وعليكم السلام
موضوعك قريته عندي يومين وبقى في بالي , شوفي لن اقرقر كثيرا هههه و لكن طبيعي يا حبيبتي كل لي تحسي بيه
طبيعي انك تحزني وطبيعي تفقدي الثقة في نفسك وطبيعي تخجلي من الناس , ولكن لا باس هذه هي الحياة
بصح لازم تعرفي الخُطبة للتعارف , اذا تفاهمنا الله يبارك
متفهمناش وتفارقنا فلهذا وُجدت الخُطبة , نتفارقوا الان بخسائر هينة اهون بمليار مرة من بعد
ورُبما يا اختي هي صفعة طيبة حتى الواحد يتكون لمشروع زواج ناجح ومثمر مُستقبلا (وهذا الهدف ) لخاطر زواج السبهلله ويله برك نهايته محتومة
اما بالطلاق الفِعلي او الطلاق العاطفي , ربي يعيذنا جميعا منه
شوفي كاين حوايج بزاف حينفعوك باذن الله
اولهم الكُتب , وكبداية ننصحك بهذو ولكن نتِ حوسي فيما بعد على الي يناسبك (كتاب الحب بذكاء لـ فيل ماكجرو , نعمة عدم الكمال , الزهرة والمريخ عود على بدء , وكاين رواية انا عن نفسي لقيت فيها شفاء ااسمها صلاة طعام حب , اكيد فيها ما لا يُنساب ديننا ولكن نلتمس الفائدة فيما هو مُتاح ... )
شوفي راهم فيهم قرقرة واجد ههههه و لكن اصبري كما فعلت انا ,وكمليهم ورح تخرجي بنتيجة طيبة , واعطي نفسك وقت للقراءة والتدريب بعد
كاين ثاني دورة بوصلة الخطوبة لخلود الغفري ,كانت في مدونة استروجينات ولكن اظنها حذفتها , تلقايها في عدة منتديات لا ادري اذا مسموح ليا نحطلك روابط ولكن لا باس ( هنا)
كذلك مدونة استروجينات ممتازة اقراي مواضيعها ننصحك بـ الانفصال العاطفي راهو على 3 اجزاء ممتاز
اشغلي نفسك اشغلي نفسك اشغلي نفسك ( مثلا عندك عدة مواقع تعليمية اون لاين مثل : (( ادراك , رواق , زادي , موك , ادكس )) ا, كاين ثاني صفحات ممتازة مثل اراجيك ساسة بوست )
حاجة اخرى وهي الرياضة , ماشي شرط تروحي لنوادي , حملي dvd من النت بروابط تورنت وانتظمي فيه , صدقيني تلقاي نفسك انسانه غير كاين مثلا لـ ليزلي سانسون , جيليان مايكلز , ابحثي برك وتلقاي ما يناسبك باذن الله
لو تعاهدي نفسك لمدة شهر بهذا البرنامج (ولكن ابداي على خفيف ), انا نوعدك حتكوني افضل واحسن
ربي يكون معكِ وطمنينا عليكِ