شكون موالفة تطيب البونيط؟ أحتاج مساعدة

[نار الشوق]

السلام عليكم ورحمة الله


أخواتي حابة نسقسيكم على سمك البونيط نقدر نطيبو شطيطحة بالدرسة كيما كلب البحر؟

ولا نديرو فالكوشة خير؟



لي موالفة تطيبو تقوللي كيفاه يجي مليح ولكنّ كل الشكر

[nihal159]

مساء الخير؛ أختي حنا نديرولو الدرسة فيها فلفل أسود؛ كمون؛ توابل السمك؛ قصبر ناشف؛ توم؛ معدنوس؛ ليمون؛ملح ونخلوه يشرب مليح هذيك التتبيلة 3 ساعات أو أكثر.
من بعد نقلوه في الزيت؛ ونحضرو صلصة طماطم: زيت زيتون+ ثوم+ التوابل المذكورة سابقا+ ملعقة هريسة حارة+ طماطم مشوية و مقشرة و مقطعة قطع صغيرة؛ إذا الطماطم مش حمرا بزاغ تقدري تزيدي شوية طماطم معلبة؛ نقليها مليح باش تروحلها لقروصية و نمرقها بنصف كاس من الماء؛ لما تبدأ الصلصة بالغليان نضع قطع السمك المقلية و نخليها تتجمر شوية مع الصلصة ومن بعد نطفي النار لما نشوف الصلصة أصبحت ثقيلة و الزيت طلع فوق لاصوص.
عند التقديم أعصري عليها شوية ليمون.
نتمنى تكون طريقتي عجبتك و أستفدتي منها.
من الأفضل تقطعيه des tranches

[نار الشوق]

طبعا استفدت أخيتي

جزاك الله خيرا وبارك فيك

سأجربها هذا المساء بإذن الله

[نار الشوق]

المشاركة الأصلية كتبت بواسطة nihal159

مساء الخير؛ أختي حنا نديرولو الدرسة فيها فلفل أسود؛ كمون؛ توابل السمك؛ قصبر ناشف؛ توم؛ معدنوس؛ ليمون؛ملح ونخلوه يشرب مليح هذيك التتبيلة 3 ساعات أو أكثر.
من بعد نقلوه في الزيت؛ ونحضرو صلصة طماطم: زيت زيتون+ ثوم+ التوابل المذكورة سابقا+ ملعقة هريسة حارة+ طماطم مشوية و مقشرة و مقطعة قطع صغيرة؛ إذا الطماطم مش حمرا بزاغ تقدري تزيدي شوية طماطم معلبة؛ نقليها مليح باش تروحلها لقروصية و نمرقها بنصف كاس من الماء؛ لما تبدأ الصلصة بالغليان نضع قطع السمك المقلية و نخليها تتجمر شوية مع الصلصة ومن بعد نطفي النار لما نشوف الصلصة أصبحت ثقيلة و الزيت طلع فوق لاصوص.
عند التقديم أعصري عليها شوية ليمون.
نتمنى تكون طريقتي عجبتك و أستفدتي منها.
من الأفضل تقطعيه des tranches

راني درتها ، بارك الله فيك أختي

درتلها تاني الزعيترة

ودرت معاها الروز

جات هايلة ، كامل عجبتهم

[nihal159]

المشاركة الأصلية كتبت بواسطة نار الشوق

راني درتها ، بارك الله فيك أختي

درتلها تاني الزعيترة

ودرت معاها الروز

جات هايلة ، كامل عجبتهم

بصحتكم؛ الزعيترة تمشي مليح مع الحوت؛ فرحت أنو طريقتي عجبتكم.

[فردوس الرحمان]

عمري ما سمعت بيه، راني في الغابرين على حساب الحطة ههههه

[نار الشوق]

المشاركة الأصلية كتبت بواسطة فردوس الرحمان

عمري ما سمعت بيه، راني في الغابرين على حساب الحطة ههههه

ههههه
لالا ختي حتى أنا ما كنتش نعرفو

نسمع من بكري بلي كاين مناطق يديروه مع الكسكس بصح هادي أول مرة نطيبو

هو سمك من عائلة التونة، حوست على الوصفات تاعو في قوقل صبت بلي غالبا يديروه في الكوشة

[فردوس الرحمان]

المشاركة الأصلية كتبت بواسطة نار الشوق

ههههه
لالا ختي حتى أنا ما كنتش نعرفو

نسمع من بكري بلي كاين مناطق يديروه مع الكسكس بصح هادي أول مرة نطيبو

هو سمك من عائلة التونة، حوست على الوصفات تاعو في قوقل صبت بلي غالبا يديروه في الكوشة

كي نجي العاصمة ديريهلي، على الأقل ندوقو، يخي تضيفيني!!!!

[نار الشوق]

المشاركة الأصلية كتبت بواسطة فردوس الرحمان

كي نجي العاصمة ديريهلي، على الأقل ندوقو، يخي تضيفيني!!!!

خسارة عليك ختيتي <3 مرحبا بيك في كل وقت

[فردوس الرحمان]

مرسي حنونة، اذا كتبت الزيارة للعاصمة، راح نزورك، و أنت كذلك اختي راك على الرحب والسعة

[omkamel]

شكرا اختى رانا استفدنا كامل وبصحتكم

[نار الشوق]

الله يسلمك


شكرا أخواتي