مساعدة في طباخة enie

ام هزار · 2016-10-22, 20:16

السلام عليكم و رحمة الله تعالى و بركاته
اخواتي عندي كويزينيار من نوع اوني جزائرية و هي الماركة المعروفة وطنيا . عندي 5 سنين ملي نستعمل فيها . في البداية قريت انه عند اول استخدام للفرن تاعها لا بد من التهوية الجيدة لانها رايحة تطلق رائحة غاز شديدة و لكن حسب الكتاب المرفق بيها رايحة رائحة الغاز تزول بعد مدة من الاستعمال . لكن للاسف بعد 5 سنوات استعمال كل ما نشعل الفور تاعها من اجل طياب قاطو او قراتان تنبعث رائحة الغاز القوية و تبقى ختى نخلص الطياب و انا فاتحة جميع النوافذ
كل من مرت بهذي التجربة يا ريت تفيدني و تبين لي السبب. و الله عادت تعجزني عن الطياب
بارك الله فيكم جميييعا

جهينة اليقين · 2016-10-22, 20:56

ام هزار هذا امر غير عادي ربما هناك تسرب شوفي مع واحد اختصاصي يريقلها وعملتي مليح كي راكي تفتحي النوافذ

arwa alaa · 2016-10-23, 00:14

اختي ام هزار انا عندي نفس الكويزينيار بصح متطلقش الريحة نتاع الغاز وعندي 9سنوات مني شريتها شوفي كاش واحد يشوفهالك بلاك فيها تسرب للغاز وربي يحفضك

~اسيل ريحانتي~ · 2016-10-23, 00:18

رايي من راي جهينة اختي لازم تشوفو واحد متخصص يريقلها الغاز راه خطر كبير خلي التهوية ديما في البيت انا موسوسة في الليل دايما نفيريفي روبيني ودايما نخلي احدى النوافذ مفتوحة ربي يسهل امورك اختي

ام هزار · 2016-10-23, 13:56

جهينة . اروى و اسيل شكرا حبيباتي على الرد . راح نعمل بنصائحكم و ربي يحفظكم

sidahmed13 · 2016-10-31, 19:35

شكرا، شكرا، شكرا