العلوم على التنفس ادخلوا مهم

pérah tova · 2017-06-07, 02:22

ليوم نحكو على التنفس بحول الله .

باش ندو فكرة لازم نعرفوه : هو عملية حيوية تتم على مستوى الميتوكوندري عند كل الكائنات حقيقيات النوى ، يتم خلالها تحويل الطاقة الكامنة في روابط المواد العضوية الى طاقة قابلة للإستعمال في شكل ATP .
في هذا المنشور نتطرق الى اول مرحلة لي هي التحلل السكري لي المقر تاعها الهيولى الاساسي و من خلالها ينهدم الغلوكوز جزئيا الى حمض البيروفيك :
- يُفسفر الغلوكوز الى كلوكوز 6 فوسفات و ذلك باستهلاك جزيئة ATP .
- الغلوكوز 6 فوسفات يتحول الى فراكتوز 6فوسفات .
- هذا الأخير يُفسفر الى فراكتوز 1 - 6 فوسفات .
- ثم يتفكك الفراكتوز واحد-ستة فوسفات الى سكرين واحد الديهيدي PGAL و لاخر كيتوني DHAP لكن هذا الاخير يتحول ليهليه الى PGAL يولو عندنا زوح .
- يتأكسد الPGAL الى ADPG يرافقوا ارجاع NAD+ الى NADH,H+ .
- يتحول ال ADPG تاعنا الى APG بحيث يرافق هذا التحول تشكل جزيئة ATP .
و اخيرا يتحول APG الى حمض البيروفيك مع اصطناع جزيئة ATP .

نكملو مع التنفس و مع مرحلة جديدة لي هي الأكسدة التنفسية مقرها حشوة الميتوكندري و في وجود ثنائي الاكسجين

- حمض البيروفيك فاه ما يدخل للحشوة تاع الميتوكندري يتعرض الى نزع الكربون بواسطة انزيم دي كربوكسيلاز و نزع الهيدروجين بواسطة دي هيدروجيناز و هنا يتشكل الأستيل و ممبعد يتحد مع مرافق الأنزيم أ و نتحصلو على استيل مرافق الانزيم أ عندو زوج ذرات كربون âڑ«âڑ«
- هذا الاخير يتثيب على حمض الاوكزالو استيك âڑ«âڑ«âڑ«âڑ« ( رباعي الكربون C4 ) و يتشكلنا حمض الليمون âڑ«âڑ«âڑ«âڑ«âڑ«âڑ« ( مركب سداسي )
هذا المركب السداسي تطرأ عليه عدة تحولات باش يعطينا ف نهاية المركب الرباعي لي بدينا بيه الدورة ( تجديد حمض الاوكزالو استيك ) باه تتعاود الدورة لي سماوها دورة كريبس حيث :
حمض الليمون âڑ«âڑ«âڑ«âڑ«âڑ«âڑ« ينزع منو ديكربوكسيلاز ذرة كربون فيتحرر Co2 ، و ينزع منو دي هيدروجيناز بروتونات يسحقها NAD+ باه يُرجع الى NADH,H+ و يولي عندنا C5 âڑ«âڑ«âڑ«âڑ«âڑ« .
هاذا C5 يصرالو كيما صرا ل C6 تماما و يولي عندنا C4 âڑ«âڑ«âڑ«âڑ« مع ارجاع NAD+ الى NADH,H+ و تحرير CO2 او طرحه .
- ال C4 â¬…â¬…â¬…â¬…â¬… C4 هنا يتم فقط اصنطناع جزيئة ATP
ثم C4â¬…â¬…â¬…â¬…â¬…â¬…C4 هنا يرجع الFAD الى FADH2
و اخيرا C4â¬…â¬…â¬…â¬…â¬…C4 هنا يرجع NAD+ الى NADH,H+
ليتعاد الدورة من جديد بتثبت استيل مرافق الانزيم أ جديد على المركب الرباعي المتجدد

آخر مراحل التنفس ألا و هي الفسفرة التأكسدية و التي مقرها غشاء الميتوكندري الداخلي .

تتأكسد النواقل المرجعة لي تحصلنا عليها في المراحل السابقة من عملية التنفس ولي هوما NADH,H+ و FADH2 فتتحرر إلكترونات .
هاذ الالكترونات تنتقل حسب كمون الاكسدة و الارجاع ( من ناقل ذو كمون منخض الى ذو كمون اعلى ) عبر سلسلة نقل الالكترونات الموجودة على غشاء الميتوكندري الداخلي فتتحرر بذلك طاقة تُستعمل في ضخ البروتونات من الحشوة الى الفراغ بين الغشائين فيصبح لدينا اختلاف في تركيز الH+ ، الحشوة قاعدية معناه فيها غي شوية برك من البروتونات مقارنة بالفراغ بين الغشائين لي يكون حامضي لي فيه بزاف بروتونات .
في هذه الاثناء يستقبل الالكترونات آخر مستقبل لها لي هو الاكسجين المؤكسد فيُرجع .
نرجعو للبروتونات ! ياك قلنا بلي راه كاين فرق في تركيزها بحيث تكون بزاف في الفراغ و قليلة داخل الحشوة ، ألوغ تدخل داخل الحشوة حسب تدرج التركيز عبر الكريات المذنبة محررة بذلك طاقة تسمح بتركيب ال ATP .
الاكسجين هذا لي أُرجع يدي زوج بروتونات و يتشكل الماء .
نجو للعلاقة بين مراحل التنفس :
التحلل السكري يعطينا حمض البيروفيك في الهيولى â¬… يوصل للحشوة تاع ميتوكندري يصرالو ديع¨راداسيو في مرحلة الاكسدة التنفسية .

النواقل المرجعة لي تشكلت ف التحلل السكري في الهيولى و هدم ح.البيروفيك في حشوة الميتوكندري تصل الى الغ.الداخلي باه تُستعمل في تفاعلات الفسفرة التأكسدية