اسفة ماصورتش الطريقة .............والكيكة راهي تبان شوية تعبانة ههههه لاني صورتها بعد السفر** رحت ضفت بيها**
ممكن تستعملو الكيكة الاسفنجية .. لكن انا الكيكة اللي نعتمدها دايما هاذو
مقاديرها
6بيض
30غ سكر عادي اي مقدار 2 م ك
150غ سكر رطب اي مقدار 1 كوب
150غ (لوز محمص + نواد كوكو) مرحيين رطب
40غ فرينة اي مقدار 5 م ك
30غ زبدة ذايبة و باردة اي مقدار 2 م ك
فاني
رشة ملح
الطريقة
البياض +رشة ملح ونضربوهم بالباتور ثم + السكر العادي حتى يطلع مليح ..
الصفار + الفاني + السكر الرطب و بالباتور حوالي 5 دقايق
ثم نضيف امزيج اللوز و النوادكوكو ونستعملو السباتول
ثم + الفرينة
ثم +البياض
ثم + الزبدة
انا قشمتها على صينيتين ..مفرشين بورق الزبدة
الكيكة ماتجيش طالعة يعني من بعد مانقسموهاش على طبقات مثل الكيكة الاسفنجية .. وانما تجي مسطحة كما تاع البسكوي رولي ..ثم نقطعوها بالمول دوائر او قلوب او..
ان شاء الله فهمتوني
وندخلها في الفرن المسخن مسبقا على 180 درجة حوالي15 د .. اختبري نضجها باالموس او عود الاسنان .. راهي متطولش في الطياب
مضطرة للخروج ... لي عودة ان شاء الله .........اسفة
عدت والحمد لله ..................
كي بردت قطعت من كل صينية دائرة والبواقي قطعت منهم 2 انصاف دائرة
باش درت 3طبقات .. 1 في الاسفل للقاعدة و 1 للاعلى و في الوسط رقعت ب انصاف الدوائر
الكريمة
خدمت كريم باتيسيير و خليتها تبرد
وطلعت كريم شانتيي وخلطتهم مع بعض
التركيب
خيرت حبات فريزا قد بعضهم وقسمتم على 2 .. و ستفتهم على حاشية المول .. حيث الجهة الداخلية للفريز هي اللي نحطها عالحاشية باش تجي باينة بعد ما ننزع المول
نحط الدائرة الاولى تاع الكيك وفوقها كمية من الكريمة ونزيد عليها فريزة مقطعة صغيرة ونرش بالنواد كوكو
ثم الطبقة 2 نفس الشيئ
و الطبقة االاخيرة نحط فوقها الكريمة و نزينها بحبات من الفراولة و رفاييلو .. و التزيين اذواق
ان شاء الله يعجبوكم و تستفادو من اجتهادي الخاص و المتواضع
( تقرير عن مشاركة سيئة )، و الموجودة أسفل كل مشاركة .
2015-05-24, 18:44
كيكة بالنوادكوكو ورفاييلو والفريزا
العرض العادي
