pain d'épices

نسمة16 · 2013-01-21, 20:05

السلام عليكم ورحمة الله وبركاته

المقادير

400غ فرينة
400غ عسل
50غ سكر عادي
200غ مارغارين
2حبات بيض(حوالي 55غ للبيضة)
1ملعقة صغيرة خميرة كيميائية
توابل خاصة

التوابل الخاصة هي

1ملعقة صغيرةيانسون (l'anis en poudre)
1ملعقة صغيرة بيكاربونات
1ملعقة صغيرة زاست القارص
1ملعقة صغيرة قرنفل (clous de giroufle en poudre)
1ملعقة ىصغيرة قرفة
نصف ملعقة صغيرة زنجبيل(le gingembre)
نصف ملعقة صغيرة هال(le cardamome)
نصف ملعقة صغيرة جوزة الطيب

القلاصاج

250غ سكر رطب
1ملعقة صغيرة زنجبيل
30غ زبدة دايبة
3ملاعق صغيرة حليب
3ملاعق صغيرة عصير ليمون
شوية زاست القارص

نقوم باذابة المارغرين ننزعها من الفرن ثم نضيف العسل ونخلطهم مع بعض
نخفق البيض مع السكر جيدا منبعد نضيف خليط المارغرين + العسل ونواصل الخفق
الان نصير الفرينة + الخميرة ثم نضيفو هادوك التوابل مع الفرينة منبعد نديرها مع الخليط السائل ونخلط بالسباتول من فوق لتحت حتى تولي ليس وتدخل مليح الفرينة في الخليط السائل
ناخدو مول الكعك نديرو فيهم شوية زبدة +فرينة و نبداو نعمرو لي مول 3 ارباع ونليسيو مليح من فوق

ونطيبوهم في فرن مسخن مسبقا 150 درجة ثم نرفع الحرارة الى 180درجة بعد مرور 10دقائق وادا درنا مول كبير العكس من 180 الى 150
نخلوهم يطيبو حتى كي ندخلو موس يخرج ناشف

بالنسبة للقلاصاج نخلط جميع المكونات وادا شفنا القلاصاج مخصوص نزيد شوية عصير ليمون وشوية ماء
ثم نديرو شوية قلاصاج فوق كل واحدة كما يبان في الصور
للتزيين نديرو زاست الليمون او زنجبيل او القرفة وسكر قلاص

وشهية طيبة

feuilleblanche17 · 2013-01-21, 21:16

شكرااااااااااااااا على الوصفة

ساندي 28 · 2013-01-21, 23:03

شكرااااااااااااااااااااااااااااااااااااا