إلى كل من لديها الحل

[حبيبة القران]

السلام و عليكم كيف أحوالكن
دارنا عبارة عن 3 طوابق و نحن نسكن في الطابق الثاني كنا كل صيف نطلعو للطابق 3 مي في الاعوام الاخيرة معودناش نطلعو وانا حابة الصيف نبداوها نتما لانو مريحة هديك بلاصة لانو عندنا السطحة تطل عل طابق 3 يعني دار عندها وسط الدارتشوف سماء زرقاء كي تطل من نافذة تشوف من جهة بحر ومن جهة الالجبال و الله منظر عل الصباح يشهي الانسان يبدا نهارو شباب مي حابة نقيها في هدو اليامات و ان شاء الله نقدر مي عندي مشكل
انو وسط الدر منين كانت تصب الشتاء و تنشف الارض راهي ولات حرشة و كحلة الكرلاج ابيض و اللهكحل و حرش بزاف واش نحطلو واش ندير تعيشووو

[yara djoumana]

والله يا اختي انا قريت في المنتدى كاينة فكرة للكارلاج ينظف انا الحق ماجربتهاش انا انسيت الاخت الي حطت الفكرة قالت بلي الكارلاج و حطي عليه خميرة القاطو و راح تكون النتيجة روعة جربي الفكرة و انشاء الله يعاونوك الاخوات

[فايزة1207]

نعم اختي فيه اخت هنا في المنتدى قالت ديري الجافال مع خميرة القاطو

[leilaz]

انا نقلك ماكانش كيما روح الملح راه ينحي الترسبات الصعبة مي بلاك من الريحة تيعو خاصة لي عندها الحساسية

[zizou b]

استعملي المكشط هايل في التنظيف

[رتيبة عبدو]

كيما قالولك الاخوات جربي خمارة الحلوى دريها على كامل الكرلاجة وصبي فوقها كمية جافيل يكون قاطع ماتزيديلوش الماء وخليه 10 دقائق وحكي بالشيتة او الليفة نتع لماعن والله غير رووووعة انا جربته صح استعملت 20 بكي خمارة هااااهااا لكن تحفة جزاها الله خيرا للاخت في المنتدى اللي علمتني الطريقة

[ام البنتين]

من الاحسن تجيبو عامل لي عندو ماكنة خاصة ب البونساج تاع الكارلاج اختصارا للوقت و الجهد و النتيجة مضمونة

[OMGHALIA]

اختى العزيزة انا جربت العملاق جال خاص للفاينس والكرلاج القارورة خضراء ممتاز حطيه فوق الكرلاج وخليه نصف ساعة وحكيه صدقينى يرجع يلمع جربيه ورجعيلى الخبر