شربة فريك و كسكس

om kamilia · 2014-03-19, 12:55

بغد غد الجمعة فاتحة اختي اطلب فقط طلب صغير,حبيت نطيب شربة فريك و كسكس لعدد 25 حتى 50 فرد على الفطور , حبيت وصفة مجربة منكن تجي بنينة و لاول مرة نطيب لهاذا العدد اشحال ندير المقاديرو لا عندكم تدبيرة اخرى على menu قولو ها لي و اعطو لي الوصفة و القهوة و التاي ساهل ,الله يجازيكم خير هذا هو فرح اختي مكاش عرس راني نستنى ما تبخلوش عليا بالاجوبة .
وثاني ما نعرفش نكتب بالعربية بسرعة انا نكتب ب clavier arabe وامبعد copier لانني عضوة جديدة ,غير كما بديت je decouvre le forum السلام عليكم.

oum anas 69 · 2014-03-19, 13:40

عزيزتي جيبي لي يعاونك من فاميلتك و تكون على دراية بالولائم الكبيرة لأنو مستحيل تقدر وحدة تقولك بالضبط قداش تديري لأنو كل منطقة و طبخها خاصة من جهة التوابل لأنهم يختلفو
أو ممكن تطرحي تساؤلك في موضوع واش طيبتي اليوم في قسم المعجنات ممكن يساعدوك الأخوات

goraya · 2014-03-19, 16:19

سلام حبيبتى شوفى انقلك انا ثانى رانى صغيرة وعمرى مطيبت للاعراس بصح اندبر اعليك الشربة فريك جيبى ككوطة كبيرة ديرى فيها اللحم والحمص ايكون امشمخ طبعا ولفاح والبصلة 3حبات والثوم 3رؤوس اوالزيت حوالي كاس اواكثر باش اتجى ميدمة والزعفران و الفلفل لحمر الثوابل كثرىباش اتجى ابنينة 3امغارف اكبار وطماطم الحبة وطمطم مصبرة حوالى 1 كيلو واغسلى الشربة امليح ولوحيها اتطيب رانى حاولت انساعدك والله غير غضتونى رانى اكتبتلك الشربة لعجباتك انزيد انساعدك فى الكسكسى اذا اقريتى ردى جاوبينى ننصحك باى حاجة

om kamilia · 2014-03-19, 20:58

يعطيك الصحة ختي ربي يجازيك خير ,نطيب شربة بنينة بصح كي تكون كش مناسبة تتلفلي وإلى حبيتي فهميني على الكسكس و اشحال ن كيلو نفور

وبشر الصابرين · 2014-03-20, 17:45

شوف اختي ادخلي لواش طيبتي اليوم ثم كاين شافات يعاونوك مليح و تبقاي تدردشي معاهم
حتان يفهموك مليح
ربي يعاونك

om kamilia · 2014-03-20, 18:53

yaatik sehha khti lamisse

yarasmin26 · 2014-03-20, 19:51

كان بودي انعاونك ولكن انا نعرف الكمية من 100 الى 400 شخص ولكن كيما قالت الاخت التوابل والطريقة تختلف من منطقة الى اخرى واذا حبيتي نعطيك الكمية وانت تقسمي يعني من جهة الخضر وانت ديري كمية التوابل نتاعكم على طريقتكم

om kamilia · 2014-03-20, 20:33

مدابيك ختي إل قدرت تمديلى الوصفة بالتفصيل يعطيك الصحة