لا أتمناها سوى زوجة

[مشكلتي]

سلام الله عليكم
أنا يا خاوتي راني نحب طفلة من قلبي و ربي اللي يعلم ,,, عندي نيمروها و ما نحبش نعيطلها و ميش راح نعيط خاطر نخاف علاها من نفسي ,,, نحس بلي هي ثاني تحبني كيما راني نحبها بصح تالمو هي حشامة بزاف و متربية ما تحكيش خلاص على هادي الامور حتى مع صحباتها و ما شاء الله قارية راح تعمل شيغدون ,,, علابالي تقولولي اخطبها و هاذي امنية حياتي و حلمي الوحيد في الدنيا هاذي بصح راو عمري 19 سنة و يرحم الوالدين ما تقولوليش مراهقة و راك صغير خاطر يعلم بقلبي غير اللي خلقو
انا راني ديت الباك غير بيها غير باش نكون انسان مليح و نقرا و نعيشها احسن عيشة بصح نجي نشوف لعمري نيأس علابالي كون نقول ليما تقوللي يا وليدي راك صغير و الشايب راح يكونلو نفس الرد مام باباها ما يقبلش واحد يقرا في الجامعة و ما عندو والو و أنا عادرو ,,,, لوكان تكون عندي بنت كيما اللي عندو ما نمدهاش خلاص
راني نحبها و ربي اللي يعلم بصح ما قتلهاش غير مرة لمحتها و حشمت و هادا اللي خلاني نتعلق بيها أكثر و مستعد نعطاها روحي و ما نخافش ,, نعرفها من بكري و عمرها لا دارت علاقة مع شاب .
مللي دينا الباك شفتها في الحفلة و مرة في الطريق مع امها و هبطت راسها أنا من الشوك بقيت غير نشوف و مبعد فقت مع روحي و غضيت بصري


قولولي واش الحل ,,, عادي كون نخطبها و أنا ف هاد العمر ؟؟؟؟ راني راح نهبل و سبابي هي ,,, ::confus:

يا الله عاوني و عاونوني انتوما ثاني يرحم والديكم قولولي واش الحل غير ما تقولولش انساها ع خاطر هذا محاااال!!!

[فارس الجزائري]

وعليكم السلام
خيرا إن شاء الله
يا أخي هل ترضى وضعية كهاته لأختك أو إبنتك؟
في مثل هذه الأمور لايصح إ لا الصحيح والصحيح يكون في أمرين:
1- إذا تحوس عليها تروح البيت مواليها
2- إذا كنت غير قادر على ذلك تتركها حتى تكون قادرا
لا يوجد لك حل آخر غير هاذين الحلين وإتقي الله يجعل لك مخرجا
بالتوفيق إن شاء الله