سؤال......لي ميعرفش ويسال خير ملي يالعبها فاهم

narifati · 2014-06-15, 16:00

https://www.djelfa.info/vb/showthread.php?t=1387821 من فضلكم راني في شحال من مرة نصادف حلوة يقولوا فيها استعملوا مول بالون وانا منعرفهش كيما هنا في هذا رابط كاين حلوة بالشكولا حبيت نجربها بصح منعرفوش نتمنى منكل وحدة تعرفوا تحطلي صورتوا باش نبحث عليه فلمحلات ونشريه وجزاكم الله خيرا

ذكريات الطفولة 7 · 2014-06-15, 16:19

أنا تاني و الله مانعرفو ان شا الله يدخلوا لبنات و يفيدونا

بريق الدجى · 2014-06-15, 16:55

أنا ثاني راني نتعلم و لكن حبيت نفيدك و لو بالشيء لي نعرفو
انا شفت في محلات تع ادوات الحلويات دي مول سيليكون بنية اللون الحبة على شكل كرة
يظهرلي هو و ان شاء الله البنات يفيدوك

ام ملاك و عبدو · 2014-06-15, 17:05

مساء الخير يا اختي انا ما عنديش بصح تلقايه في الحوانت تاع الحلويات تاع الحديد الواحد ب 20 دج وكاين كيما قالت الاخت بريق الدجى في السيليكون وراه ب 200 دج
حتى انا معولة نشريه ان شاء الله خاطر عندي مدة من اللي هزيت لاروسات نتاعو باه نجربو ان شاء الله تلقايه

narifati · 2014-06-15, 17:21

شكرا حتىانا علابالي بلي عندي خوتاتاي فحلات يعاونوني سحيتوا جزاكم الله الخير

زينايدة · 2014-06-15, 17:27

هاهو مول البالن حنونة يجيو بيه دي موديل يهبلوووو
كاين على مقاسات من الكبير للصغير هذا جابلي ربي اللي قبل الصغير ولا الصغير والله ما علابالي المهم هاهو والحجم اللي تحبيه راهو كاين انا هذا مساعدني عندي منو80
وهاهي الصورة والله من الفرن مباشرة هههههه هذوين كنت نطيب فيهم هههههه كي دخلت ولقيتك تحوسي عليهم صورتهملك من قلب الحدث الحلوى نتاعهم مزالت كي نكملها نحطهالك تشوفيها
يخدم رواااائع هذا المول

ملاحظة كي تخلصي بيهم امسحيهم برك متغسليش انا المول نتاعي هنا مزال حتى ممسحتوش و شوفي مهوش لاصق فيه العجين بزاف بويسك نمسح ونخبي الغسيل شويا يقلبهم يلصقو

narifati · 2014-06-15, 17:34

[QUOTE=زينايدة;1056695441]هاهو مول البالن حنونة يجيو بيه دي موديل يهبلوووو
كاين على مقاسات من الكبير للصغير هذا جابلي ربي اللي قبل الصغير ولا الصغير والله ما علابالي المهم هاهو والحجم اللي تحبيه راهو كاين انا هذا مساعدني عندي منو80
وهاهي الصورة والله من الفرن مباشرة هههههه هذوين كنت نطيب فيهم هههههه كي دخلت ولقيتك تحوسي عليهم صورتهملك من قلب الحدث الحلوى نتاعهم مزالت كي نكملها نحطهالك تشوفيها
يخدم رواااائع هذا المول

ملاحظة كي تخلصي بيهم امسحيهم برك متغسليش انا المول نتاعي هنا مزال حتى ممسحتوش و شوفي مهوش لاصق فيه العجين بزاف بويسك نمسح ونخبي الغسيل شويا يقلبهم يلصقو[/QUOTE0
باينة بلي فحلة شكرا لي يدير خير يكمولوا نزيد نكثر عليك حطيلي وصفة الحلوة لي كنتي تصنعي فيها

روضة من رياض الجنة · 2014-06-17, 19:12

اختي قلبي صفحات الردود تع الرابط لي حطيتيه الاخت راهي حاطة الوصفة بالخطوات وراهي مصورة المول هو يجي علي شكل نصف بالون اضن صفحة رقم 6

ام رفال · 2014-06-17, 19:28

هما موجودين بصفحة رقم 5

ام رفال · 2014-06-17, 19:31

و الوصفة موجودة بنفس الرابط

ballon

المقادير:

250 غ زبدة +1/2 كاس سكر رطب + بيضة + صفار بيضة + شوية فاني + نص كاس لوز او كوكاو بالقشور مرحي + 2 مغارف زيت وتنشفي بالفرينة
تعمليه في لي مول تاع البالون وكي يطيب تحشيه

الحشو:

كابريس و نيسلي ومكسرات المتوفرة عندك

ومن فوق شوكولا وجوزة وخطوط بيضااء

يعطيها الصحة اختنا اليسون

تاج النور@ · 2014-06-17, 20:04

شكرا لمن سأل ولمن أجاب حمد الله أعطاني ربي أخوات يتمناولي كل خير