مشكلة ابني

أم معاذ أم معاذ · 2015-10-12, 18:27

يا ريت اللي عندها خبرة ولا نصيحة تفيدني وربي يجازيكم خير حتى بدعوة خير فيظهر الغيب

ابني تغي عن المدرسة يعني خرج على أساس رايح للمدرسة ووصل لنص الطريق و قعد وما حبش يكمل يروح للمدرسة
هو عندو اسبوع كل ما يروح من الفترة الصباحية يقولي ما نروحش لعشية و أنا نبعثو بالسيف عليه ونقولو لازم تقرا
و كل مرة واش يسببلي يقولي أنيسة ضربتني وكي نسالو على السبب نلقاه تقريبا عندها الحق

بالك تقولو ابني ثانوي ولا حتى متوسط
راهو سنة 2 ابتدائي
ما نعرف الفكرة كيفاه جاتو في راسو

قولولو وش نعاقبو
و قولولي كي نروح لآنيستو وش نقولها وكيفاه نتحاور معاها باه نلقى حل لمشكلة ابني

أم معاذ أم معاذ · 2015-10-12, 19:41

ربي يبارك فيك أختي على الرد
ولدي يدير واجباتو والحمد لله يفهم عليا و جايب معدل 8 العام اللي فات
صح ما يحبش يقرا ما نعرف لاه داخل طول كاره من القراية ويقولي ديما أنيسة ما تحبنيش
راني رايحةنحكي معاها المرة الجاية و نشوف وش تقولي عليه

أم عبد الرحيم يوسف · 2015-10-12, 19:54

أختي أنا كان عندي أخي الصغير في السنة الثانية ابتدائي هاكا صراتلوا كان ناقص شوية نظر والمعلمة هاداها الله تعنفوا شوية مالا ركب راسوا مايقراش وكي سيفنا عليه عاد يقولنا راني مانشوفش طول في القسم رديناه لطبيب العيون يقولنا عينيه ماشي لدرجة العمى وخويا يبكي راني نتعمى في القسم مانقراش منبعد رحنا شاورنا طبيب نفسي متخصص في الاطفال قالنا بلي ماهوش يكذب علينا صح يحكموا عمى نفسي في القسم تابعنا معاه والحمد لله النصائح تاعوا مع تعاون المعلمة كي نحات الكلمات لي أثروا عليه(أنت ماتفهش أنت ماتشوفش أنت اذا بقيت هاكا راح تدوبلي) كنت نديرلوا امتحانات في البيت هاداك الوقت كنت نقرا في الجامعة كان فور ويروح للقسم وااااالو معدل 01 يقولنا أنا راح ندوبلي كي تبعنا مع الطبيب الحمد لله صح عاودنالوا السنة بصح شوفيه درك راهوا في المتوسطة وماشاء الله ديما متميز
أنا شافية على حالة عند الطبيب يعاودولها السنة01 الألف ماتقدرش تكتبوا حتى المدراء قالوا لأهلها أحكموها في البيت ماعندهاش حل كي جات للطبيب قاللهم بلي ماعرفوش يتعاملوا مع قدراتها وكي داوات صدقيني لحقت للسنة الرابعة ألفت قصة ولا الكتاب الكبار وهي مشكلتها المعلمين
أختي اذا تعرفي أولياء آخرين سقسي أولادهم كيفاه دير المعلمة مع ولدك في القسم وروحي عند المعلمة قلبك كأم راح يميزهالك مليحة ولا لالا وأيضا ماتسهزايش الطفل اذا كره المدرسة راهي حاجة واعرة ديريلوا هدايا كي يقرا بصح ماش بزاف يعود يوالف يقرا بحاجة ديما أهدري على المدرسة بلي مليحة وادا ماكانش بدليه عند قسم واحد ربما يعجبوا الحال وربي يحفظهولك وتتجاوزي المشكل

ام إثري · 2015-10-13, 11:54

وعليكن السلام ام،معاذ انا رايي بدليل. القسم بلاك وشوفي ممكن مش مرتاح مع المعلمة الطفل اذا كره المعلم غير ماتحلنيش يقرالك راها العامل النفسي يلعب دور كبير