ارجوكم نصيحة لاختكم

صبرين صبرينة · 2015-03-23, 11:20

السلام عليكن اخواتي اول شيء اشكركم لانكم جعلتوموني احب الطبخ ولكن لدي مشكلة اني احيانا تكون اكلاتي bien و ديفوا تكون صامطة ما تضحكوش عليا ما عرفش علاه ساعيدوني اريد ان اصبح متميزة في الطبخ فزوجي قال لي اني لا اجيد الطبخ وهدا كسرني خصوصا امام اخواته ينشعني فارجوكم ساعيدوني لاصبح امراة مشكلتي اني اكره بلخف نمل انتظر نصائحكم وارشاداتكم و اكسبوا في الثواب عند الله

عبد المعزّ · 2015-03-23, 14:24

انت جنشس ذكر واسمك صبرينة لا علينا تعلمي فالكتب كثيرة

صبرين صبرينة · 2015-03-23, 15:02

انا انثى غلطت في التسجيل و ارسلت رسالة للادارة و ما تغيرشادا تعرفو كيفاش نبدل قولي

صبرين صبرينة · 2015-03-23, 15:03

ولا تعليقات

ام اسراء و نور · 2015-03-23, 15:18

السلام عليكم
اختي مشكل الملل عند اغلبية البنات بصح قدام اهل زوجك ديري القلب ههههههههه
لازمك تكوني ذواقة في الاكل باش تقدري تتقني اكلاتك ونقولك ربي يعاونك

lilii7179 · 2015-03-23, 17:12

البنة ما هيش في كمية كبيرة من اللحم و لا في القناطير المقنطرة من التوابل لكن كل حاجة بميزان, اول حاجة و اول نصيحة با تجي ماكلتك بنينة كلمة السر و هي " بسم الله " و اذكري الله و انتي طيبي و شوفي الفرق, ثانيا البصل و الثوم عادة نحقروهم بصح هوما اللي يمدو البنة, ماشي طيبي كمية كبيرة نتاع مرقة بحبة بصل صغيرة. ثالثا نوعية التوابل: خيري توابل تكون جديدة رابعا مدي الوقت الكافي للمرقة نتاعك باش تتقلى و هذا مهم جدا ماشي غير تتقلى 5 دقائق تزربي تحطي لتر من الماء ثم راحت البنة. و شوفي هنا في المنتدى الاخوات راهم يحطو وصفات ما شاء الله و بمقادير مظبوطة و مع نصائح قيمة. وفقك الله

مسك القعدة · 2015-03-23, 19:29

يا ختي كيما قالو بعض الأخوات مرات باللحم والتوابل وتجي الماكلة صامطة بصح السر في البصل والثوم والماء
كاين لي ما تفرقش في ماكلة البصل وماكلة الثوم وثاني كمية الماء لازم تكون قيس الطياب وإذا خص زيدي مش تعوميها بالماء وتبقاي تستناي تنشف تفقد البنا نتاعها

صبرين صبرينة · 2015-03-24, 12:41

شكرا يا اخواتي على النصائح كيما قولتو ساديبو راني نكثر الماء ونقلل المقادير شكرا الف مرة

صبرين صبرينة · 2015-03-24, 12:43

البارح درت العشاء و حاولت نديره بحب و اتقان و التزيين و عشب زوجي قالي عشاء شباب صحيتو يا البنات

oum islem · 2015-03-26, 17:58

هنيئا لك واصلي لازم تكون عندك الرغبة في الطبخ وبالصبر والاتقان راح تكو ني احسن طباخة ان شاء الله

fleur de lili · 2015-03-26, 18:22

choufi benti koulche fi hed dounia yt3mel bel irada et houb

ام فاروق · 2015-03-27, 21:09

رااااااااااااااااااااااااااائع

مرام 92 · 2015-03-28, 20:15

المنتدى راه معمر بالوصفات و ادا راكي خايفة يلا مينجحولكش روحي لقسم الاطباق المجربة و شوفي شا جربو لبنا و شاهي الحاة الي صلحتلهم و الحاجة الي فسدتلهم و كاين عضوات الله غير وصفاتهم ناجحة مئة بالمئة و حاجة باينة بلي مرة تجيك حاجة بنينة و مرة لالا و غير بشوية تعلمي

صبرين صبرينة · 2015-03-29, 10:14

شكرا اخواتي العزيزات فانا اعمل بنصائحكم شكرا جزيلا و ربي يجعل هدا في ميزان حسناتكم فاانتن تساعدن في الخير و راني صبت المشكل في عدم نجاح اكلي كنت نكثر الماء ونقلل الخضرا و بفضلكن هده الايام اكلي رائع و كلما يقول اهلي مليح نحمد ربي بوجودكم و ندعيلكم فالف شكر ليكم

yuuke-chan · 2015-03-29, 10:56

السلام عليكم
شوفي يا حبوبة انا نطيب مليح لكن ساعات تجيني صامطة لكن ننصحك طلعي المورال لروحك و نقولك اهم اسرار عندي باه تجي الماكلة مليحة لازم كل اكلة ديريلها مقاديرها قدقد ماتكثريش من التوابل و ماتنقصيش بزاف و اهممممممم حاجة هي انك تقلي مليح قبل ماتمرقي صدقيني ملي وليت نقلي تحسنت ماكلتي كثيراا كيما تخليها تتقلا نقصي النار و غطيها و خليها مدة تتقلا مليح و مبعد امرقي و ماتكثريش الماء و طيبيها على نار هادية باه ماتتحرقش و تجي بنبنة
ماتقوليش مانقدرش غير تجيك مليحة احكمي القيس و ابقاي ديما اخدمي بيه و ذوقي ماكلتك باه تعرفي واش خصها
و باه تتفاداي الملل جربي كل مرة اكلة جديدة شوفي في المنتدى كاين وصفات يهبلو و نوعي في كلش ضرك توالفي و تولي ماكلتك تهبل وبصح ماتنسايش تعرضيني ههههههه

ربي يوفقك