امر غريب في هذا الموضوع البسيط

thorpe · 2011-07-21, 19:45

السلام عليكم ورحمة الله تعالى وبركاته

اهلا بكم اخواني اخواتي الكرام والكريمات والكرماء

دائما وابدا احب ان ادخل في موضوعي مباااااااااااشرة

موضوع اليوم اخواني عبارة عن تساؤل بسيط وهو ايضا من واقعي المعيش

باختصار

الكل يدرك ان اغلب كبار السن كهول وشيوخ يعانون من بعض الامراض المزمنة كالسكري والقلب والضغط الدموي وغيره .......

وبما ان امي الحبيبة تنتمي الى فئة الكهول فقد اصيبت باحد هاته الامراض .......... (( الضغط الدموي ))

ومنه يا اخواني نحن نسعى لتوفير كل ما نستطيع لتجنب ارتفاع ضغطها ومن اهم هاته اللوازم التي نسعى لتوفيرها هي الاكل و الجو المناسبان..................

ما حيرني يا اخواني حين اقصد المخبزة لاقتناء الخبز اجد تناقض غريب

فانا اشتري الخبز العادي بسعر (( 7,5 دج))
في حين اشتري الخبز الخاص بامي الحبيبة يعني الخبز المسوس ( من دون ملح ) بسعر ((10دج))

وهنا لم افهم لماذا الزيادة في السعر مع ان الخبز من نفس النوعية لكن الصنف الثاني فقط لم يوضع فيه ملح
يعني نورمالمو يكون ارخص بدينار على الاقل وليس الزيادة بثلاث دنانير تقريبا

هل هاته الظاهرة في كل الولايات ام انها فقط هنا بقسنطينة ؟؟؟

ان كان كذالك لما هذا الاستغلال ؟؟

وماهو الحل في رايك ؟؟

الحل الي عندي هو لازم نتزوج ونجيب مراة تخبز الكسرة المسوسة لامي واش رايكم بالحل نتاعي ؟

ههه راني عارف البارح قلتوا عليا فنيان واليوم تقولوا مشحاح لكن ارى انه حق من حقوقي لازم نريكلامي

بارك الله فيكم اخوكم
حسين thorpe

فيفان · 2011-07-21, 19:59

بما اني مراقبة في الاسعارو التحقيقات الاقتصادية نقولك ان سعر الخبز مالح او مسوس 8.5دج
و اظن ان الخباز قام بالزيادة لان ليس هناك فئة كبيرة من تشتري هذا الخبز لذا قام برفع السعر حتى يربح في الخبزة 1.5دج
ايه لوكان طاح في يدي نعملو محضر
الله يشافي يماك اخي الكريم

شهد حنان · 2011-07-21, 19:59

السلام عليكم الاخ حسين

مع لدخلت لقيت الموضوع ديالك قلت سيرمو خرجنا بخرجة جديدة لقيتك تحكي على الخبز

معلاباليش بلي مشحاح لهذا الدرجة

شوف يا اخي ليس في كل الولايات هذا هو السعر لانو السعر عندنا متساوي
ممكن زادو في السعر لانهم يعملو كمية قليلة فقط لذلك رايحين يكونو مضظرين لاعادة العجن دون ملح فهمتني

ماشي مشكل زيادة 2.5 سنتيم
الصح في الوالدة ربي يخليهالك ويشافيها

لقاء الجنة · 2011-07-21, 20:01

اخي..

اظن ان هذا ليس بقسنطينة فقط و انما هو في كل الولايات..

و الله اعلم لما؟؟؟..

لكني اشكرك كثيرا على هذه الالتفاتة اخي..

و دامتـ والدتك بصحة و عافية..

موفق لكل خير اخي..

{عآشقة الفردوس} · 2011-07-21, 20:08

هههههههه الملح ب لفين و خمسمية ،، تسمآ يزيدو 2.5دج ههه باش يعوضوآحقهم هههـ
وآشـ رآح دير هذي آلجيريا

thorpe · 2011-07-21, 20:33

اقتباس:

المشاركة الأصلية كتبت بواسطة فيفان

بما اني مراقبة في الاسعارو التحقيقات الاقتصادية نقولك ان سعر الخبز مالح او مسوس 8.5دج
و اظن ان الخباز قام بالزيادة لان ليس هناك فئة كبيرة من تشتري هذا الخبز لذا قام برفع السعر حتى يربح في الخبزة 1.5دج
ايه لوكان طاح في يدي نعملو محضر
الله يشافي يماك اخي الكريم

اللهم امين يا رب
ماشاء الله عليك اختي وربي يوفقك في عملك (( بيناتنا راني معول نفتح حانوت في منطقة نائة شوي وندير رايي فالاسعار اضربي النح والفايدة نص نص ههه ))

اختي ارى ان السعر الذي قمتي بوضعه هو السعر المناسب فعلا وارى فيه عدل
اما بخصوص انه لا يوجد اناس كثر يقصدون الخبز بدون ملح فارى انه غير مقبول واش هذا حابنا كامل نمرضو باش يرجع السعر
المهم اختي اسعدني مرورك الجميل وبارك الله فيك

thorpe · 2011-07-21, 20:37

اقتباس:

المشاركة الأصلية كتبت بواسطة شهد حنان

السلام عليكم الاخ حسين

مع لدخلت لقيت الموضوع ديالك قلت سيرمو خرجنا بخرجة جديدة لقيتك تحكي على الخبز

:d:d:d:d:d:d:d:d:d:d:d
معلاباليش بلي مشحاح لهذا الدرجة

:d:d:d:d:d:d:d:d:d:d

شوف يا اخي ليس في كل الولايات هذا هو السعر لانو السعر عندنا متساوي
ممكن زادو في السعر لانهم يعملو كمية قليلة فقط لذلك رايحين يكونو مضظرين لاعادة العجن دون ملح فهمتني

ماشي مشكل زيادة 2.5 سنتيم
الصح في الوالدة ربي يخليهالك ويشافيها

وعليكم السلام

ايه الخبز راه خرجة هههه قريب يجي رمضان وتشوفي كيفاش تولي تشوفي مع الخبز وما تقدريش تقربي منو هههه يبانلك بيفتاك يا جدك

في ولايتكم السعر متساوي ؟؟
يعني بلايص وبلايص كيما تنفحلهم
والله الملام هنا وهو الشعب الي راه ساكت
والمشكل انك ما تقدرش تدير اضراب على حاجة تاع انسان مريض
يعني راه حاكمك من يدك الي توجعك كيما نقولوها
ما تخافيش راها اختنا فيفان هنا كونترول اليوم توريلهم

بارك الله فييييييييييك
بالمناسبة تقولي عليا مشحاح ياو نهار تخصك 1 دج على الفليكسي يقولك روح جيبها

thorpe · 2011-07-21, 20:40

اقتباس:

المشاركة الأصلية كتبت بواسطة لقاء الجنة

اخي..

اظن ان هذا ليس بقسنطينة فقط و انما هو في كل الولايات..

و الله اعلم لما؟؟؟..

لكني اشكرك كثيرا على هذه الالتفاتة اخي..

و دامتـ والدتك بصحة و عافية..

موفق لكل خير اخي..

لا شكر على واجب اختي لقاء الجنة اا الذي اشكرك جزيل الشكر على اطلالتك البهية
من المؤسف ان يكو مشكل عدد كبير من الولايات
هذا يعني ان عدد كبير من الناس قد ماتت ضمائرهم ولا يرون الا المال
ربي يجيب الخير
جازاك الله الفردوس

thorpe · 2011-07-21, 20:41

اقتباس:

المشاركة الأصلية كتبت بواسطة أحلام طابا

هههههههه الملح ب لفين و خمسمية ،، تسمآ يزيدو 2.5دج ههه باش يعوضوآحقهم هههـ
وآشـ رآح دير هذي آلجيريا

ههه ب 25 دج ؟
ياو نقولك اختي هاذاك الملح الرطب المعالج باليود
كونك هانية موحال يخسر عليك الملح تاع 25 دج
اجم انهم يستعملون الملح الارخص الي يسوا 7 دج
ههههه حيرة كيفاه ما مرضناش هههه
رانا عايشين بالقدرة والله

محمد مولاي · 2011-07-21, 20:42

هذه الظاهرة غير موجودة في ولاية المدية
فأنا اشتري المسوس للوالدين الله يشفيهم بنفس سعر الخبز المالح

thorpe · 2011-07-21, 20:44

اقتباس:

المشاركة الأصلية كتبت بواسطة محمد مولاي

هذه الظاهرة غير موجودة في ولاية المدية
فأنا اشتري المسوس للوالدين الله يشفيهم بنفس سعر الخبز المالح

امر جميل والله الا تكون هاته الظاهرة منتشرة كما كنت اتصور

ربي يشفيلك الوالدين الكريمين يا رب ويخليهم فوق راسك
اتهلى فيهم وبلغهم سلامي
ههه مع انهم ما يعرفونيش

فيفان · 2011-07-21, 20:47

اقتباس:

المشاركة الأصلية كتبت بواسطة thorpe

اللهم امين يا رب
ماشاء الله عليك اختي وربي يوفقك في عملك (( بيناتنا راني معول نفتح حانوت في منطقة نائة شوي وندير رايي فالاسعار اضربي النح والفايدة نص نص ههه ))

اختي ارى ان السعر الذي قمتي بوضعه هو السعر المناسب فعلا وارى فيه عدل
اما بخصوص انه لا يوجد اناس كثر يقصدون الخبز بدون ملح فارى انه غير مقبول واش هذا حابنا كامل نمرضو باش يرجع السعر
المهم اختي اسعدني مرورك الجميل وبارك الله فيك

اخي الكريم في المرة القادمة ادخل عند الخباز و قولو انك مراقب للتجارة اكيد تجيه السكتة القلبية
لكن لماذا لا تبلغ مصالح الرقابة ليس من حق الخباز رفع السعر
اذن انت بصدد فتح متجر راح نخبر زملائي يتهلاو فيك ههههههه

@[نســـــيم ♥ الجـــــود]@ · 2011-07-21, 20:48

كلش راشي نورمالمو ام يطيحو فيه يا خو خي هاداك يكون مالح و الملح غالية و بالدراهم و المسوس ميديرولوش الملح يعني يربحو الملح

اه يالخبازين تاع دزاير

ياو كاين بلايص قرعة سعيدة ب 7000 سنتيم

يا خويا اتزوج و خلاص

انا تاني حاب نزوج

زوجووووووووووووووووووووووني

نعمة القدوس · 2011-07-21, 20:48

أهلا حسين

دقيقة ونجي نرد

حجزتـــــ بلاصة برك

thorpe · 2011-07-21, 20:56

اقتباس:

المشاركة الأصلية كتبت بواسطة فيفان

اخي الكريم في المرة القادمة ادخل عند الخباز و قولو انك مراقب للتجارة اكيد تجيه السكتة القلبية
لكن لماذا لا تبلغ مصالح الرقابة ليس من حق الخباز رفع السعر
اذن انت بصدد فتح متجر راح نخبر زملائي يتهلاو فيك ههههههه

ههههه راني نتخايل في روحي لابس كوستيم ونخلع في مول المخبزة ههه والله راني نضحك وهو يقولي نعطيك التشيبا وما تديرلي والو ههههه
المهم اختي والله صراحة ما نقدر نديرها
نبلغ على انسان شوي امر صعب
مرة فليكسيت من عند واحد وبعدها عيطولي تاع نجمة قالولي شحال حكم عليك قلتلهم الملبغ الي فيلكسيتو + 10 دج قالولي رايح نتابعوه قضائيا ووووو المهم صرات حكاية والله باقي نحاول في الاخت الي كانت تحكي معاي وفهمتها بلي ما تديرش هاد الشي لانو تقريبا جار وما نرضاش على 10 يدخل السجن نحس بالذنب والله
نورمالمو بلا ما نبلغ الدولة راهي وحدها تدور وتفيريفي هاكض ما نربح عيب حتى واحد
في هاد الدنيا والله نرضى يديولي حقي وما نديش حق الناس
المهم اختي بارك الله فيك على المتابعة وشرفني مرورك الجميل بموضوعي المتواضع عن الخبز المسوس ههه
(( ؟؟؟؟؟؟؟؟؟؟؟؟؟؟؟؟؟؟)))

جازاك الله كل خير