وش يدير بملتقيات علمية؟؟؟؟

هاته المعايير راهي في مسابقات الأساتذة المساعدين و الأساتذة المحاضرين في الجامعات

و اذا على المعدل أنا عندي تقريبا 15 و متخرجة من 2009 و عندي خبرة سنة و ما نجحتش العام لي فات و بالزهر العام هدا

و اذا على الملتقيات عندي 3 دولية و واحدة وطنية و ما حطيتهمش خاطر على بالي ما عندو ما دخلهم في الثانوي

و اذا على البنات راهي كتقرب الدنيا تفنى يفوق العدد تاعهم الذكور بكثييييير تقبلها كذلك منطقيا فقط

ربي يعوض عليك و على كل الرجال خاصة و على كل امرأة محتاجة فعلا لتعول نفسها أو عائلتها (على خاطر ماكانش امرأة تحب تتعب و تظل طالعة هابطة باه تكون على بالك نحن نبحث عن العمل كَرها لا حُبا المرأة بطبيعتها تحب تكون بيتوتية و مدللة و يا حسراه شكون لي راح يدللها في وقتنا هذا ......و الناس الكل يتفكروا فتاوى الدين غير في المرأة و عمل المرأة كتضيق بيهم و ينساوا انو كاين ربي يجيب دعوة الداعي اذا دعاه...)

و انا لوكان ننجح و نلقى ورايا واحد نعرف بلي متزوج و بطال صدقني نتخلى عن المنصب ليه

المهم الواحد يكون قلبو كبير و ما يحسدش و كل واحد يكتبلو ربي رزق والله ما ينحيه حتى بشر

[ام اولادي]

شكرا لكما اخواي تبسي و زوكا نتمنالكم النجاح في حياتكم و ربي يسهلكم و يرزقكم من حيث لا تحتسبان امين