السلام عليكم و رحمة الله تعالى و بركاته
اللهم صل و سلم على سيدنا محمد و على اله و صحبه اجمعين
صحا رمضانكم جماعة الخير
وش راكم ؟
عنوان غريب صح ؟
ارواحو تفهمو
هذا مقتبس من النشيد الرسمي لليلة الرعد
بان عرفتوه . علاه خيرت هذو الزوج مقاطع بالذات للعنوان ؟
على خاطر فهذي الفترة بالذات هذا وش مسحقين . مسحقين تكملو الشي لي بديتوه باه نهار النتائج باذن الله تفرحو . تفرحو الفرحة هذي " فرحتي و صرختي تكاد تسمع الاصم " حايتكم تتاملو فيها مليييييييييييح مليح
شدو الهمة قرريب تتهماو ان شاء الله
و الا كاشما سحقيتو ولا نحاسبكم سقسو برك
حاجة ثان جماعة . ضكا اللي يقول راني روطار محال نلحق مزال محفظت مزال مدرت هذي مزال محليت هذي
نقوللكم متتقلقوش كلشي عندو حل باذن الله . خاصة مواد الحفظ ( تقدرو تدو 15 بلا منحفظو بكل سهولة اعرفو كيفاه برك )
ربي يوفقكم
و ادولي معاكم فصلا و ليس امرا :d
ابطالي الشاطرين