انصحوني الله يستركم ويفرج عليكم

[المتفائلة7]

السلام عليكم..

انا نشتغل فالثانوية كعون اداري وعندي ليسانس علوم تسيير والمدير يوبخني بزاف أمام جميع الحضور حتى نولي حمرة غير نغلط يقولي تقول جامي قريتي حابسة ...الخ
بالرغم من اني شاطرة ومتعلمة ومثقفة والحمد لله.. وانا نسكت مانجاوبوش..

ما رأيكم أول مرة نشتغل.. لازم نجاوبوا ولا نسكت؟؟

[بيان 5]

والله يا اختي انا المراقب العام غير عيط عليا وقالي ما تعرفيش تهدري هزيت حوايجي وما زدتش رجعت من هذاك النهار اما نتي شوفي اذا الخدمة لازماتك ولا لاصلي صلاة الاستخارة ومن بعد قرري

[star_123]

ختي انا نقولك حاجة

اذا انتي مراكيش مرتاحة في هدي الثانوية تقدري تتحولي الى اكمالية أو ابتدائية يكون فيها المدير ناس ملاح

هدوا جماعة التعليم من مساعدين تربويين واللي ماعندهمش مستوى يغيروا من الجامعيين ( بدون تعميم )

انا راني في اكمالية واحد مانسمعش بيه

بصح عندنا المدير خارج معانا راجل

[soumi7]

شتاهيا و مازلتي ساكتة ..........انا كي شفت هدرتك و درك نهبل تجيبيهولي ناكلو بسناني.............اولا معندوش الحق حتى ينصحك امام اناس لان و كيما يقولوا النصيحة امام الناس فضيحة ماشي حتى يوبخك...........+التوبيخ للاطفال و انت الله يبارك مرا..............+الله ينعل جد والدين باباها الخدمة اللي تخلي واحد يهينك او ينقص من قيمتك.........+اذا كان الغرض انو يعلمك فالتلقين ليس هكذا..........متسمحيش فخدمتك درك مي اشتكي بيه واذا مكاش نتيجة و كمل معاك هكذا ننصحك تحبسي حتى ينوب ربي...اقعدي في داركم معززة مكرمة...........حتى وان كانت ظروفك سيئة اختي لا تقبلي ان يدوس احد على كرامتك و على الاغلب يكون هو معندوش حتى مستوى سنة ساتة...............وكيما يقلوا كرامة الفقير ثروته..............تقبلي مروري.............ايه قوليلي وين تسكني و الله انجي ليه نبهدلوا وقوليلوا منعرفهاش ايا ونبرد قلبي فيه .والله غي راني نغلي مالزعاف...........اااييي

[معمر السوفي]

راعي ظروفك قبل كل شيء أكضمي الغيض وان لم يعجبك العمل فتوكلي على رب الارباب

[المتفائلة7]

المشاركة الأصلية كتبت بواسطة soumi7

شتاهيا و مازلتي ساكتة ..........انا كي شفت هدرتك و درك نهبل تجيبيهولي ناكلو بسناني.............اولا معندوش الحق حتى ينصحك امام اناس لان و كيما يقولوا النصيحة امام الناس فضيحة ماشي حتى يوبخك...........+التوبيخ للاطفال و انت الله يبارك مرا..............+الله ينعل جد والدين باباها الخدمة اللي تخلي واحد يهينك او ينقص من قيمتك.........+اذا كان الغرض انو يعلمك فالتلقين ليس هكذا..........متسمحيش فخدمتك درك مي اشتكي بيه واذا مكاش نتيجة و كمل معاك هكذا ننصحك تحبسي حتى ينوب ربي...اقعدي في داركم معززة مكرمة...........حتى وان كانت ظروفك سيئة اختي لا تقبلي ان يدوس احد على كرامتك و على الاغلب يكون هو معندوش حتى مستوى سنة ساتة...............وكيما يقلوا كرامة الفقير ثروته..............تقبلي مروري.............ايه قوليلي وين تسكني و الله انجي ليه نبهدلوا وقوليلوا منعرفهاش ايا ونبرد قلبي فيه .والله غي راني نغلي مالزعاف...........اااييي

المشكلة منقدرش نحبس غير ادا صبت خدمة اخرى عندي الوالد يعيط بزاف لوكان نحبس ياكلني..والله لوكان كان الاب ديالي معندو حاجة غير حتى انا نجاوب المدير..بصح خفت نجاوبوا يحاوزني ومنصيبش خدمة اخرى..
يعطيك الصحة اختي لوكان نقدر نعطيك العنوان تعيطي عليه في مكاني راني عطيتك تبرديلي قلبي..

لكن السؤال من حقي نقولوا ما تعيطش عليا؟ وهادي عون اداري معندوش خدمة ستابل؟المكتب ومعنديش ..عطاني نستــفلو ورق ويزيد يعيط عليا والله الخدمة هادي مستوى ابتدائي يقدر يديرها..شفتوا فالجزائر كيفاش يهبطولنا المستوى؟؟ راني مقلقة بزاف لكن ما باليد حيلة

-------------------------------------------------

شكرا على نصائحكم الله يستركم

[aminosaidi]

والله ماحق عليه بالك أنت عندكي مستوى أحسن منه بصح هادي هيا بلادنا على باليها نقعدوا دائما متخلفين ... وربي يوفقكي إنشاء الله

[star_123]

اختي سارة

نعاود نأكدلك بلي تقدري تتحولي من هدي الثانوية وتخدم في اكماليةأخري مشي حاجة صاعبة

[المتفائلة7]

المشاركة الأصلية كتبت بواسطة star_123

اختي سارة

نعاود نأكدلك بلي تقدري تتحولي من هدي الثانوية وتخدم في اكماليةأخري مشي حاجة صاعبة

هديك تع الأكاديمي مسمومة كي خيرتلي الثانوية قولتلها اسم ثانوية أخرى قاتلي لا لا .. خفت نعاود نوليلها تقولي باين ماراكيش حابة تخدمي تقولي هادا وين بديتي ومن بعد تلغيلي العقد..

نزيد نقول لك حاجة والله هديك لي شدت الملف ديالي متعرفش حتى تكتب رقم الهاتف بالفرنسية مليتهولها بالفرنسية معرفتش حتى عاودتلها بالعربية

[عبدو الصغير]

المشاركة الأصلية كتبت بواسطة سارة16

السلام عليكم..

انا نشتغل فالثانوية كعون اداري وعندي ليسانس علوم تسيير والمدير يوبخني بزاف أمام جميع الحضور حتى نولي حمرة غير نغلط يقولي تقول جامي قريتي حابسة ...الخ
بالرغم من اني شاطرة ومتعلمة ومثقفة والحمد لله.. وانا نسكت مانجاوبوش..

ما رأيكم أول مرة نشتغل.. لازم نجاوبوا ولا نسكت؟؟

يلزمك بعض الذكاء والفطنة حتى تتخلصي من هكذا أشخاص، نصيحتي لك هي حاولي أن تستعملي عقلك إلى أقصى الحدود، وأظن أن هناك طرق قانونية للتعامل في مثل هذه الحالات، فإذا لم تنفع هذه الطريقة فما عليك إلا أن تشتكيه إلى إخوتك أو أقاربك علهم ينفعوك، فإذا لم تنفع كل الطرق فما عليك إلا تنسحبي إن أردت أن تعيشي بعيدة عن الذل مثلما يقول الشافعي في الأبيات التي يحتويها توقيعي.

[mira27]

okhti depuis quand tu travailles . je te dit osabri, et quand tu renouvelle ta contart chagne le lieu du travaille
un conseil foutiha, diri rouhek ga3 ma sma3tihch fait ta part du travaille. et ce directeur 3andou wlad
et puis rien ne reste, qui sait qu"est ce que il t'attend d'içi 10 ans balak twali responsable ou bien tu épouses un responsble lol .elwahed ydir elkheir
mème kounrlati, c'est pas comme ça qu'il faut te traiter
tawakil 3la ellah
salam

[soumi7]

المشاركة الأصلية كتبت بواسطة سارة16

المشكلة منقدرش نحبس غير ادا صبت خدمة اخرى عندي الوالد يعيط بزاف لوكان نحبس ياكلني..والله لوكان كان الاب ديالي معندو حاجة غير حتى انا نجاوب المدير..بصح خفت نجاوبوا يحاوزني ومنصيبش خدمة اخرى..
يعطيك الصحة اختي لوكان نقدر نعطيك العنوان تعيطي عليه في مكاني راني عطيتك تبرديلي قلبي..

لكن السؤال من حقي نقولوا ما تعيطش عليا؟ وهادي عون اداري معندوش خدمة ستابل؟المكتب ومعنديش ..عطاني نستــفلو ورق ويزيد يعيط عليا والله الخدمة هادي مستوى ابتدائي يقدر يديرها..شفتوا فالجزائر كيفاش يهبطولنا المستوى؟؟ راني مقلقة بزاف لكن ما باليد حيلة

-------------------------------------------------

شكرا على نصائحكم الله يستركم

شوفي عندك الحق باش تريكلامي ...........قولي سوء المعلملة واطلبي نقلك ..انت اولا شوفي مؤسسة اخرى تقبلك وننصحك بابتدائية لان اولا العمل فيها قليل و سهل +المدراء غالبا ما يكونوا جدد ومتساهلين.....يلا قبلوك روحي ديركت للبيرو منداف يلا قبلوا يحولوك متقيميهش كامل هذا المدير تحولي وسايي ...............انت درك قلت باباك واعر شوية هادي مشكلة منين تجيك من صحاب الدرا و اللا من البرانيين ( ايه على باباك و الله رانا كامل هكذا)..................المهم حتى تصيبي بلاصة وحد اخرى بداي تجري على روحك....................ايه و على المستوى اسكتي برك ...........هادو المدراء سنة ساتة ........رؤساء البلديات سنة ثالثة او اميون...............و تلقاي الادارات حاكمينهم غي نتاع سنة تاسعة.......خليها على ربي ...............احنا رشينا مع القراية يجو يفوتونا اللي ميعرفش حتى يفك الخط و يتشنg ملفوق..............ربي يفرج عليك انشالله

[الوفي26]

هدي الكلمة أصبحت مطاطية كل ما تعمل شيء يقولك شوف
يخي جامعي
تأكدي أنه يراك أحسن منه لذلك يوبخك
الله يهدي ما خلق
ومن الاحسن أنك لا تردي عليه
سيموت من غيظه

[amro832]

يا اختي لست الاولى والاخيرة , وعمل القدماء من مديرين ومستشارين هو تتبع هفوات الجامعيين لحاجة في نفس يعقوب , وكل الجامعيين يعانون من سوء المعاملة , الا من رحم ربي , لكن اضم صوتي الى صوت من نصحك بتغيير المؤسسة , ويمكن ان تبحثي عن مؤسسة قريبة وتقدمي طلب الموافقة من مديرها وانصحك بابتدائية , لتاخذيه معك الى مديرية التربية وممكن يطلبو منك طلب موافقة تسريحك من المؤسسة التي تعملين فيها , ولا احد يمكنه ردعك او الوقوف في وجهك من اجل تغيير مكان العمل ,

ضعي ما مر بك من سوء معاملة وتوبيخ في خانة تجارب الحياة التي تقويك , والله يوفقك .

[nooriman]

الله يصبرك أختي