انجدوني بيه من فضلكم

[رحسق الاسماء]

السلام عليكم نشالله تكونوا لاباس اولا انا عضوة جديدة بالمنتدى وارجو ان يكون سؤالي لا احراج فيه انا تخطبت ودرت الفاتحة زوجي من قسنطينة وانا من عين البيضاء ونواج مشكلة في مكان الالتقاء هو بعيد وميجيش بزاف وكي يجي نبقاو فالكافيتيريا حتى يحب مول الكافات يحاوزنا وبرا تحرقوا وجوهنا منها ادا تعرفو مكان مليح انجدوني بيه من فضلكم

[kouka]

في داركم انا راجلى كان يجيني في دار اهلى

[رحسق الاسماء]

يا اختي العزيزة انا ماما ماتت عندها عام والناس ماترحمش وبابا مانحبش نطيح بيه ولو كان زوجي حابة مكان عام ومريح الله يعيشكم

[مريم الصابرة]

السلام عليكم اختي
وين تحوسي تقدعي مع خطيبك يا اختي ننصحك لوجه الله صح خطيبك لكن ما راهش راجلك شرعي ما رانيش نفتي الفتوة لناسها راني نقولك لو انا في مكانك واش ندير وكنت مخطوبة وصدقيني مرة واحد خرجت مع خكيبي بمفردنا ربي يرحمو بحجة إختيار الخواتم ولكن امام الناس وتغطينا معا وعدنا هذا فقط وكنت مصرة على إنو نكونو امام كل الناس ولبعض الوقت فقط
من رأي في داركم كيما قالت الأخت هكذاك خير موفقة

[imene12]

انا ننصحك لوجه الله اختي ... بالاك تروحي معاه كاش بلاصة هك و الا هك... الكافيتيريا مكان عام و مليح و مكشوف.. و زيد ما تكثريش من الخرجات معاه الناس ما ترحمش.

[رحسق الاسماء]

لا انا درت الفاتحة وشرعا انا زوجته ه>ا لا يعني انني نحب نتعدى الحدود لكن بابا يخدم ومنقدرش ننتهك حرمات الدار تاعنا ولو اضطررت منتلاقاهش يا ريت تلاقولي حل

[خاطرة الامل]

شوفي كافيتيريا اخرى ولا حديقة عامة المهم قدام الناس وخلاص

[raouf-d-18]

بما انك زوجته شرعا تزوجو قانونيا عن طريق العقد وتهنا

[سدرةالمنتهى]

يا اختي مازلت اجنبية عليه حتى و دايرة الفاتحة يعني حتى ديري العقد الشرعي كي يبات في داركم معليش راه زوجك و عليه حقوق عليك مدنيا و هذه فرصة من ذهب باش تعجلو في العرس هكذا تعيشو تحت سقف واحد ماتنحرجي قدام ربي و لا قدام الناس خليه يعجل في الزفاف و لا تتركو مدة الخطوبة تطوال من عام الى عامين

[سارة غفران]

انصحك بشيئ واحد اذا خرجت معاه روحى مع امك لكى يكون لقاء فيه الاحترام

[مراد12345]

يا أختي

أنت كتبت موضوعا سابقا

بأنك تشتهين زوجك وتريدين الإختلاء به

وقد حذفته الإدارة

أصبري حتى يوم العرس

وخلاص

[أمّ عبد الودود]

كثيرات مثلك قمن بالفاتحة وحتى العقد المدني
لكن بعد أن مل منها الخاطب في لقاءاتهما المتكررة
تركها
لاهي به ولا هي بعرضها
هل ترضين بهذا المصير
لا تقولي لا يمكن أن يفعل هذا
فالله وحده بيده قلوب عباده

[صالح القسنطيني]

السلام عليك

من ارشدك فقد باء باثمك و كيف لنا ان نعرف ما ترمين الى فعله

و هل ضاقت ارض الله حتى تبحثين عمن يرشدك ام انك تريدين اماكن خاصة

ام ام زوجك قاصر لا يعرف حتى ترشدينه انت


او ربي يهديييييييييييييييييييييييييييييييييييييييييييييك


ابحثي عما ينفعك مسكينة حبة بلاصة تلاقا فيها يخي حالة يخي

[انانيس]

ياختي ولكن لما تصرين على الاتقاء به انا نشوف تخلي حتى تتزوجي وخلاص واذا حبيتي تعرفي طريقة تفكيرو كاين الهاتف