اختي الصغيرة

[belgacem88]

شكرا للجميع على الارشاد والنصح واقول للاخوة الجزائرية 1995 و tokyo حاطها في راسي كما تدين تدان وماسك نفسي على الحرام من ه>ا الشكل

[مريم الصابرة]

السلام عليكم اخي
إنت تبع نصائحنا واغلبنا قالك صاحبها وأفتح قلبك لختك ماشي عيب وراه وقت نزهات خلي اختك ترتاحلك والله نحير في شبابنا يحشم يخرج مع ختو وكإنها عار مادام هي مستورة وهذي راهي صغيرة غديها وروح وفهمها بالقرآن راح تشوف تغيير كبير تولي هي تجي تحكيلك بلاما إنت تسقسيها وما تراقبهاش لدرجة تنخقها لالا أعطيها مجال هي تحكيلك وراقبها بلام تحس ولما تحكم بعيد الشر عليها لو غلطة صغيرة بلاك تعاقبها بالطرق اللي نعرفوهم لالا كونك أب واخ وربي يجعلها ستر ليكم وإنتوما ستر ليها ويحفظها يا رب

[زنجبيل11]

كل شيء بالعقل و الحلم ينجح بالخشونة يزداد
الاخ ينصح اخته بالعقل و الاحترام و حب تتقبل منه النصيحة بفرح
و من ينصح بعكس ذلك سيكون الكره و العناد

[hajoura1997]

افضل طريقة أنك تدعي لها في صلاتك بالعفة والستر والابتعاد عن صديقات السوء

[Assouma 93]

من حقك يا اخي ان تخاف على اختك خاصة في مثل هذا السن لكن لا تبالغ المهم راقبها من بعيد ولا تحسسها بذلك حاول معرفة صديقاتها اما بالنسبة للكلام معها فهي ليست مهمتك لانك شاب و يجب ان يبقى الاحترام بينكما هذه مهمة اختها او امها و ربي معاك

[شافعية]

يا اخي بارك الله فيك لانك حاب تنصح اخيتك لكن باحترام واله احسدتها عليك المهم انا كنت صغيرة كانوا ختاتي يشروا الجرائد ويقراوها انا كنت مازال صغيرة في السنة السابعة بكري كانوا الله يحفظهم يمدوهالي وقولولي اقراي وفعلا كنت اقرا الجريدة كلها من الباب الى المحراب وطبعا فيها قصص عن البنات خاصة الجامعة واش يصيرلهم كي يضيعوهم البنات صحباتهم الساحبات مش الصاحبات الله بلعنهم المهم انا اديت العبرة واصبحت لا اثق في اي بنت او ولد لذا اخي انت حاول تشريلها سديات للدكتور احمد الأحمد (خليجي ويحكي على البنات الي يضيعوهم البنات والشاب وشوفهم انت معاها و ابدي انزعاجك وتحسرك امامها وكذلك راقبها منبعيد لبعيد والاحسن اتعمد انها تشوفك وانت مار على المدرسة باه تحسك دايما معاها معاها مش مراقبها افهم لانوا البنت راها تعند علي يراقبها احذر وكون شوي صريح معها زعق معاها وتقرب ليها متخليش الحنية تدور عليها البر وحاول تخرجها وتحوس بيها وتشريلها هدية وكذلك تتفرج معها واسالها على احوال القرايا راني حاولت نقربلك لاني كنت في مثل سنها ونفهم تفكيرها واسمحلي طولت عليك

[Hemal]

كثر الله من أمثالك