صديقتي لم اعرف كيف اقنعها ؟ ساعدوني

[مشكلتي]

السلام عليكم ورحمة الله تعالى وبركاته ....
نشكر اعضاء المنتدى ندخل ديراكت ف المشكلة ورايحة نحكي هكا باش يسهل عليا التعبير وتفهومي وش حابة نوصلكم بداية عندي صديقة او بالاحرى اخت حقيقة صداقتنا عندها 6 سنوات انا دايما نفضفضلها ونحكيلها كل مشاكلي بالتفصيل لكن هيا جامي شكاتلي دايما تخبي ف قلبها ومعندهاش ليمن تشكي يماها لاتية بخياتها الي متزوجين على حساب وش شفت ....عندها اختها صغيرة متزوجة وحسيتها تأثرت مي مش حابة تبين حسيت بيها مي مجاتنيش جراة نجبد معاها لموضوع خفت لا تحس او اي شئ من هذا لقبيل ,,,لمهم انا حابة نتدخل ف زواجها والله حابة نفرحها وحابة نكون انا احد الاطراف بصح مابيد الحيلة يتقدم ليها خطاب ماشاء الله لكن الامر الي انا وهيا حرنا منو انو الي يتقدم ليها مايتمش الموضوع قبل مايبدى يعني لي يجيها ف لخدمة مايوليش ولي يجوها يدو منها موعد ميبانوش ولي يدو موعد من الوالد مايولوش قصة متكرتش لا مرة ولا اثنان اكثر من مرة ,,,يعني بمجرد ماتجي تحكيلي بداية القصة حتى يغييييييب الخاطب ولا أثر هي ولاول مرة تفضفضلي حسيت بلي الامر فعلا واجعها قتلها مكتوب قاتلي ونعمة بالله صح هذه الحالة كيفاش تتفسر ,,,,هي انسانة خلوقة ماشاء الله وسمعتها طيبة ,,زعما كاينة شكون راه يفسد مواراها او وحدة مدايرتلها حاجة واش في رأيكم واش ممكن ننصحها حابة نردلها خيره موالفة هيا تخفف عليا وطلعلي ولا نقنعها بكاش كلام وربي يبارك فيكم

[داعي الله ياسين]

مبادرتك تجاه صديقتك حسنة وجميلة رعاكِ الله

ولكن للأسف لم أجِد الكيفِية ولا النوعية لِمساعدتِك

ممكن لأنّ الطّرق عديدة

فقط أنصحكِ بالدعاء لها وعدم تركِها في وقت ضعفِها

وفّقكم الله

[أم عروة]

السلام عليكم ورحمة الله وبركاته
محاولتك لمساعدتها تدل على حبك لصديقتك فبارك الله فيك
أدام الله هذه الصداقة
فيما يخص الموضوع انصحيها بالرقية الشرعية عند الثقاة احرصوا على ان يكون الراقي ثقة وليس من هب ودب كالمشعوذين الذين كثروا في زمننا هذا
فلا قدر الله بها عين او سحر او حسد حفظها الله
او لربما مثلما تفضلت قد يكون كلاما او إشاعة عنها يروجها بعض الحساد والله المستعان
هذه احتمالات فقط وليست يقينية؛ بمعنى لا ينبغي ان تشغل تفكيرها بان ثمة من يحسدها اوووو

والاحسن والأولى ان تدعو الله تعالى وتتيقن انه لم يحن بعد وقت زواجها فعندما يأتي المكتوب مثلما يقول ناس بكري يكون الخاطب اعمى وأطرش يعني لا يسمع ولا يرى مهما قيل عنها
وعليها ان تكثر من قيام الليل خاصة في الثلث الاخير ففيه إجابة لدعوة المحتاج وان ترقي نفسها بان تداوم على اذكارها وتكثر قراءة القرآن وتحسن الظن بالله تعالى فالله لا يخيب من تقرب اليه بصدق

وسانديها انت اختي وقفي معها وادعي لها بنية خالصة وحاولي ان تخففي عنها وذكريها دائماً بأجر الصابرين

أسأل الله تعالى ان يرزقها الزوج الصالح عاجلا
موفقة

[yousra14]

عندما يريد الله شيئا فلن يقف كائن من مخلوقاته في طريق تحقيق ذلك الشيئ فالله أقوى منهم كلّهم فهو خالقهم ويجب أن تؤمنوا بذلك جيّدا ودعوا عنكم الخرافات والخزعبلات .
"وعسى أن تحبّوا شيئا وهو شرّلكم"
فلا أحد يعلم مثل الله
ربّما فيه خير لها فهميها ذلك ولتنتظر نصيبها الذي لن يأخذه أحد لأنّ الله يريد ذلك
سلّموا أمركم لله فهو حسبنا ونعم الوكيل

[محمد جديدي التبسي]

إذا عندك أخ أو قريب في سن الزواج وجاهز ويبحث عن فتاة مناسبة دليه على هاته الصديقة
قوليلها تكثر من الاستغفار وتتقرب لربي أكثر وتلتزم كما ينبغي في ظاهرا وباطنا وسيأتيها رزقها من الزواج..ربي يفتح عليها وعليك

[ABDOU ELE]

ســـــــــــــــــــلام

ما عليك الا بقيام الثلث الاخر من الليل و الدعاء لها في سجودك .................و عليها ان تثق ان كل شيئ مكتوب فلا تكثر من التفكير لماذا و كيف ولتبعد عنها الوساوس لان الله قدر لنا كل شيئ................كملي خيرك و انصحيها بترك العمل

[بنت لبحر]

الله يخليكم لبعضاكم
قوليلها ترقى مكانش كيما كلام ربي
ربي يسهللها امورها

[الجليس الصلح]

السلام عليكم ورحمة الله
صديقتك تحتاج لرقية تحتاج لدعاء وجلسة ايمانية تطهرها من الشكوك
فالزواج قسمة ونصيب فما كان ليصيبك ليخطؤك وما كان ليخطؤك يصيبك
ومادامت تدرس فالمستقبل امامها ومكتوبها مازال

[بلسم غرام2018]

الدعاء ور بي يسهلاها ولينا اجمعين

[sanax]

ننصحك بالرقية والله كاين ناس رقاو على العين لقاو انهم مسحورين وربي مايكون الا الخير وكل داء عندو دواء

[مريم الصابرة]

السلام عليكم اختي
نحيي فيك الصداقة الرائعة والأهم الوفاء لهذي الصداقة لكن أختي الآن هي صديقتك إنت لازمك تحاولي تساعديها وانا من رأي ترقي ماكانش كيما الرقية هذا الامر الوحيد نفرضو كاش ما دارولها ويعني وين تروحو للراقي اغلبهم مش نتاع ثقة ويفضل ترقي روحها بروحها هكذا احسن والدعاء الكثير وربي ييسر امورها وزيدي اختي من الأمور اللي تخلي الخطبة تنجح هي الكتمان ما تحكيش تخبيها إنت صديقتها ولازم تحكيلك لكن الأهل والعائلة ما تقولهمش تخليها هكذاك حتى ربي يكملها
ما طلعي ما تهبطي مكتوب ربي مازال ما كتب هذا ماكان إنت خليك معاها وقوليلها ترقي وبي يوفقها ويقوي صداقتكم يا رب

[djazia87holi]

المشاركة الأصلية كتبت بواسطة مشكلتي

السلام عليكم ورحمة الله تعالى وبركاته ....
نشكر اعضاء المنتدى ندخل ديراكت ف المشكلة ورايحة نحكي هكا باش يسهل عليا التعبير وتفهومي وش حابة نوصلكم بداية عندي صديقة او بالاحرى اخت حقيقة صداقتنا عندها 6 سنوات انا دايما نفضفضلها ونحكيلها كل مشاكلي بالتفصيل لكن هيا جامي شكاتلي دايما تخبي ف قلبها ومعندهاش ليمن تشكي يماها لاتية بخياتها الي متزوجين على حساب وش شفت ....عندها اختها صغيرة متزوجة وحسيتها تأثرت مي مش حابة تبين حسيت بيها مي مجاتنيش جراة نجبد معاها لموضوع خفت لا تحس او اي شئ من هذا لقبيل ,,,لمهم انا حابة نتدخل ف زواجها والله حابة نفرحها وحابة نكون انا احد الاطراف بصح مابيد الحيلة يتقدم ليها خطاب ماشاء الله لكن الامر الي انا وهيا حرنا منو انو الي يتقدم ليها مايتمش الموضوع قبل مايبدى يعني لي يجيها ف لخدمة مايوليش ولي يجوها يدو منها موعد ميبانوش ولي يدو موعد من الوالد مايولوش قصة متكرتش لا مرة ولا اثنان اكثر من مرة ,,,يعني بمجرد ماتجي تحكيلي بداية القصة حتى يغييييييب الخاطب ولا أثر هي ولاول مرة تفضفضلي حسيت بلي الامر فعلا واجعها قتلها مكتوب قاتلي ونعمة بالله صح هذه الحالة كيفاش تتفسر ,,,,هي انسانة خلوقة ماشاء الله وسمعتها طيبة ,,زعما كاينة شكون راه يفسد مواراها او وحدة مدايرتلها حاجة واش في رأيكم واش ممكن ننصحها حابة نردلها خيره موالفة هيا تخفف عليا وطلعلي ولا نقنعها بكاش كلام وربي يبارك فيكم

ربي يكون الخير انشاء الله