يا حـــــــــــدة

[صهيب الجلفاوي]

يا حدة
يا حدة مر جفاك راه هدني ورشاني
وسهم من سهام لحاظك في بر الخلا رماني
أه يا حسراه من كان القلب شاره في ربيعو زهواني
ضرك شتات القرة عليه معتى هذي و تغير زماني
ياحدة واه القلب بمنجل قلعتيه من وطنو ثاني
من جوف الحشا راك نحيتيه و طشتيه في بر العدياني
ليك راكي اديتيه نزهق في عقابو راهو شقاني
ما هبلني نعشق فالزين و هو ليه مواليه
صدوني عنك و رماوني فالبلاء عيناني
آه من ليل الهوى كيف نقضيه
و خيالك ياحدة من داخل رشاني
عقلي نعي نصبر فيه ما خلاني نريح ما يهداني
ما لقيت في حبك القلب من يواسيه
و يشكي لحدة حالي و يكون في حبها عواني
آه مالي جاه و لاطاقة باه نوصل لممو اعياني