لكل من طلب الوصفة بالتفصيل للباتيسري الساهل من مطبخي

[amel5]

السلام عليكم و رحمة الله و بركاته
رجعت ليكم كيما وعدت الاخوات و جبتلكم الطريقة بالصور لتحضير الباتيسري الساهل من مطبخي
اولا هادي مقادير السيرو...نديروهم كلهم مع بعض و نخلوهم يغلوا مدة تقريبا ربع ساعة انا هاد المقدار يكفيني لطورطة
اما في حالة لاباتيسري لي حضرتوا ضاعفت الكمية يعني 2 كؤوس ماء+ 6 كؤوس ماء+نص ليمونة


هادي مقادير الجينواز ..1 كاس سكر+3 بيضات +فانيليا نخبطوهم مليح مع بعض مدة 10 دقائق حتى يتضاعف حجمهم
بعدها نضيفوا الفرينة بعدما نغربلوها بواسطة غربال صغير او صفاية
لازم نحضروا وحدة باخرى بنفس المقادير على اساس تولي عندنا 4 طبقات


بعدها نفرغوا الخليط في صينية فرن نفرشوا عليها ورق الزبدة و ندخلوه لافرن حتى تنضج


بعدما نخرجوها نسقموا الاطراف و نتخلصوا من الجهات لي تكون ناشفة و يابسة و نقطعوها في النص بنفس الحجم
و نديروا نفس الشيئ مع الجينواز الثانية


بعدها نبداو بتطبيق الطبقات فوق بعضهم
ناخدوا اول وحدة نسقوها و نديروا فوقها كريم شانتيي بالطريقة لي موالفين تحضروها بيها
و نديروا فوقها الطبقة التانية و نعملوا نفس الشيئ حتى نكملوهم كلهم و نزينوها من فوق على حسب الرغبة
انا هاد لامرة زينتها من فوق بالشكولاطة و قطعوها بالحجم لي تحبوا و نصيحة كي تجوا تقطعوا الحبات كل مرة تجوا تقطعوا
ديروا السكين في ماء ساخن جدا و امسحوه مليح و قطعوا بيه باش تجي الحبات متناسقة و ماتلصقش الشوكولاطة فيها


و هاهو جاااااااااااااااهز


ادعولي حبيباتي ربي يسهلي اموري

[لينا11]

مشكورة عسولة على تعبك
بصحتكم تاكلوه بالصحة والهناء يارب

[عاشقة الوردة]

امممممممممممممم
يشهي وساهل
نهار الاثنين نجربو ان شاء الله

[بوعنينبة]

يعطيك الصحة

[amel5]

مشكورييييين حبيباتي على المرور

[*عاشقة الجنة*]

يعطيك الصحة أمووووووووولة

والله شكلو يشهي الله يبارك

[rajaa mstafa]

مشكووووووورة

[ange paradique]

ساهلةماهلة..............

[amel5]

نورتووووووني
ربي يخليكم

[yasmine f]

[لينا الجنة]

الله الله يبارك و ربي يعطيك صحتك ان شاء الله سلمت يداك

[ayatte]

ساهلة و باينة بنينة
ربي يسهلك امورك

[amel5]

شكراااااا
ربي يخليكم

[ام سامي15]

تسلم ايديكي يا اختي

[fatma-zohra]

جزيل الشكر لك لاني نحب هذا النوع بزززززززززززززززاف شكرا اختي