القاورية ,, مادارت فيا : )

[Basset-FTW]

لاحظت في الفترة الاخيرة الكثير من الشباب يرددون كلام في النت في الشارع ,,, يقولك انا المهم ندي قاورية هههه والله اولا الشىء المضحك هاته الكلمة يعني هو جمع كل بنات اوروبا وامريكاا ووو في كلمة يعني لا يعرف ان التفكير يتغيرتماما وهذا بحجة انا البنات نتاعنا اصبحو عديمي الاخلاق ورايح يحوس على التربية والخلق في بلد اوروبي ؟

انا لست بمحلل سياسي ولا اريد المجادلة فقط اردت ان اعطي رايي في الموضوع كمجرب لكن لا اريد طرحة لفئة المتخلفين ذهنيا ليحكي على الجمال والشعر الاصفر وايا وهاذي ههه والذي يجمع كل بنت خارج افريقيا ويظنهم مثل بعظهم والله هاذ الاشخاص لا اظنهم اصلا سيتزوجون في حياتهم

انا كنت في استراليا والاستراليين تفكيير يختلف شوية عن القاوريين الاوروبيين ههه وانا لم ازر بلد اخر الا ماليزيا واستراليا ليس لدي فكرة كبيرة عن الاوروبييات ; المهم وانا هناك تزوجت وحدة تعرفت عليها في النت لكن لاكون واضح والله لا على الاواراق ولا شىء اخر الا انها اعجبتني ;:: صحيح انه يوجد اختلاف كثير وهذا يرجع للمحيط يعني بناتهم يحتكو كثيرا بالجنس الاخر من الصغر ولهذا يفهموهم اكثر الامور الجانبية التي لم اراها في بناتنا انها دائما كانت تحاول ان تضحكني وتقف معي تحاول دائما واحس انها دائما تحرص ان تجعلني سعيدا و دائما تريد ان تعرفني اكثر كل يوم ووهذاا حتى بعد الزواج بسنة لكن بعد مرور الشهور تذكرت باني مسلم وهي مسيحية على الورق فقط قلت ماذا لو اصبح عندي طفل هل تربيه ام ؟ atheist وهل انا راض بمراة تخرج بشورت ؟ صحيح ان ثقتنا في بعض كانت عمياء و هذا هو لباس تسعين بالمائة من الاستراليات ; لكن بصراحة هل هذا هو انا؟ لم اكن مرتاح من كثير من الامور التي لا يقبلها شخص فيه ذرة من الاسلام والغيرة ومهما فعلت لن تغير شىء من هذه الامور الا اذا ادخلتها الاسلام واذا هم دخلو الاسلام يدخلوه بقوة ماشىء كيفنا للاسف والله بصراحة اريد مناقشة هذا الموضوع خاصة مع الذكور الذين يقولو هاذ الكلام لي كنت نقولو هل حقا هذا ما نريده ؟ هل حقا اغلب بناتنا ما عادوش يصلحو ختى اصبحنا نحاول ان نرضي النصارى؟

[madoucha]

انا لم افهم لماذا الجزايري كي يجي يتزوج وحدة بنت بلادو يشرطها عذراء وعندو الحق في هذه لكن كي يدي القاورية لا يهمه اذا كانت فاقدة لها علما ان بناتهم يفقدونها في سن مبكرة 14او 15 و تبقى تمارس الجنس عفوا تزني حتى تجي انت ايها الجزايري المسلم تتزوج بزانية
فيقو لعماركم وخممو القاورية زانية خائنة للعشرة و لزوجها اعرف رجل من تيزي وزو تزوج بوحدة قاورية وقعدت معاه غير 8 اشهر و هربت و خلاتو
وزيد بنت بلادك على الاقل تقدر تتحكم فيها ماشي كي القاورية لا تهمها سمعتها و لا يهمها الطلاق

[محمد...عبد النور]

السلام عليكم و رحمة الله اخي الكريم Basset-ftw
البعض قد يفكرون هكذا لكن في الواقع امور اخرى كمن يستجير من النار بالرمضاء -- الرمال الساخنةمن شدة حر الشمس --و هم كثير من جربوا الزواج باجنبيات و لكن هيهات فاولا هو متزوج لاجل تسوية وضعيته ام مرغم على تقبل اي شيئ منها ثانيا دينها و عاداتنا لا تناسب اي شاب غيور و ما ان يستقل و يسوي اوراقه يغادرها و حتى ان بقي معها فهناك اشكالية الهوية للابناء و كيف ينشؤون
في الاخير الكلام و الواقع قد لا يتطابقان الا نادرا و نادرا ما ينجح شخص في اقناع بنت في دخول الاسلام
و في الاخير تبقى بنات بلادنا الكريمات و المتخلقات و لا زال الخير الكثير و الذي يبحث عن بنات الاصل يجد
شكرا اخي الكريم و جزيت كل خير
ســــــــــــــــــــــــــــــــــــــــــــــــل ام

[كاميلا]

شروط الزواج من اجنبية في ديننا واضحة ان تكون من اهل الكتاب يعني مش ملحدة وان تكون عفيفة اما ان كانت ليست عفيفة فلا يجب ذلك مش كي قالك الدين تقدر تزوج قاورية روح ادي برك هذا مشكل في شبابنا لكن نحن لاندري ممكن هاد القاورية هي اللي توالم داك الراجل كيفها كيفه

رأيي الشخصي هههههههههههههه وان كان رح يقلقكم يا معشر الرجال روحه زوجوا بالقاوريات وفرغوا علينا الجزاير هكاك نتهناو منكم شوية تفرز الدنيا هههههههههههه

مي وينها العفيفة اللي في اوروبا؟؟؟؟؟؟؟ هي كالابرة في كومة قش ان كانت موجودة اصلا

ومن يتزوج باجنبية يدير في باله رح ينوي زواجه حسنات لتربية الايتام اللي رح تجيبهم زوجته ويربي ولاد غيره يدير كوكتال وخلاص

[knives55]

خليه يدي قاورية ربي يسهل بصحتوا

[Basset-FTW]

شكرا على التعليقات

للاسف ولا احد منكم فهم مقصودي من طرح الموضوع .

[لبيبة1]

بالنسبة للفئة لي تكلمتي عليها لي يقولك ندي قاورية و ندخلها في الاسلام
احسن من اي جزائرية و عذرهم ان الجزائريات لسن عفيفات

هذو الناس اعرف بلي راهم طامعين في لا غيزيدونس و في الشعر الاصفر
على خاطر كيفاش راح يهديوهم ربي يهديهم ياك ربي هو الهادي ماشي لعبد

شوف خويا في اي بلد في العالم كاين لمليح و كاين الخايب
كيما كاين بنات الله يحفظنا كيما كاين الشريفات
حتى لرجال فيهم الصالح و فيهم الطالح

يعني كيي يجيو يحكيو على وحدة ماش مليحة في اخلاقها هاذي منحرفة وحدها هكاك ياك كاين راجل بالمقابل معاها
و المراة و الرجل كي يغلطو يتعاقبو في زوج عند ربي سبحانه
حابة نقول احسن حاجة انو كل واحد يحسن الظن بالله و يحاول يصلح من نفسو
و يذكر ديما هذيك الاية لي تقول *الطيبون للطيبات*

و الحاجة العجيبة فعلا انو حتى هذاك لي ماشي شريف وقت لي يزوج يقول نسحق بنت فاميليا
كاين ابيات للشافعي تعجبني:
عفوا تعف نساؤكم في المحرم ...... وتجنبوا ما لا يليق بمســــــلم
إن الزنا دين فإن أقرضته ...... كان الوفا من أهل بيتك فاعلــــــــم
يا هاتكا حرم الرجال وقاطعا ...... سبل المودة عشت غير مكــــرم
لو كنت حرا من سلالة ماجد ...... ما كنت هتاكا لحرمة مســـــــلم
من يزن يزن به ولو بجداره ..... إن كنت يا هذا لبيبا فافهـــــــــم
من يزن في قوم بألفي درهم ..... يزن في أهل بيته ولو بالدرهـم

[karimblida]

الزواج من عوامل النجاح في المشاريع
المشروع عندو هدف
هاد الهدف هو اللي يحدد نوعية الزواج
قدور يحلم بجوزيفين باش يروح لهيه من جهة
و عيشة و خيرة و جقجيقة يستناو في قدور يلقى خدمة
الزواج عمرو ما كان هدف نخدمو علا جالو

[Basset-FTW]

المشاركة الأصلية كتبت بواسطة كاميلا

شروط الزواج من اجنبية في ديننا واضحة ان تكون من اهل الكتاب يعني مش ملحدة وان تكون عفيفة اما ان كانت ليست عفيفة فلا يجب ذلك مش كي قالك الدين تقدر تزوج قاورية روح ادي برك هذا مشكل في شبابنا لكن نحن لاندري ممكن هاد القاورية هي اللي توالم داك الراجل كيفها كيفه

رأيي الشخصي هههههههههههههه وان كان رح يقلقكم يا معشر الرجال روحه زوجوا بالقاوريات وفرغوا علينا الجزاير هكاك نتهناو منكم شوية تفرز الدنيا هههههههههههه

مي وينها العفيفة اللي في اوروبا؟؟؟؟؟؟؟ هي كالابرة في كومة قش ان كانت موجودة اصلا

ومن يتزوج باجنبية يدير في باله رح ينوي زواجه حسنات لتربية الايتام اللي رح تجيبهم زوجته ويربي ولاد غيره يدير كوكتال وخلاص

ممكن تشرحلى وش معناها عفيفة من فضلك?

[عميروش الحر]

والله يا اخي ليس كل الجزائريون يتحدثون هكذا ....
ثم ان الزواج لا يبنى على قاورية أو جزائرية أي شيء أخر ....الزواج يبنى على الدين والاخلاق كأساس ا ثم يأتي النسب فالجمال ...
لذا اذا كانت القاورية متدينة لما لا ؟ وافضلها هي على بعض الجزائريات اللاتي لا يعرن لدينهن اي اهتمام ويحاولن ان يكونو مثل الاوروبيات ويتبعن ثقافتهن و يتشبهن بهن...
هذا بالنسبة لأي شاب يحترم تقاليده وعادات مجتمعه و الاهم يحترم دينه ...
أم بعض الشباب الاخر الذي يريدها شعر اصفر وعينان زرقاوان و لباس مثير من اخر ما انتجت الموضة... فألئك شباب طائش تماما مثل البنات اللاتي ذكرتهن من قبل ... وعندما لا يجد هؤلاء الشباب في الجزائر مرادهم رغم أنه يوجد هنا بعض البنات المتصنعات اللاتي يحاولن تلبية رغبتهم بلبس اللباس الفاضح والتزين ...الخ ..( لاكن يبقى في نظرهم الأصل خير من التقليد)... فتسمع منهم انهم يريدونها قاورية و لن يتزوجو الا من قاورية ...
...الخ

ولكن
أقولها و أعيدها
نحن جزائريون في الدم لنا عاداتنا وتقاليدنا و لنا أصولنا .. كما أننا مسلمين متشبثين بديننا ... نريد من تكون جزائرية في الدم محترمة لعادات و تقاليد الجزائر و خاصة محترمة لدينها و أصولها ... ولا نحتاج الى متصنعات متشبهات بالاوروبيات لأننا لو أردنا مثلهن لأخذناهن من أوروبا ليس من الجزائر
فكما قلت سابقا الحاجة الاصلية أحسن من المقلدة

[سدرةالمنتهى]

اريد المشاركة في موضوع القاوريات و العربيات بكل شفافية و مصداقية و نحاولو مانغطوش الشمس بالغربال و ذلك سندا على........... ليس كل كتابي غير متخلق فبالعكس مانراه اليوم من البنات المسيحيات لانها تعتر اكثر الديانات في اوروبا لو رجعنا الزمن الى الماضي فهم ايضا ولدو على فطرة العفاف و الاخلاق اليست امهم مريم العذراء لو ركزتم في هذه الكلمة فهي تكفي لاجابة على سؤال الموضوع يعني لو كن يتبعن شريعتهن و اتباع خصال امهم مريم البتول لالفو الكثير من كتب العفاف و الحياء و الحشمة و الالتزام بالاوامر الربانية فكانما الله سبحانه و تعالى خلق السيدة مريم كاية للبنات المسيحيات فقط لكن هي ايضا اية لبنات ادم كلهن بالحفاظ على عذريتها و عفتها و حيائها و حجابها ...........
اما بالنسبة لنا نحن العرب فنموذ ج بناتنا هي زوجات الرسول صلى الله عليه و سلم و خاصة امنا خديجة و عائشة رضي الله عنهما لو تمعن في العبرة اللتي نقتديها من هاتان الاثنين الا و هي الحب الذي عاشتهما هاتين السيدتين في عصر نبينا فاول علاقة حب كانت عفيفة و متينة و مخلصة لوجه الله دون النظر في السن او المال او الجاه او الجمال او الجنس او الريزيدونس او .......... ومع هذا نجح و اعترف به سيد الكون صلى الله عليه و سلم .......... والقصص و الاحاديث تشهد على ذلك


لكي لا اطيل الكلام و لا اخرج عن الموضوع فنحن العربيات افتقدنا الحب عند رجالنا و اصبح يعترف به قبل 20 من عمره و عند دخوله مراوغة الزواج يرفع راية الاستسلام و يقول في الاخير انت متخلفة و لست جميلة و لا تعرفي ثقافة الجنس لكي اكون معك قصة حب انا نديها قاورية احسن منك ........... فهو لا يعرف ان اول قصة حب كانت مع نبينا و حبيبنا محمد صلى الله عليه و سلم ...................و القاوريه اساسا شعارها الطهارة و عذراء و العفاف ..................................و في الاخير ياتي و يقول ولد الحب في اوربا و تربى في مصر و مات في الجزائر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اليس هذا تناقض في حد ذاته وواقع يؤدي الى الجنون

[mhamed02ch]

شكرا ارسل الشكر لي رفع عدد المشالركات كي استطيع ارسال الروابط

[ام البنوتة]

امة مسلمة خير و احب الى الله من مشركة..

[hichem.f]

القاورية ولا بنت البلاد غير كيفكيف لا يوجد فرق هناك كثير من بنات البلاد متبرجات وفقدين العذرية تاعهم ومصلحينها عند الطبيب

وكاين لذارت اعمال القاورية كافرة ومقامتش بها نحن نراهم كل يوم في المتوسطات وفي الثانويات وفي الجامعات


يعني لا يوجد فرق تماما

[خربشة ناعمة]

يا اخي وين تروح راك تلقى الدوني والمليح راك تلقى الخير والشر سواء في بلادك او بلاد اخرىو هذا معروف و في كامل العالم
اما الرجل قبل ما يتزوج لازم يفكر مليح واش اللي راه يحوس عليه من هذا الزواج هل راه يحوس على الجمال و الطول الممشوق باه الناس كامل تهدر عليه وتقول واو جابها حبة ستيل ....او حاب تتزوج من اجل الزواج فقط ..او حاب تتزوج لاكمال نصف دينك وتكوين اسرة وتربية الاولاد تربية صالحة ..بصح شكون اللي راح تربي هم لك تربية صالحة وتعاونك على اقامة دينك ...ما نكدبش عليك في بلادنا كاين بنات الحلال اللي حابين السترة و عفيفات وشريفات ويصلحوا باش يبنيو اسرة وتقف مع راجلها كيما كان الحال ...وكاين البنات المستهترات اللي ما تعرف في الدين غير صيام رمضان ...اما القاورية تلقى فيها اللي تقف مع راجلها وفيهم صوالح ملاح تحترمك وتحترم الوقت ماتكدبش الخ بصح حاجة وحدة ما تلقاهاش فيهم الحشمة والحياء على خاطر ترباو هكداك و هادي النقطة مهمة عند اي راجل مسلم يغير على دينه و زوجته .... وزواج الشباب الجزائري من الاجنبيات فله اسباب كثيرة منها الحصول على الاقامة او الجمال او حاب يتزوج مع وحدة تعرف عليها وحبها وحباتو دون تذكر الانتماء الديني والعادات والتقاليد التي تربى عليها ... هل في المستقبل راح تدخل في
الدين الاسلامي ..هذا ينطبق اذا انت كنت مثال مشرف للرجل المسلم ..و اذا كنت غير ذلك تاكد انها لا تتبعك .. .خلاصة القول الزواج بالاجنبية او القاورية لا ينجح الا بنسب قليلة جدا وهذا من الواقع اللي رانا نشوفوه ...على بالي باللي راح تقولي حتى في بلادنا كاين بزاف ما نجحش زواجهم وتطلقوا ...بصح على الاقل الاولاد يترباو في وسط اسلامي عربي جزائري سواء عند الاب او الام