البقول الجيجلي

ام زيزو · 2014-03-02, 11:29

زوج ربطات سلق 'سبانخ'

وربطة لفت مع الريش نتاعها

وربطة بصل

يغسل الجميع ويقطع

نحط الما يغلي ونرمي الكل نخليهم حتى يطيبو نصفيوهم ونعصروهم

عندهم تلاث طرق للاكل

تحبي تعصريهم وتحطي زيت الزيتون وتاكليهم بالكسرة سخونة
او
ديري معاهم الحمص طيبيها وتصفيها وتحطيها مع البقول وزيت امممممممممممممم نموت عليها بالحمص
او
ديري صوص طوماط بالثوم والبصل وحبة طماطم وتوابل
وتحطيهم بعد ما تكوني غليتيهم
وتخليهم حتى ينضفو مليح ما يبقى غير الزيت

هايلين

بالصحة والراحة

طبعا بالكسر

R I A D · 2014-03-02, 12:22

شكرا لك ختي يبان لذيذ

ام زيزو · 2014-03-02, 12:54

اكيد رياض هايل وصحي قبل كل شيئ يسلملي مرورك

جيجلية · 2014-03-03, 06:22

جيجلية بصح عمري ما سمعت بها

انا نعرف اللي يديروها باللفت برك

باينة صحية ولذيذة خاصة بالكسرة

ام زيزو · 2014-03-03, 14:00

اهلا حبيبتي جيجلية اللفت تقدري ديريه وحدو هذا من عند الصحاح من الدوار الناس الي تعرف تاكل

أم إناس · 2014-03-04, 00:10

بارك الله فيك اختي

المدير2012 · 2014-03-04, 15:46

يعطيك الصحة

الأمنيات · 2014-03-05, 11:50

MINAT ARAHMENE · 2014-03-05, 13:54

ya3ik saha.maman ta3mil lift yji yhibl w bnin.

ام نوردين · 2014-03-05, 15:05

يعطيك الصحة ام زيزو انا نعرف البقول هو الكسكسى بالحشىش ونعرف تاع اللفت وحدها هادا اول مرة نسمع بيه بصح منطقتنا غنية بالوصفات مثل هادى الله يجازيك كل خير

ام قسوم · 2014-03-05, 15:19

بصحتكم

تسلم الايادي

وبشر الصابرين · 2014-03-05, 22:57

4444444444444444

شوق الليالي · 2014-03-05, 23:23

انا نمووووووووت عليه وخاصة بالكسرة المبسة
الله الله على الجيجليات

ياسمين1990 · 2014-03-06, 00:01

بارك الله فيك اختي على هذه الوصفة عندي شحال وانا حابة نحطها وكي شفتك حطتيه فرحت و قلت نزيدلك هذوا النباتات للافادة
و هذه طريقتنا في تحضير البقول
احنا نطيبوا الفت كامل يعني الجدر مع الورق بلا إضافات ، طبعا تؤكل مع زيت الزيتون والكسرة
والبقول وهي مجموعة متنوعة من النبتات مثل السلق و وردالة و بوشناف و ڤرنينة والجرنيز و بريوة و سمومة و خبيزة و الزياتة و الحتشة وحشيشة الريح وشهبوبة و
تلفاف و الحرشة و قشيرة و دفار النعجة ولسان الثور وحافر الداب هههههههههههههههه والله هذي اسماء هذه النباتات وتوجد بعض النباتات لااعرف اسمها ولكن صالحة للاكل ونبقلوهم ونغسلوهم ونقطعوهم ومن بعد
ما يطيبوافي الماء يغلي والملح نقطروهم في الكسكاس ونضيفولهم زيت الزيتون مع الكسرة بلا خميرة يعني الماء والملح والسميد بعد ما نعجنوها نضيفلها شوية زيت في وسط العجينة ونلمها ونطرحها ونطيبها في طاجين الطين وشهية طيبة افظل اكلة عندي اممممممممممممممم
في هذا الاسبوع درت السلق مع بوشناف جايهبل روعة شكرا لكي مرة اخرى فكرتين بأكلت الجدود التي تعتبر من الثوابت
سلام مع اكلات تقليدية اخرى

abdounardjesse · 2014-03-31, 11:40

يعطيك الصحة انا تاني نموت على البقول وخاصة الحشائش لي قالت عليهم الاخت ولكن بما اني لا اقيم في جيجل فاني استعمل اللفت والسلق وتجي هايلة بالكسرة