الجــــزء الاخير من قصتي مع الباكلوريا و اللحظة الحاسمة

[adel23paris]

السلام عليكم
لا ادري لماذا اغق الموضوعين االسابقين من طرف الاشراف على العموم شكرااا
ارجوا عدم غلق هذا الموضوع لان الاعضاء بصصد معرفة النتيجة
نحن الان وصلنا من القصة الى الجزء الاخير وهي اللحضة التي اعلنت فيها النتائج
.......
انتهى الباك بعد اربعة ايام من التوتر والخوف و الارهاق الكل خائف ومتوتر من اجابته الذي وضعها في الامتحان البعض يرى انه اخطا والبعض الاخر يسمع اجابات من طلبة اخريين لم تكن مثل اجابته خوكم والله ماعلابالو بواش صاري همهم الوحيد المنتخب الوطني وش عامل هههههههه كملت الامتحان الوجهة مباشرة يوم الاربعاء الى البحر مع الاصدقاء كاني لم اجتاز امتحان الباكلوريا انا منكذبش عليكم من اليوم الاول او بالاحرى في ليلة الامتحان لست مثل الطلبة لا كتب لا كراريس لا مناهج لا معلومات مدرسية لا دروس خصوصية مخ فارغ لا يفكر في الامتحان همه الوحيد هو الذهاب للامتحان لنسيان ماحصل معه من مشاكل .....المهم مرت الايام مرور البرق من كثرة التحواس ههههههه الصديق يتصل يخبرني ان اعطيه الاجابات التي كتبتها ليمنحها للمعلم ليصححها هههههه قتلو وش من اجابات راني نسيت وش كتبت بدات تخرج الاشاعات راكم تعرفو مرة تسمع نسبة النجاح كذا ومرة تسمع كذا ......الناس خايفة و قلبها راح يحبس خوكم يسمع ويصبر في الناس ههههههه المهم بالتحديد ليلة الخميس نقدر نقلكم الشعب كامل في الانترنات الاولياء مساكن خايفين اكثر من ابناءهم خوكم والله يدعي من قلبو لجميع الممتحنين لانه مر بهذه المرحلة عامين لكن نفسه باردة لانه يعلم من الاول انه ليس مثلهم هم درسو وسهرو الليالي ودروس خصوصية و..... وانا ماديها غير في التحواس والسهرات مع لحباب .......المهم يالتحديد يوم الجمعة الذي خرجت في النتيجة في الانترنات خوكم عادل راقد ويشخر في سابع نوم هههههههه استيقظت تلفت الى الهاتف الساعة 12.30 وجدت 19 اتصال من الصديق ههههه ماذا يجري عاودت الاتصال به قال لي الباك راه خرج اني مديتش نفسيتو منهارة جداااا وبدا يسميلي في الاصدقاء لي نعرفهم كلهم مانجحوش قتلو قداه طلعلك قالي 9.56 وقالي وانت وش عملتي فاها قلت ماعملت والو اني ذرك وين نضت واني خارج قالي ياطنه راني نحكيلك على الباك نجحتي ولا لا هههههههه قتلو غير متكسرش راسك بيا اني من اللول قتلك اني مشني جاي باه ننجح قالي شوف برك حاب نشوف المعدل هههههههه قتلو فكنا يا ولدي مشني حاب نضحك على روحي المهم بعد قليل اتصال من العائلة الام تتكلم وتقول او مشو تاع قراية منجحش ههههههه عرفت بلي المتصل يسال عني وش عملت فيها
خرجت من المنزل حركة واسعة السارات تكلاكسوني الناس تزغرد و تعيط ذهبت عند صديقي في مقهى انترنات باه نفليكسي ونسقسي على وحد الصديق اجتاز معي في القسم فليكسيت عيطتلو قالي راني نجحت قتلو كلش مبروك
يا خويا قالي وانت وش عملتي قتلو خوك من اليوم الاول مشو ناجح ومن كثره ماهو فرحان كوبا عليا ههههههههه
الناس بدات تتوافد على السيبار تاع صديقي ناداني قلي عاوني اني وحدي جلست بجانبه الطلبة يتوافدون لمعرفة النتيجة اولياء مرتعدون وخائفين من نتيجة ابناءهم نسبة نجحت ونسبة لم تنجح ..... بعد لحضات بدا يقل العدد الى ان فرغت تقريبا ذهب صديقي الى لشراء وجبة للغذاء تركني في المحل .........هههههههههههه الحاسوب ينظر اليا وانا انظر اليه tellement مالقيت وش نعمل وليت نشوف في الطلبة الذي اجتازو معي في القسم وش عملو هههههههههه اخذت رقم التسجيل الخاص بي لمعرفة رقمهم الاخير وش حانقلكم معدلات كارثية حقااااا غير بــ 6 و 7 انتهيت قلت الناس كل شافت بقيت غير انا والله نشوف المعدل الكارثي لحطوهولي كتبت رقم التسجيل الخاص بي ضغطت على entrer بعد برهة خرجت النتيجة هههههههه 12.04 ههههههههههههه تعجبت عاودت الكرة زادت خرجت النتيجة 12.04 قريت اسمي صحيح واللقب صحيح رقم التسجيل صحيح وش لي قاعد يصرى اني قاعد نحلم ولا واش لعبتني الدوخة قلبي راح يحبس غير يضرب من الخبر الفاجعي قريب دخت من الفرحة لي جاءت في بالي اللول الوالدة والله خرجت من السيبار وصديقي مكنوش خليتها وحدها فارغة ههههههههههههههه دخلت للمنزل وجدتها مع الشغل تاع الدار قلتلها يا يما راني نجحت وديت الباك قاتلي يا ولدي راك حتحبسلي قلبي باكذب تاعك قتلها والله غير نجحت يا لعزوز غير اضربي فيها تزغريدة جاتني محظنتني وتبكي وتقولي راك فرحتني يا عادل روح اشريلي الفرينة والعسل والزبدة باه نبدا نوجد الحلويات ههههههههههههههه
انا فرحتي كثرة كي فرحت الوالدة جامي شفتها فرحان كيما نهار لي نجحت فيه تقول عليها هيا لي عقبت و نجحت
قاتلي يا ولدي شوف ربي كيفماه يسهل لعبادو حبيتي نخذم مكتبلكش ربي
نحالك حاجة واعطالك حاجة
المهم راكم تعرفو كواليس النجاح الزغاريد الاهل والاحباب في المنزل يباركولي تقول عليا راح نتزوج ههههههههههه
الله وحده من وفقني في هذا النجاح الذي لن انساه ابدااااا في حياتي
هنا انتهت قصتي يا اصدقائي بالرغم اني لم اتطرق كثير في طرحها فقد لخصت منها بقدر ما استطعت حتى اصل الى النتيجة لان الوقت لا يكفيني
انا اتمنى من كل قلبي النجاح لجميع الطلبة المترشحين والله العظيم اريد ان يعيشو فرحة النجاح التي لا تنسى وتبقى راسخة كيما يقول المثل الجزائري فرحة الباك كبيرة على فرحة العرس
ولاتندم أخي على أي شيء فالبكالوريا يبقى امتحان كبقية
الامتحانات عدم النجاح فيه ليس عيبا وليس انتقاصا من قدرك
لدي أمل فيك أخي وفيك أختي بأنكم ستكونون شعلة وهاجة في
القادم ما عليكم الا أن تتجنبوا التفكير السلبي وانفرد بنفسك في هدوء
وخاطبها وتشاور معها فان في ذلك فائدة عظيمة وحدثها بتروي بأنك لا تريد أن
تبقى هكذا
و لا تضنو ان كل من في الجامعة هو الناجح و لا تدعوا الياس يسيطر عليكم
انا دائما اتفال معكم واسبق الخير معكم انشاء الله توفقوا وتظفروا بهذه الشهادة صدقوني انا انظر الىكم بقدر ما انظر الى والديكم لان الفرحة الكبرى بنجاحكم يفرحها اولياؤكم اكثر منكم اتمنى لكم النجاح من كل قلبي
ومن نجح فليراسلني لاعيش معه لحضة الفرح
سوف اترك الskeyp الخاص بي pacino23bienbien
وكدلك لمن لم يساعفه الحظ فانا هنا لمساعدته بكل مااؤتيت
والسلام عليكم ورحمة الله تعالى وبركاته

[فوزي الفايز]

ههههه نهاية سعيدة

لكن لم اقهم كيف نجحت هل كان ما عملت صحيحا ام قاموا بخطا عند التصحيحات و زادولك النقا ط

[adel23paris]

المشاركة الأصلية كتبت بواسطة فوزي الفايز

ههههه نهاية سعيدة

لكن لم اقهم كيف نجحت هل كان ما عملت صحيحا ام قاموا بخطا عند التصحيحات و زادولك النقا ط

ههههههه جل ماكتبه كان صحيح
تاريخ وجغرافيا منحوني 14 فلسفة الذي قلت في نفسي افكار غريبة وضعتها منحوني 12 لغة عربية 12

[safia2]

bebaraka 3lik khoya wlh hta ana frahtlek nchah ncoun men najhin ana w khoya ya rab w likoum
koun ghir tkemelena ki dkhalt la fac

[فوزي الفايز]

المشاركة الأصلية كتبت بواسطة adel23paris

ههههههه جل ماكتبه كان صحيح
تاريخ وجغرافيا منحوني 14 فلسفة الذي قلت في نفسي افكار غريبة وضعتها منحوني 12 لغة عربية 12

هههه اشكر الله الدي وفقك ....و بالتوفيق لك في مسيرتك العلمية .. .-

[adel23paris]

المشاركة الأصلية كتبت بواسطة safia2

bebaraka 3lik khoya wlh hta ana frahtlek nchah ncoun men najhin ana w khoya ya rab w likoum
koun ghir tkemelena ki dkhalt la fac

وفيك بارك انشاء الله تنجحو كلكم
هههه فيما يخص الدخول للجامعة والتخصصات لا ادري ان كان الوقت يسمح سوف اتركها بعد خروج النتيجة انشاء الله وسوف اساعدكم في التخصصات المطلوبة ومدى اهميتها و كيفية الالتحاق بالجامعة

[Hind_dz]

ههههههههههههههههه والله فرحتلك خويا،، حكايتك حكاية صح،، ايا الحمد لله كي نجحت،، الله يفرحنا كيما فرحت انت

[amelmimi94]

حدثت معجزة ههههههه قصة رائعة و نهاية سعيدة مبروك عليك خويا و بارك الله فيك

[adel23paris]

المشاركة الأصلية كتبت بواسطة amelmimi94

ههههههه قصة رائعة و نهاية سعيدة مبروك عليك خويا

يبارك فيك امال لعقوبة ليك انشاء الله وجميع الممتحنين

[rakomar]

مبرووووووووووووووووووووووك خويا والله فرحت بالنتيجة وخصوصا لما فرحت والدتك ربي يفرح كامل الامهات الجزائريات والمسلمات جميعا

[adel23paris]

انشاء الله تنجحو الكل و تفرحوا ان معكم هنا انتظر النتيجة قلبي معاكم

[soriaalg]

هههههههه حكاية جميلة وممتعة مبروك عليك واش اخترت تخصص في الجامعة
ربي يوفقك لكل خير ان شاء الله تعالى

[زينب07]

والله قصة روعة وفيها عبرة والله لحمي شوك لاني مديتش العام لفات ربي ينجحني السنة سيارب ربي يقادر على كل شيء يارب وفقني يارب ونفرح والديا يااااااااااااااااااااااااارب راني حرقة في قلبي من العام لفات خايفة تصرالي كيما العام لفات والله قصة موترة واللله تاثرة لاني حاسة بمعنى الباك وكي متديش واش معاناها تلقا كامل فرحانين وامك حزينة قريب تبكي معاك يارب منزيدش نتحط في هداك الموقف يارب ينجحني يااااااااااااااااااااااااااااااااااااااااااااااااا ااااااااااااارب السنة وفرح امي وابي وتدمع عيني وعين ميمتي من شدة الفرحة قولو اميييييييييييييييييين يارب يامن تقل لشيء كن فيكون يارب ادعولي يارب ادعولي ربي يحفظكم والله مشكور خويا
ميحس بالجمرة غير لعافس عليها

[adel23paris]

المشاركة الأصلية كتبت بواسطة soriaalg

هههههههه حكاية جميلة وممتعة مبروك عليك واش اخترت تخصص في الجامعة
ربي يوفقك لكل خير ان شاء الله تعالى

اخترت حقوق لاني احبها وافظلها

[manothebest]

السلام عليكم
ههههه و الله نهآآآآآآية رآآئعة و قصة و لآ أروع ( في الحقيقة قلت أكييد رآيح ينجح و صآحبو لالا هههه )
ربي هو اللي يعطي و هو اللي يدي في نفس الوقت
++ اللي معاه ربي ما يخاف
بالتوفيق للكل