تناقض المرأة بين المرأة والمرأة

[كاميلا]

السلام عليكم
لعل هذا الموضوع دائما ما يجذب المرأة في حذ ذاتها فعند ذكر كلمة الحماة اما يحدث استنفار او يحدث انقباض

ما اريد طرحه ليس علاقة العروس بحماتها لانه موضوع قديم جدا والكل يعرف الردود النسوية

ما اريد التحدث عنه هو التناقض وضعية التناقض للحماة هو سؤال لطالما قمت بطرحه حتى انني قمت بطرحه على الوالدة وناقشتني فيه
لماذا الحماة تحب لبنتها مالاتحبه لكنتها يعني لماذا الحماة تحب تكون ابنتها في نعيم ونسيبها يكون رهن اشارة ابنتها وكيما نقولوا خاتم في صبعها بل الادهى والامر تشترط لابنتها السكن الخاص
في حين نفس هذه الحماة تحب ان يكون ولدها كيما نقولوا بالعامية "يحكم ويتحكم في في كل شي" ومرته ماهي الا عبدة
لايجب ان تستقل بسكنها يجب ان تعمل في بيت العائلة ليل ونهار حتى على اولادها السلفات والسلاف
وفي النهاية تقولك بنتي متتخدمش على ام زوجها ماهيش خدامة وفي نفس الوقت تحب عروستها اقل من الخادمة
وحججهم دائما راهو ولدي انا اللي كبرتوا ................انا اللي تعبت فيه......................لازم ياخد رايي انا يصرف عليا انا ....انا اللي نصرف في داره .................تبوس راسي البايرة انا اللي زوجتها وما الى ذلك من الحجج اقل ما اقول عنها سخيفة
تثير ثائتها ان رات ابنها يقوم بالمسؤولية الكاملة ..............يعني مفهمتش لازم يهمل عايلته باش ترضى الام على ما اظن
انا اعلم والكل يعلم ان للام حقوق وللزوجة حقوق واظن ايضا ان الام والزوجة مش ضراير والكل يعلم ان مبدأ الاسلام احب لغيرك ما تحبه لنفسك يعني ان كان هو الخير الذي تحبه لابنتها رغم انه فيه من الانانية والدونية وعلاش متحبيبهش لزوجة ابنك ام هي لقيطة التقطتموها من الشارع وابنتك ابنة الحلال
انت ايتها الحماة تخمي على نفسك وبنتك هل من الطبيعي بنتك تعمل واش انت متحبيش عروستك تعملوا؟ او هو النفاق في حذ ذاته يقولون مالايفعلون
اترك لكم الساحة للنقاش

[hodayena]

صح تما صبتيني نخمم سبحان الله

[mereyoucef]

و الله حتى العجايز انتاع هادا الوقت مايخافوش ربي لازم شهرية يمدهالها و لازم هي تخرج تحوس معاه و الله نشفى كانت تخرج هي معاه يتعشاو في المطاعم و يجيبلي كاسكروت مثل الخادمة و كي بديت نقولو لازم اديني معاكم ماشي نروح وحدي معاك فقط صرات كبيرة وووووووووووووو المهم حبيت فقط نفرغ قلبي باش نقول بكري الانسان الكبير في السن كان يمثل رمز الحنانةو العطاء و التضحية الان راكم عارفين

[كاميلا]

المشاركة الأصلية كتبت بواسطة hodayena

صح تما صبتيني نخمم سبحان الله

يحيروا تاع الصح

[salem1985]

والله كل وحدة والفكر انتاعها انا عندي امي ربي يطول في عمرها والله ماتتدخلش في اخواني الي متزوجين بتاتا وعندي 3 اخوة متزوجين وحتى كي يحبوا يخرجو يقولوا لامي تقول ليهم عيطو لازواجكم في الهاتف والي قالوليكم راه خلاص وزيد تفضلهم علينا بصح انا اقول ان المراة الي تسكن مستقلة في بيتها تبقى عزيزة ومكرمة ومن حق المراة سكن فردي والله انا يبان لي نصف الهناء البيت المستقل لانوهي وراجلها وخلاص

[المنصور3]

صفة أنانية نابعة من حب الأم لأولادها فتحب أن ترى ابنها معها مسيطرا على الوضع و تحب لابنتها أن تعيش حرة في بيت زوجها غير مسيطر عليها من حماتها ، إلا أن هناك الكثير من الأمهات لا يتصفن بهاته الصفة إنما ترى كنتها بمثابة ابنتها و تتمنى لابنتها نفس الوضع

[كاميلا]

المشاركة الأصلية كتبت بواسطة mereyoucef

و الله حتى العجايز انتاع هادا الوقت مايخافوش ربي لازم شهرية يمدهالها و لازم هي تخرج تحوس معاه و الله نشفى كانت تخرج هي معاه يتعشاو في المطاعم و يجيبلي كاسكروت مثل الخادمة و كي بديت نقولو لازم اديني معاكم ماشي نروح وحدي معاك فقط صرات كبيرة وووووووووووووو المهم حبيت فقط نفرغ قلبي باش نقول بكري الانسان الكبير في السن كان يمثل رمز الحنانةو العطاء و التضحية الان راكم عارفين

ضراير ههههههههههههه بصح كون دير عجوزة بنتها كيما هي دير لعروستها تقلب الدنيا على نسيبها

[كاميلا]

المشاركة الأصلية كتبت بواسطة salem1985

والله كل وحدة والفكر انتاعها انا عندي امي ربي يطول في عمرها والله ماتتدخلش في اخواني الي متزوجين بتاتا وعندي 3 اخوة متزوجين وحتى كي يحبوا يخرجو يقولوا لامي تقول ليهم عيطو لازواجكم في الهاتف والي قالوليكم راه خلاص وزيد تفضلهم علينا بصح انا اقول ان المراة الي تسكن مستقلة في بيتها تبقى عزيزة ومكرمة ومن حق المراة سكن فردي والله انا يبان لي نصف الهناء البيت المستقل لانوهي وراجلها وخلاص

والله يا اخي اولا ربي يعيشلك الوالدة راهي كيما والدتي
وثانيا انا حاجة وحدة مقدرتش نفهمها ومقدرتش نتقبلها علاش تحب لبنتها وبنات الناس لا علاش تحب ولدها يعفس في مرتو وبنتها تحكم في راجلها

[الألماسة]

هههههههههههههههههههه
حسبت روحي غير انا راني نخممم
هذا هو المشكل اللي وصل بزاف من بنات الناس للطلاق
مش كل العجايز كيف كيف
لكن العجوز الغيورة و الحاسدة هي برك اللي تكون هكذا
تقولك انا ولدت و كبرت و قريت و كانو حنا طحنا مع الرعدة(ما كبرونا و ما تعبوا علينا)
و الله المشكل الوحيد هو الغيرة و الحسد
الله يهدينا

[anise2011]

و الله المشكل الوحيد هو الغيرة و الحسد
الله يهدينا