الجزء 131 من كوزينة واش طيبتي اليوم - الصفحة 2

عازفة الناي · 2015-05-18, 08:42

صباحكم زين
مبروك الكوزينة الجديدة ربي يجعل فيها كل خير و يدوم المحبة
باروك ويارب يعجبك
كيكة بكريمة الموكا ~~~ القهوة ~~~ اممممممممممممممممممممم

wahibaazel · 2015-05-18, 08:42

صباح الخير حبيباتي ،المازة مبارك العتبة الجديدة.
ام اماني ربي يجازيك خير .،فايزة مشكورة على الوصفة ،وربي يسر امورة اختنا مريم الاميرة

wahibaazel · 2015-05-18, 08:45

ام اسلام الصابلي هايل ،هذه الوصفة انتاع زينب ولا لا ،وين نلقاها الله يسترك.

أم أيوب 11 · 2015-05-18, 08:49

صباح الخير يا وجوه الخير

مبروك افتتاح الكوزينة وكي العادة تكون معمرة بخيرات الفحلات

oum ibrahim · 2015-05-18, 08:53

صباح الورد يا الفحلات يومكن سعيد و مبارك
تفضلو شوية حلو للحلوات

اللهم لك الحمد كما ينبغي لجلال وجهك و عظيم سلطانك
اللهم ما اصبح بي من نعمة فمنك وحدك لا شريك لك فلك الحمد و لك الشكر

اسمهان79 · 2015-05-18, 08:53

سلام الله عليكم حبيباتي الحاضرات والغايبات واللي وراء الكواليس
يارب الاكل يكون بألف خير
الف الف مبروك الافتتاح حبيبتي المازة كوزينة الخير والخمير ان شاء الله ربي يبارك ويبسط الرزق لينا اجمعين
زينب66صباحك فل وياسمين حنونة والله كلامك ينقط عسل في كل رد تحطيه
طالبة اهلين حبيبتي الصفحة نورت بردودك
رحمة توحشتك حنونة وتوحشت تعليقاتك الحلوة
ام اسلام يا اهلًا وسهلا بملكة الاطباق الرائعة تسلم ايدك حنونة على كل شيئ راكي تحطيه وتفيده بيه
ام ماجد يا حنونة يا ام الجود كلو ربي يبارك في صحتك وذريتك ان شاء الله
ام ياسين المسرارة اللي زينها راه منور المنتدى كلو صباح الحب والسعادة ليكي ولعائلتك حبيبتي
ام عروة نورتي خيتو بالرد الجميل
نهال ااااااا عندي مدة ما تلاقيتكش يا مرحبا بالغوالي
مريم سلااااااام حبيبتي ربي يهنيك حنونة ويعطيك ما تتمناي
الاخت الكريمة اللي توفى الوالد نتاعها ربي يرحمو ويغفر ذنوبو ويسكنو فسيح جنانه يا رب الصبر اختي الكريمة جازت عليا وما اصعب الفراق تعرفي انا ماتت اختي 16سنة ومن بعد بابا بيناتهم9اشهر قريب هبلت لكن الله حنين كريم ربي يغمرهم برحمته ما عليكي الا بالدعاء هاذاك ما يوصلهم

اسمهان79 · 2015-05-18, 08:58

الريفية ليكي وحشة حنونة والله زماااااان
عازفة ملكة التحليات واش هاذ الخير كلو ما شاء الله ربي يفرح قلبك بولد احلال اللي يهنيك ويعيشك ملكة ان شاء الله تستاهلي كل الخير
وهيبة الطيوبة توحشتك توحشتك قد ما بين السماء والأرض وتوحشت كلامك لمعسل بالكلام الطيب
ام ابراهيم ياااااااااااه واش هاذ الغيبة مدة ما شفتش ردودك اطباقك رائعة ومن يديك خرجت اروع بارك الله فيكي حبيبتي
ام أيوب يسعد صباحك حياتي كلك ذوق وادب ما شاء الله

ام نوردين · 2015-05-18, 09:04

اسعد الله صباحكن ورزقكم الصحة والعافية وراحة البال
الف الف مبروك المازة الكوزينة لن شاء الله تكون فال خير علينا في هاد الشهر الفضيل
مقدمة رائعة كروعتك واطباق شهية يعطيك الصحة سخفنى طبق الفول ونزيد وراه التارت والشاى منعنع ربي يبارك فى رزق ويحفظك
حنوناتى سلام حار وربي يبارك لكل وحدة واش حطت ماشاء الله
باروك من الارشيف

oum ibrahim · 2015-05-18, 09:04

يااااااااااي حتى اعتمدت المشاركة لقيت روحي في كوزينة الحبوبة المازة عتبة مبروحة و اطباقك و حلوياتك اممممممممممممممم خاصة المقيرط البارح بقى في بالي يا ريت تنوريني بالوصفة الله ينورك
و بالنسبة لكيكة التفاح للحبوبات الي طلبوها هي سهلة للامانة الوصفة هي للاخت الغائبة نادية 7788ربي يرجعها على خير و راهي في وصفات الحراير الجزء الاول عييت نحوس عليها مالقيتهاش المهم تخدمي كراميل بكمية من السكر و قليييل من الماء فوق النار حتى يتحول الى كراميل لونو اصفر
نقطع التفاح بعد ما نقشرو الى شرائح شوية خشينة ماشي رقيقة
نجهز خليط الكيكة اي وصفة معتمدتها انا درتها بكيكة الياؤورت امممممم رهيبة
ندهن البلاتو بالزبدة و نرشو بالفرينة و نفرغ الكراميل و هو ساخن فيه و نمشيه على كامل سطح الصينية و نرص التفاح شرائح و نفرغ من فوق خليط الكيكة و الى الفرن 200 د مدة 5 دقائق ثم ننقص 180 د مدة 25 دقيقة
لما نخرجها من الفرن نقلبها في صحن حذاري لانو الكراميل يكون ساخن يغلي و ما نقولكمش على البنة رهيييييييبة كراميل مع تفاح اممممممممممم
و الي ما تحبش الكيكة ناشفة تقدر تطيب سيرو خفيف و تشربها قبل ما تتقلبها
وصفة كيكة الياؤورت
3 بيض
نكيل بعلبة الياؤورت 2كيلات سكر
كيلة زيت
علبة ياؤورت اي ذوق تحبيه انا نحب الفراولة
3كيلات فرينة
باكي خميرة

عازفة الناي · 2015-05-18, 09:05

ام ابراهيم امممممممممممممم واممممممممممممممم واممممممممممممممممممم قتلتيني ربي يبارك
ممكن وصفة القاطو اللي كي الميلفاي ؟؟؟؟؟؟؟؟؟؟؟؟؟؟؟؟؟؟
ام عروة، نهال ، زينب 66، مريم ، طالبة الجامعة ، ام ياسين الغالية، ام ماجد ، ام اسلام ، رحمة ، الريفية ، وهيبة ، ام ايوب، صباحكم سعيد
اسمهان الله يرحمهم و يجعل مثواهم الجنة
prettywoman الله يرحم الوالد و يجعل مثواه الجنة ... و يصبركم يارب الجرح مازال جديد واضبي على قراءة القران و الدعاء

oum islem · 2015-05-18, 09:07

اقتباس:

المشاركة الأصلية كتبت بواسطة wahibaazel

ام اسلام الصابلي هايل ،هذه الوصفة انتاع زينب ولا لا ،وين نلقاها الله يسترك.

https://www.djelfa.info/vb/showthread.php?t=1798176
تفضلي اختي وهيبة صابلي ام زينب
وش اخبارك
عندك اولادك مع الامتحانات المصيرية او ﻻ؟

oum ibrahim · 2015-05-18, 09:13

اسمهان الرقيقة يا صباح الورد على الوردة المفتحة توحشتك يا طفلة و توحشت الاطايب الي تحطيهم و تسلميلي على الاطراء هذا يا يجي والو قدام التحف نتاعك
عزوفة يا ملكة التورتات امممممممممممممم و امممممممممممممم و اممممممممممم كما تقوليها انت رهيييييييبة
ام نوردين وشراكي حبوبة عندي مدة ما تلاقيتك و التارتولات امممممممممممممم قوليلي درتيهم بالعجينة المورقة ؟؟؟؟؟؟؟؟؟؟؟؟
ام اسلام الف شكر على الوصفة الترتولات اممممممممممممم بنتهم في فمي
غدايا مودر بلاك ندير عدس و لا شربة فرميسال نروح للميناج الي ما يخلاصش واااعتين ههههههه ربي يعيني و عينكم

ام نوردين · 2015-05-18, 09:18

بريتى وومن الله يرحم الوالد ويسكنو الجنة ويشفيك من كل ضر
ام عروة زينب طالبة جامعيةام ياسين صباحكن فل
ام اسلام كوزينتك فاتت روعة وحلوياتك امممممممممممممم رووووووووووووعة يعطيك الصحة
ام ماجد صباحو اكلير يسخفو بصحتك
الريفية رحمة منوريييييييييييييييييييييين
عازف ة الناي اممم رووعة ماشاء الله
وهيبة طبق يشهى بصح مافهمتوش
ام ايوب صباح الورد ياورد ريحتهم وصلت لعندى
ام برهوم روووووووووووووووووووووووووووعة ماشاء الله فعلا ملكة الباتيسرى حللي هاداك الخير واش هو
اسمهان على سلامتك وربي يعينك على الضياف ملاح ما ملاحش سيرتو دوك وقت الامتحانات ربي يوفق الجميع

ام نوردين · 2015-05-18, 09:21

اقتباس:

المشاركة الأصلية كتبت بواسطة oum ibrahim

اسمهان الرقيقة يا صباح الورد على الوردة المفتحة توحشتك يا طفلة و توحشت الاطايب الي تحطيهم و تسلميلي على الاطراء هذا يا يجي والو قدام التحف نتاعك
عزوفة يا ملكة التورتات امممممممممممممم و امممممممممممممم و اممممممممممم كما تقوليها انت رهيييييييبة
ام نوردين وشراكي حبوبة عندي مدة ما تلاقيتك و التارتولات امممممممممممممم قوليلي درتيهم بالعجينة المورقة ؟؟؟؟؟؟؟؟؟؟؟؟
ام اسلام الف شكر على الوصفة الترتولات اممممممممممممم بنتهم في فمي
غدايا مودر بلاك ندير عدس و لا شربة فرميسال نروح للميناج الي ما يخلاصش واااعتين ههههههه ربي يعيني و عينكم

الله يخليك حنونة وربي يبارك فيك ايه درتهم بالعجينة المورقة مانحط فى ليمول ما والو غير نطبع بطابع دائرى كبير ونحطهم يطيبو يعطيك الصحة على الحلويات اممممممم يسخفو

um alaa · 2015-05-18, 09:22

صباحو حبيباتي الف مبروك الكوزينة المازا تقبلي باروكي جديد و قديم ههههه