سأجن :''''''(

[bis kou]

سلااااااااام

لم اكن اريد الدخول في اجواء سلبية مي والله والله كرهت

عامي الثاني على التوالي ارى نفسي لا استطيع الاجابة على اسئلة العلوم والله ما عرفت نضبط المنهجية تاعي

وخاصة مع الاستدلال هذا كل ما نتمرن عليه ما زلت 00000 وثائق يطيحو عليا منعرفش ابدا نبدها ومنعرفش نظم اجاباتي

كرهت شيء اسمه مادة العلوم يعني علاه عقدوهالنا لهاذ الدرجة حسبي الله فيهم

والله كرهت مزلت غي نبكي فقدت الامل نهائيا في الحصول على نتيجة جيدة في هذه المادة ++ معامل 6 يعني كل تعبي معاها راح


واش انا تعبي مع المواد لخرى تاني يروح غي بسبة هاذ المادة رجعوهالنا فلسفة


هبلت هبلت انا دبرو روسكم اهدرو معايا ديرو جاست اقسم بالله غي تعبت نفسيا عقليا جسديا من كلش

[ياسين]

شهدي و استغفري و هدئي روحك درك روحي راجعي مادة تجيك ساهلة و متمكنة فيها روحي حلي بعض التمارين طلعي بيهم المورال و لعشية ارجعي للعلوم او الفلسفة و بالعقل برك حاولي تركزي درك تلقاي روحك معليكش
و بما ان هذا هو عامك الثاني يعني علابالك بلي الباك ميرتكزش على مادة وحدة مهما كان معاملها كي تتمكني من المواد الاخرى تبقالك غير العلوم راح تتمكني منها ان شاء الله هذا مجرد ستراس برك و افكار سلبية مخلاتكش تركزي

حاولي متخميش في الافكار السلبية هذيك خمي في الحل (مثلا انا مقدرتش للعلوم مهما درت معاها مزلت ننسى او مزلت نغلط وش لازم ندير و اين الخطأ في طريقة مراجعتي ووو )

يا اختي راح تتغلبي على هذه الافكار السلبية و تفكري بلي هذا العام راح تكون اسهل باك باذن الله
انت ناجحة بالامتياز احفظي هذه الجملة و ردديها دائما و لا تنسي الدعاء

بالتوفيق

[bis kou]

المشاركة الأصلية كتبت بواسطة ياسين

شهدي و استغفري و هدئي روحك درك روحي راجعي مادة تجيك ساهلة و متمكنة فيها روحي حلي بعض التمارين طلعي بيهم المورال و لعشية ارجعي للعلوم او الفلسفة و بالعقل برك حاولي تركزي درك تلقاي روحك معليكش
و بما ان هذا هو عامك الثاني يعني علابالك بلي الباك ميرتكزش على مادة وحدة مهما كان معاملها كي تتمكني من المواد الاخرى تبقالك غير العلوم راح تتمكني منها ان شاء الله هذا مجرد ستراس برك و افكار سلبية مخلاتكش تركزي

حاولي متخميش في الافكار السلبية هذيك خمي في الحل (مثلا انا مقدرتش للعلوم مهما درت معاها مزلت ننسى او مزلت نغلط وش لازم ندير و اين الخطأ في طريقة مراجعتي ووو )

يا اختي راح تتغلبي على هذه الافكار السلبية و تفكري بلي هذا العام راح تكون اسهل باك باذن الله
انت ناجحة بالامتياز احفظي هذه الجملة و ردديها دائما و لا تنسي الدعاء

بالتوفيق

هي المشكلة انني اعرف انو البكالوريا لا ترتكز على مادة العلوم فقط لكن انا قصدت ان معاملها 6 ويلعب دور كبير في المعدل خاصة لمن يريد الحصول على معدل ممتاز ولهذا انا عقدت العزم لاعادة البكالوريا

اما عن قضية التمكن صراحة منذ زمن وانا احاول لكن لا ارى اي تقدم ملحوظ ربي يستر وخلاص

على كل حل اخي جزاك الله خيرا وشكرا على نصائحك

[أمل أميرة]

اختي او اخي والله مالقيت وش نقلك
احسن حاجة ندعيلك من قلبي ربي يسهلك امرك ان شاء الله وربي يوفقك وربي يفرجها عليك وعلينا كامل انشاء الله

[بـــيِسَة]

السلام عليكم
استغفري يا ختيتو و صلي قيام الليل و أدعي و مبعد بدون شك ترتاحي و تتهدئي
أيا و راجعي و متضغطيش على روحك أنت باينة ضغطتي على روحك
حبيبتي ربي معاك كلشي يفوت ركزي مبقاش بزاف مستقبل نتاعك حقي حلم والديك

ربي معاك حنونة موفقة يا رب

[اكرام براءة]

كي يكون الواحد فاهم و قاري يبدا يجيه هذا الشعور بلي ماراه حاكم فيها والو
استغفري و اقراي قرآن
و كي تجي تحلي تمرين استدلال علمي امشي فيه بالمنطق تاعك
و كلشي من الوثائق
كل وثيقة شوفيها مليح واش فيها و واش مافيهاش
و ركزي معاها
خذي كامل وقتك و ماتتقلقيش
كي تعرفي علاواش تهدر الوثيقة و التمرين ككل تقدري تربطيه بالوحدة و الدرس
و تعرفي تجاوبي هكذا

ربي يوفقك

[karlita]

السر في كيفية التعامل و التعمق و الاستغلال الكامل للوثيقة لي يمدهالك
و اكيد لازم تتمعني فالاجابات النموذجية للتمارين و تمشي يديك على التمارين
سقسيت وحدة كانت تقرا فليسي تاعنا دات 18فالعلوم قاتلي حليت بزاااف تمارين فوق 500 تمرين **

[bis kou]

المشاركة الأصلية كتبت بواسطة أمل أميرة

اختي او اخي والله مالقيت وش نقلك
احسن حاجة ندعيلك من قلبي ربي يسهلك امرك ان شاء الله وربي يوفقك وربي يفرجها عليك وعلينا كامل انشاء الله

امين يا رب ولك بالمثل (للعلم اختي موش اخي)

المشاركة الأصلية كتبت بواسطة الأنيقة بيسة

السلام عليكم
استغفري يا ختيتو و صلي قيام الليل و أدعي و مبعد بدون شك ترتاحي و تتهدئي
أيا و راجعي و متضغطيش على روحك أنت باينة ضغطتي على روحك
حبيبتي ربي معاك كلشي يفوت ركزي مبقاش بزاف مستقبل نتاعك حقي حلم والديك

ربي معاك حنونة موفقة يا رب

ان شاء الله يا رب ربي يجيب الخير

المشاركة الأصلية كتبت بواسطة اكرام براءة

كي يكون الواحد فاهم و قاري يبدا يجيه هذا الشعور بلي ماراه حاكم فيها والو
استغفري و اقراي قرآن
و كي تجي تحلي تمرين استدلال علمي امشي فيه بالمنطق تاعك
و كلشي من الوثائق
كل وثيقة شوفيها مليح واش فيها و واش مافيهاش
و ركزي معاها
خذي كامل وقتك و ماتتقلقيش
كي تعرفي علاواش تهدر الوثيقة و التمرين ككل تقدري تربطيه بالوحدة و الدرس
و تعرفي تجاوبي هكذا

ربي يوفقك

ايه والله راني في حرب معاه كرهني

امين ولك بالمثل

المشاركة الأصلية كتبت بواسطة karlita

السر في كيفية التعامل و التعمق و الاستغلال الكامل للوثيقة لي يمدهالك
و اكيد لازم تتمعني فالاجابات النموذجية للتمارين و تمشي يديك على التمارين
سقسيت وحدة كانت تقرا فليسي تاعنا دات 18فالعلوم قاتلي حليت بزاااف تمارين فوق 500 تمرين **

وماذا لو قلت لك اني لي صديقة بدون اي تمرين ومع ذلك هي الان في كلية الطب الله يبارك ؟؟
خاصة العلوم لا يهم اكبر عدد من التمارين بقدر حسن اتقان المنهجية والفهم الجيد للدرس

على كل حال ربي معانا

[karlita]

وماذا لو قلت لك اني لي صديقة بدون اي تمرين ومع ذلك هي الان في كلية الطب الله يبارك ؟؟
خاصة العلوم لا يهم اكبر عدد من التمارين بقدر حسن اتقان المنهجية والفهم الجيد للدرس

على كل حال ربي معانا[/QUOTE]

upp كيما قتلك فالاول حسب رايي
بصح المنهجية لازملها تمارين مستحيل محلت حتا تمرين ممكن 5 او 10 في كل وحدة و لكن بتعمق و فهم **

[الملآذ]

500 تمرين في كل وحدة ؟؟ ..
وين لقات 500 تمرين في الوحدة 2 متاع العلوم ..ههه
اضن انه اجمالي عدد التمارين في كل الوحدات ...
بوالريش 2017 +2018+2019+البكالوريات راها تفوت 500 تمرين


انا في عامي الاول رحت بعدد صغير حوالي 150 تمرين كعدد اجمالي +مكنتش فاهمة وحدة الاتصال ولكن ديت 16 الحمد لله ..
فهم الدرس +تمارين مليحة وفهم المنهجية وطريقة الاجابة تدي 20 عادي صحبتي دارت هاك ودات 19 نورمال ..
الكم غير مهم اطلاقااا

[المتـــواضــعة]

متقلقيش روحك اختي المنهجية سهلة وبسيطة
لا تحتاج كل هذا التعقيد
ستعتادين عليها باذن الله انا في بداية السنة صح كنت معقدة روحي بيها
ولكن بمجرد ما نسيت حاجة اسمها منهجية
وجدت نفسي اكتسبتها بطريقة اتوماتيكية
السر يكمن في المحاولة اختي
ولا تنسي بانها هي اساس البحث العلمي وانت علمية
لذا وجد عليك تقديم ملاحاظات تحليلية دقيقة ثم تفسيرها بذكر الاسباب والنتائج
وصولا الى استنتاج نهائي
توجد وثائق تحتاج الى تحليل مقارن واخرى تحليل عادي بسيط
ستتعرفين على ذلك اثناء حلك للتمارين
وكما قالت اكرام فوق عندما تكونين على علم بكافة المعلومات الموجودة في الدرس النظري
وتستغلين الوثيقة جيداا سياتي الحل باذن الله
يعني المعادلة كالاتي
معلومات الدرس + حسن استغلال الوثيقة = الحل

موفقة ان شاء الله ^^

[bis kou]

فقدت الأمل فيها نهائيا ^^ الله المستعان :'(

شكرا لكم جميعا على كل حال تعبتكم معايا

[بحلاقة]

اتكلي على ربي مليح مليح و ادعي و اتقي بالاسباب
تفرجي فيديوهات شاوش حول المنهجية باش تفهمي مليح و حلي و اكدي مليح مليح و على بكالوريا العام السابق و زيدي 2018 تاني خاصة تمارين الاستدلال و التحليل و مقارنة
حلي تمارين بولاريش اللخرين تاع 2020 شفهياا*اذا عارفة بلي الوقت ميكفيكش فيها الوحدة مناعة و نقل عصبي اما وحدة اولى حليه من تاع 2019 ................................ و زيدي تاع 2019 وحدات تاع مناعة و نقل عصبي اذا كفاك الوقت .. و ادا كفاك الوقت كذلك زيدي 2018
متعقديش الامور و التجارب تخيلي نفسك عالمة و راكي تحوسي على حل من خلال تجارب و رسومات تحصلتي عليهم فقط و اا محليتيش تمرين و معرفتيش الاجابة هدا لا يدل على انك متعرفيش لانو لوكان جينا نعرفو علاش نحلو التمارين اذا ؟؟؟؟؟؟؟؟ و مكانش شخص يقدر يقلك نعرف العلوم مليح لانو كاين اشخاص كانو لاعبينها يطيروووو و يحلو بزاااااااف تمارين و معا اللخر داو نفاط كارثية (ماشي غير في العلوم ) و كاين اشخاص عاديين و متوسطين يقراو نورمال داو نقاط ماشاء الله

و ديري في بالك بلي بكالوريا راهو في متناول تلميذ متوسط العادي معنتها مراحش يجي من السما*
و راجعي مليح المواد الاخرى متخليش العلوم تاثر سلبا عليها لانو حتى لوكان* تدي مثلا لا قدر الله 10 او اقل في العلوم . قادرة تدي 17 و 17 رياضيات و فيزياءاو اكثرررررررر زيديلها اسلامية والمواد لي تعرفيهم مليح يتبرعولها نقطة نقطة .. ا*و يعوضوهالك عادييي جداااااااااااااااااااااااااااااااااااااا
في الاخير اسالي نفسك هذا السؤال ( ما هي افضل حاجة ممكن نقوم بيها الان في هذا الوقت* باش نحسسن نفسي في العلوم ما عدا الاستسلام ___علما اني اعطيتك اقتراح جيد في كيفية المراجعة __) و شوفي روحك* + ضعي في راسك هدي المقولة : ما اسهل لعب دور الضحية و البكاء على الاطلال و ما اسهل الاستسلام
لا تنسينا ب الدعاء و ربي يوفقنا* و السلام عليكم

[bis kou]

المشاركة الأصلية كتبت بواسطة بحلاقة

اتكلي على ربي مليح مليح و ادعي و اتقي بالاسباب
تفرجي فيديوهات شاوش حول المنهجية باش تفهمي مليح و حلي و اكدي مليح مليح و على بكالوريا العام السابق و زيدي 2018 تاني خاصة تمارين الاستدلال و التحليل و مقارنة
حلي تمارين بولاريش اللخرين تاع 2020 شفهياا*اذا عارفة بلي الوقت ميكفيكش فيها الوحدة مناعة و نقل عصبي اما وحدة اولى حليه من تاع 2019 ................................ و زيدي تاع 2019 وحدات تاع مناعة و نقل عصبي اذا كفاك الوقت .. و ادا كفاك الوقت كذلك زيدي 2018
متعقديش الامور و التجارب تخيلي نفسك عالمة و راكي تحوسي على حل من خلال تجارب و رسومات تحصلتي عليهم فقط و اا محليتيش تمرين و معرفتيش الاجابة هدا لا يدل على انك متعرفيش لانو لوكان جينا نعرفو علاش نحلو التمارين اذا ؟؟؟؟؟؟؟؟ و مكانش شخص يقدر يقلك نعرف العلوم مليح لانو كاين اشخاص كانو لاعبينها يطيروووو و يحلو بزاااااااف تمارين و معا اللخر داو نفاط كارثية (ماشي غير في العلوم ) و كاين اشخاص عاديين و متوسطين يقراو نورمال داو نقاط ماشاء الله

و ديري في بالك بلي بكالوريا راهو في متناول تلميذ متوسط العادي معنتها مراحش يجي من السما*
و راجعي مليح المواد الاخرى متخليش العلوم تاثر سلبا عليها لانو حتى لوكان* تدي مثلا لا قدر الله 10 او اقل في العلوم . قادرة تدي 17 و 17 رياضيات و فيزياءاو اكثرررررررر زيديلها اسلامية والمواد لي تعرفيهم مليح يتبرعولها نقطة نقطة .. ا*و يعوضوهالك عادييي جداااااااااااااااااااااااااااااااااااااا
في الاخير اسالي نفسك هذا السؤال ( ما هي افضل حاجة ممكن نقوم بيها الان في هذا الوقت* باش نحسسن نفسي في العلوم ما عدا الاستسلام ___علما اني اعطيتك اقتراح جيد في كيفية المراجعة __) و شوفي روحك* + ضعي في راسك هدي المقولة : ما اسهل لعب دور الضحية و البكاء على الاطلال و ما اسهل الاستسلام
لا تنسينا ب الدعاء و ربي يوفقنا* و السلام عليكم

هيا المشكلة شاهدت فيديوهات الاستاذ شاوش ولكن كي جيت نطبق مقدرتش انا اتحدث بصفة خاصة عن الاستدلال اما تحليل تفسير الحمد لله منعانيش بزاف منهم
اما تمارين بوالريش لربما انا الوحيدة التي ندمت على حلها ........ صحيح ان الافكار جد رائعة لكن في المنهجية مساعدتنيش وكل احتراماتي لهذا الاستاذ وعلى اعماله ..... قررت ان احل مواضيع تجريبية عام 2019 كونها تحمل افكار جيدة لكن تبقى مشكل الاستدلال ومع اني شاهدت فيديو الاستاذ شاوش لكن وجدت نفسي اغرق

على كل حال اسأل الله ان لا يضيع تعبي مع هذه المادة عام كامل وانا نجبد فيها كي وليت نشوف بناء المواضيع كي يجي داير ثماك عرفت حجم الغلطة تاعي

الله المستعان

شكرا ربي يجازيكم

[بحلاقة]

المشاركة الأصلية كتبت بواسطة bis kou

هيا المشكلة شاهدت فيديوهات الاستاذ شاوش ولكن كي جيت نطبق مقدرتش انا اتحدث بصفة خاصة عن الاستدلال اما تحليل تفسير الحمد لله منعانيش بزاف منهم
اما تمارين بوالريش لربما انا الوحيدة التي ندمت على حلها ........ صحيح ان الافكار جد رائعة لكن في المنهجية مساعدتنيش وكل احتراماتي لهذا الاستاذ وعلى اعماله ..... قررت ان احل مواضيع تجريبية عام 2019 كونها تحمل افكار جيدة لكن تبقى مشكل الاستدلال ومع اني شاهدت فيديو الاستاذ شاوش لكن وجدت نفسي اغرق

على كل حال اسأل الله ان لا يضيع تعبي مع هذه المادة عام كامل وانا نجبد فيها كي وليت نشوف بناء المواضيع كي يجي داير ثماك عرفت حجم الغلطة تاعي

الله المستعان

شكرا ربي يجازيكم

ان كان لديك مشكل مع الاستدلال فما هو ؟؟ لكي نستطيع حله
هل هو عدم فهمك للتجارب.؟؟ بما انك قلتي انك قادرة على التفسير اذا اين هي المشكلة ؟ اذا فسرت جميع الوثائق بشكل جيد و ربطت بينهم = هذا دليل على فهمك الجيد = واذا جبتي استنتاج مليح خلاااص معناتها راكي
استدليتي
يرجى التوضيحححح