كيف افطم طفلي

jouhainaaljamila · 2012-08-10, 22:09

هل من طريقة سهلة افطم بها ابنتي بحيث لا تتضرر معنويا فلقد سمعت ان الفطام يضر بالطفل نفسيا و ماهي هذه الاضرار وكيف اتفاداها ولكم مني جزيل الشكر

رشــــ81ــــا · 2012-08-10, 23:05

ربي يعينك اختي صح الفطام صعييب انا في بالي صعيب على الام قبل الطفل نتمنى تلقاي لجاوبك من الناس لمجربيين
انا ثاني حابة طريقة باه نفطم بنتي هي عمرها 10 اشهر و حابة نفطمها على عام

أم ياسين الزهراء · 2012-08-10, 23:21

اختي ردي بالك تفطميها راهي السخانة بزاف لازم الفطام في البرد على خاطر قادر البيبي ينشف بعيد الشر خلي للخريف ويديرلها ربي طريق

رشــــ81ــــا · 2012-08-11, 22:31

اقتباس:

المشاركة الأصلية كتبت بواسطة أم ياسين الزهراء

اختي ردي بالك تفطميها راهي السخانة بزاف لازم الفطام في البرد على خاطر قادر البيبي ينشف بعيد الشر خلي للخريف ويديرلها ربي طريق

صح لازم للبرود بصح لازم نوجدو رواحنا لهذاك النهار من قبل

الراي 2 · 2012-08-11, 23:21

رمضان كريم

dahby83 · 2012-08-26, 19:59

مرحبا شوفي انا كي نحب نفضم أطفالي نقص لهم الرضاعة وحدة وحدة حتى نبقى نرضعهم غير في الليل وطبعا لازم تعشيه وتغذيه مليح باش كي تفطميهم مايتعبوش يكونو موالفين بالاكل والحمد لله ولادي ماتعبوني في الفطام موفقين ان شاء الله

basma79 · 2012-08-28, 01:34

ولدي الأول فطم روحو وحدو كره الرضاعة
الثاني مازال صغير عندو 7 اشهر فقط و راني حابة ان شاء الله نكملو عامين إذا مادارش كيما خوه هو ثاني هههههههههه

ام سليمان · 2012-08-28, 17:25

سؤال انا ايا احتاج الى جوابه

لكحل بلال · 2012-08-28, 17:33

الله يبارك في أولادكم ويرزقهم بركم

فتـ حييةـاة · 2012-08-28, 17:37

سؤالي ليكم يا نسا : علاش باغيين تفطموا اولادكم وهوما مازال ماكملوش عامين ياك هذاك حقهم
الرضاعة طبيعية مفيدة لصحتهم ولصحتكم

mina80 · 2012-08-28, 17:57

ضعي القهوة غبرة كلما اراد ابنك الرضاعة وقولي له كخ وحده سيتركها وكذلك بالليل هذه الطريقة جربتها كثير من الامهات ونجحت دون ان تتعب هي او طفلها

maramelmess · 2012-09-23, 19:43

d abord elle a quelle age???
ana benti elle avais 24 mois ki ftemtha

tu commence d abord b diel nhare
nessiha f la journe
apres quelque jour
ebday bta3 lile
ekhrji brra diha tel3ab hatta ta3ia
ki tHabe terkoude mediha l papaha
cha3lilha la tele w kheliha
messkina tebki
tederbek
mais ma3liche a 3efssi 3la kelbek
w Koulilha kaka

w mechi f seif

موسى2207 · 2012-09-24, 10:05

اقتباس:

المشاركة الأصلية كتبت بواسطة فتـ حييةـاة

سؤالي ليكم يا نسا : علاش باغيين تفطموا اولادكم وهوما مازال ماكملوش عامين ياك هذاك حقهم
الرضاعة طبيعية مفيدة لصحتهم ولصحتكم

ممكن ماجربتيش الطفل كي يرضع صدر امه مايكلش خلاص البزولة والشغل اذا طاح اذا جاع اذا عطش اذا مرض دايما تجبدي البولة انا ماجيت نكمل رمضان حتان خرج قلبي من المص الكثير وكي نحيتلو عاد يشرب الحليب الصباح

~~مراد1234~~ · 2012-09-24, 10:14

عذرا على التدخل في الموضوع

ولكن هناك مادة تسمى القطران وهي شديدة المرارة ولا تؤذي تباع عن العجائز اللواتي يبعن الأعشاب

ضعيها له فيكره الرضاة ويتخلص منها

zahra30 · 2012-09-24, 15:10

اولا خلي بنتك تكمل العامين وكي تجي تنحيلها الرضاعة لازم الجو ما يكونش سخون وكيما يقولو انتاع بكري مليح انهار الاحد باش ايحد الطفل عن هذاك الشيئ
واذا كانت الرضاعة اتاع القارورة راهي باينة غير بشوية وبالحيلة حتى تبدلي القارورة بالكاس واذا طبيعية في النهار خليه ياكل وما تمديلوش وفي اليل حاولي تمديلو شوية ماء وحطي على موقع الرضاعة مادة ما تضروش ويعفها كيما القطران ( عسل بيقنون ) شحمة قديمة ( فيها الريحة ) يوم ولا يومين تلقايه ان شاء الله افطم بصح اتهلاي في ما كلتو والماء .....بالتوفيق