الجزء 137 من كوزينة واش طيبتي اليوم ((كوزينة النجاح في الدارين ))

[ام طيري الجنة]

البسملة1

بسم الله الرحمن الرحيم و الصلاة على اشرف المرسلين سيدناو نبينا المصطفى الكريم صلوا على حبيبنا يا حراير بلادي
بعد اذن المشرفات الكريمات طبعا و بما انني شفت انو الصفحات تجاوزت العدد المسموح به ارتأيت ان افتتح هذا الجزء الجديد من كوزينتنا باش ما تبقاوش برا في هذ الحر الشديد هههه
و طبعا سميتها كوزينة النجاح في الدارين لانها تتصادف مع العشر الاواخر من شهر رمضان المبارك و لا داعي لأن احدثكم عن النجاح و البركة في هذه الايام المباركة لمن تقبل الله عمله و عبادته اللهم اجعلنا من الفائزين بفضلها و لا تجعلنا من المحرومين
وهي ايضا تصادف ذكرى عيد الاستقلال و اي ذكرى الي اعطت درسا في انّ النجاح لايكون بتوفر الوسائل بل بتوفر الارادة و هي فخر لكل الجزائريين
و ايضا تتصادف مع نجاحات ابنائنا ربي يبارك فيهم و بالمناسبة الف الف مبروك لكل الناجحين و لوالديهم و من نجاح لاخر باذن الله و فيها راح نفرحو باصحاب البكالوريا اللي راهم على نار ربي يفرحهم و يفرح والديهم و اساتذتهم بيهم ياااا رب
و طبعا راح تكون باذن الله عاااامرة بكواليس النجاحات و الحفلات
و راح نبدى انا بكواليس حفلة بنتي المتواضعة بصح كانت كي العرس و الحمد لله كامل الحباب جاو و فرحومعايا ربي يبارك فيهم جميعا و يفرحهم
بسم الله ماشاء الله
هذو القاطوات اللي حضرتهم
مقروط الكوشة لاول مرة نديرو و خرج هااايل و الحمد لله درتو بالتمر



القريوش اممم خرج بنييين





خبز تونس



البقلاوة



قاطو ما يطيبش بالقوفريط و الكاوكاو



قاطو المنقوشة لام اماني ربي يحفطها و يفرحها بوليداتها و بصحتها


قاطو البابيون


و هذو كواليس نهار الحفلة
بديناها بالسفة و اللبن و الحليب


ثم القهوة و الاتاي و القاطو








و في الاخير لاتارت و العصير و القازوز


و الحمد لله قولو الله يبارك هههههههههه
العقبال لوليداتكم كااااااامل يا رب تفرحو بيهم ياااا رب ببركة العشر الاواخر
ا ليكم الخط حبيباتي
تصبحون على خير هذا وين رايحة نرقد هههه

[أم عبد الله ياسين2]

مبروك إفتتاح الكوزينة

[**افنان**]

مبارك النجاح لابنتك مزيد من النجاح ان شاء الله

[ام الاشبال]

مبروك الكوزينة والف ممبروك لبتك ياه قاطواتك يسخفو وادا ممكن تقرعيجة شحال جابت المعدل

[idron0]

دعاء اليوم العشرين
أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِ القُرانِ يامُنْزِلَ السَّكينَةِ في قُلُوبِ المؤمنين .

[ام و ابنة]

صباح الخير
مبروك الكوزينة الجديدة ربي يجمعنا فيها لما فيه رضاه��
مبروك نجاح بنتك و المزيد من النجاحات مستقبلا باذن الله
الحفلة ما شاء الله تبارك الله باينة كانت واو��
ان شاء الله أيامكم كلها افراح
العاقبة لاصحاب البكالوريا��
و ما ننساوش ندعيو ربي يشفي كل مريض و يتمم و يسهل لكل حامل و يرزق كل محروم و يفرج على كل مهموم
و يصبر كل من فقد عزيز عليه و من بينهم أختنا اوريسيا اذا مارانيش غالطة في الاسم اللي نتقدمولها بأصدق التعازي في وفاة جدها ربي يرحمو و يوسع عليه هو و كل موتى المسلمين

[ikram08]

صباح الخير على وجوه الخير مبروك للكوزينة الجديدة وااااو كلشي حطة و همة يعطيك الصحة يارب نفرحوا بأصحاب الباك عندي أربعة ولاد إخوتي فوتوا راني اليوم راح ندير واحد الوصفة شفتها في قسم الحلويات البارح وهو صابلي بحلوةًالترك مغلف بشيكولا و يجئ مستطيل

[ام طيري الجنة]

المشاركة الأصلية كتبت بواسطة أم عبد الله ياسين2

مبروك إفتتاح الكوزينة

الله يبارك فيك ويومك سعيد

المشاركة الأصلية كتبت بواسطة **افنان**

مبارك النجاح لابنتك مزيد من النجاح ان شاء الله

الله يبارك فيك حنونة و ربي يفرحك بالعزيز عليك

المشاركة الأصلية كتبت بواسطة ام الاشبال

مبروك الكوزينة والف ممبروك لبتك ياه قاطواتك يسخفو وادا ممكن تقرعيجة شحال جابت المعدل

الله يبارك فيك جابت 12.72 هو غير مرضي بصح ماعليش العمدة على الباك ان شاء الله و الحمد لله

المشاركة الأصلية كتبت بواسطة idron0

دعاء اليوم العشرين
أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِ القُرانِ يامُنْزِلَ السَّكينَةِ في قُلُوبِ المؤمنين .

بارك الله فيك و جعله في ميزان حسناتك نعم المجتهدة ان في صمت بوركت

المشاركة الأصلية كتبت بواسطة ام و ابنة

صباح الخير
مبروك الكوزينة الجديدة ربي يجمعنا فيها لما فيه رضاه��
مبروك نجاح بنتك و المزيد من النجاحات مستقبلا باذن الله
الحفلة ما شاء الله تبارك الله باينة كانت واو��
ان شاء الله أيامكم كلها افراح
العاقبة لاصحاب البكالوريا��
و ما ننساوش ندعيو ربي يشفي كل مريض و يتمم و يسهل لكل حامل و يرزق كل محروم و يفرج على كل مهموم
و يصبر كل من فقد عزيز عليه و من بينهم أختنا اوريسيا اذا مارانيش غالطة في الاسم اللي نتقدمولها بأصدق التعازي في وفاة جدها ربي يرحمو و يوسع عليه هو و كل موتى المسلمين

ااااامين كلامك ذرر بارك الله فيك
و انا بدوري اقدم تعازي الخالصة للاخ اوريسيا رحم الله جدها و اسكنه فسيح الجنان
و ربي يشفي كل مريض و يعين أهله و يفرج كرب كل مكروب و يفرح كل محروم و يصبر كل منكوب و يبارك لكل معافى في صحته

المشاركة الأصلية كتبت بواسطة ikram08

صباح الخير على وجوه الخير مبروك للكوزينة الجديدة وااااو كلشي حطة و همة يعطيك الصحة يارب نفرحوا بأصحاب الباك عندي أربعة ولاد إخوتي فوتوا راني اليوم راح ندير واحد الوصفة شفتها في قسم الحلويات البارح وهو صابلي بحلوةًالترك مغلف بشيكولا و يجئ مستطيل

الله يسلمك و ربي يفرحكم بيهم و تعم الافراح يا رب

[wala]

الف الف مبروك للتلميذة الشاطرة ان شاء الله دائما تفرحكم بنجحاتها ربي يحفظها

[ام طيري الجنة]

المشاركة الأصلية كتبت بواسطة wala

الف الف مبروك للتلميذة الشاطرة ان شاء الله دائما تفرحكم بنجحاتها ربي يحفظها

الله يسلمك حبيبتي و ربي يفرحك بالعزيز عليك

[ام ساجد]

صباح الخير ومبروك الكوزينة الجديدة

ام نسرين الف مبروك النجاح والحفلة حطة الله يبارك كلشي متحوف
انا سخفتني السفة واني ذقت منها اممممممم

[ام طيري الجنة]

المشاركة الأصلية كتبت بواسطة ام ساجد

صباح الخير ومبروك الكوزينة الجديدة

ام نسرين الف مبروك النجاح والحفلة حطة الله يبارك كلشي متحوف
انا سخفتني السفة واني ذقت منها اممممممم

الله يسلمك اختي الحبيبة ام ساجد عينيك اللي شابيين و بصحتك السفة و اذا عجباتك نزيدك هههه
لوكان جيتوني قراب انديرلكم نهار سبيسيال ليكم ستاهلو ربي يفرحك بوليداتك

[0ibtissam]

مبروك افتتاح الكزينة مبروك لبنتك لعقوبة للباك ان شاء الله

[ام ساجد]

الله يسلمك عزيزتي ام نسرين اكيد صاحبة واجب وربي يبارك فيك ويفرحك دايما

[وزة]

الف مبروك الناجحة
الحمد لله كي وصلها رب العلمين و فرحتي بيها
لوسمحتي أعطيني طريقة صنع حلوة البابيون حابة نديرها للعيد راني شريت المول