بخصوص تربية بدنية ورياضية -المسيلة-

hamza bennouioua · 2013-07-25, 23:42

السلام عليكم
صح رمضانكم وكل عام وانتم بخير وينعاد عليكم انشاء الله بالصحة والعافية
ليكن في علم جميع المترشحين للمسابقة -استاذ التعليم الثانوي- تربية بدنية ورياضية
يوجد الكثير من اساتذة التعليم المتوسط واساتذة من خارج الولاية قد ترشحو معنا
ومن خارج الولاية حصلو على بطاقة اقامة ولديهم ماستر 2كذلك ترشحو معنا
ومترشحين بطريقة غير قانونية يعني ليس لديهم وعد بالاستقالة الموقع من طرف مدير التربية
واكيد لديهم المعريفة
انا شخصيا نعرف ناس منهم
يعني ليهم الخبرة والماستر 2
وانتم لكم الاختيار
ماهو العمل وكيف لنا ان نقف يالمرصاد لهم ولموظفي مديرية التربية

merzouguiyoucef · 2013-07-26, 01:58

هذي بلادنا ربي يجيب الخير برك

tjrn · 2013-07-26, 03:22

-(يوجد الكثير من اساتذة التعليم المتوسط واساتذة من خارج الولاية قد ترشحو معنا
ومن خارج الولاية حصلو على بطاقة اقامة ولديهم ماستر 2كذلك ترشحو معنا ) ؟
يا اخى في هذه الحالة رايح يشارك وراسو مرفوع ومعندك مادير ,الشدة في ربي سبحانو .
ولي معندوش وعد بالاستقالة ,بعد مينجح راح يجيبو في دقيقة ,هذي بلادنا

الصديق الذهبي · 2013-07-26, 03:40

اقتباس:

المشاركة الأصلية كتبت بواسطة tjrn

-(يوجد الكثير من اساتذة التعليم المتوسط واساتذة من خارج الولاية قد ترشحو معنا
ومن خارج الولاية حصلو على بطاقة اقامة ولديهم ماستر 2كذلك ترشحو معنا ) ؟
يا اخى في هذه الحالة رايح يشارك وراسو مرفوع ومعندك مادير ,الشدة في ربي سبحانو .
ولي معندوش وعد بالاستقالة ,بعد مينجح راح يجيبو في دقيقة ,هذي بلادنا

الاحتجاج ثم الاحتجاج يديرولهم

كيما لعوام ليفاتو

hamza bennouioua · 2013-07-26, 11:33

وعلاه ماعندك مادير انا شخصيا شاركة في مسابقة في جيجل منا وفات
وكي خرجت النتيجة لقاو غير البرانية والاساتذة المترسمين شاركو
سكرو الطريق وحرقو الرود وهبطو الوالي وراسل هو ومدير التربية الوزير على جالهم
وكيما كان الحال الغيت القائمة واستبدلوها بقائمة جديدة غير لولاد البلاد
لازم علينا نتحركو نقولولهم لازم تنشرولنا الناجحين مع بلدية الاقامة نتاعهم
ومن بعد احنا نعرفو كيفاه نحركو الوضع ياك كل واحد يعرف ناس بلديته
والاساتذة المترسمين نتاعهم
واش رايكم
نتلاقاو في المسيلة نهار المسابقة ونهدرو مع المسؤوليين

adel625 · 2013-07-26, 21:01

يا اخي المشكل انو القضية لم تعد كما قلت لكن شهادة الاقامة حصلو عليها بطريقة قانونية بعد الشطب من ولاياتهم وتحويل الاقامة الى المسيلة وهو مايؤكد انا ولايتنا اللي جا يركب يعني حاشاك شكامة ولايتنا روح لولايات اخرى يتلفوك وحنا نموتو على البراني

la_khaled · 2013-07-26, 21:11

adel625

دخلت نقول هدو الكلمتين

مسيلة داخلها يبكي و خارج منها يبكي

شكامة sans pitie

virusm2003 · 2013-07-28, 15:24

ساهلة ماهلة

نحرقوووووووووووووووووووووووووا مديرية التربية

adel625 · 2013-07-29, 15:29

يا اخي والله والله والله العظيم غير عندي صاحبي يخدم في حافلات النقل الحظري قالي ركب معايا واحد من باتنة في الكار وملي مشينا وهو يسقسي وين جاية شنيح نبعث الدوسي نتاع التربية
قالي قتلو ونتا لاه من باتنة وتشارك في المسيلة مايحكموش عنك الدوسي علاخاطر غير ولاد البلاد علابالك وش قالو والله العظيم غير قالو كثر خير الولاية نتاعكم اللي جا يركب قالو خدمولي شهادة الاقامة ودارولي الشطب وبطاقة التعريف طلعت ليه ليه
وش تحوس نزيدك حنا نحبو البراني
مالا اذا عدنا رجالة نهار تخرج القائمة نتاحدو ونديرو كيما نتاع جيجل لاني انا شخصيا فوتت في جيجل

deco006 · 2013-07-30, 01:42

prq les autres son pas des algerinne ya akhi il a le droit yafawet win iheb toi aussi t le droit tfawete win theb prq rakoum tkabrou ou tal3ou ida walet hakda koul wahed yadir zarb 3la wilaytou ou irayeh hada ta3 batna mayfawatch fi mssiila hada ta3 mssila yafawet fi bejaia akhtikoum men eljihawiya ida haka liwalet prq rakoum tbahrou fi skikda sla annaba wla fi bejaia imala men elyoum dirou des pas porte haka tkoun mliha yaw arazg 3la rabi matnihouhouli linta li wahdoukher ou yfawet win yheb si un algerinne

hamza bennouioua · 2013-07-30, 11:34

السلام عليكم
اولا يا اخي تكلم بالفرنسية مباشرة ولا بالعربية مباشرة خليك من تفرنيس العربية راها لغة القران الله يهديك
المعاملة بالمثل
انشاء الله نتلاقاو في المسيلة نهار 12/08/2013ونتكلمو معاهم بدون فوضة ولا عنف ولا مشاكل
قال لازم عليكم كي تعلقو قائمة الناجحين تكتبو بلدية المترشخ اللي راها في بطاقة الاقامة نتاعو هاك نعرفو البراني بيناتنا ونديرو حل
لانو انا شخصيا سمعت بلي واحد من الشلف خرج بطاقة اقامة من البلدية نتاعنا وراح يشارك بيها استاذ تربية بدنية ورياضية
حتي المديرية نتاعنا طلبت بطاقة اقامة وليست شهادة والغات صورة بطاقة التعريف الوطني راك عارف باه يحمو رواحهم ويبيعو المناصب
عكس الاعلان اللي جاء في جريدة المساء من طرف وزارة التربية الوطنية
ما لا يعلمه الجميع العام الماضي اغلبية الناجحين في المتوسط والثانوي من ولاية تبسة والفاهم يفهم .....؟؟؟؟؟؟؟

adel625 · 2013-07-30, 16:41

يا اخي متى تبقى ولايتنا اللي جا يركب المشكل لازم نعاملوهم بالمثل لاه هوما يزعكونا ويتلفونا العام اللي فات في ميلة 61 منصب تانوي كاين 45 واحد من ميلة فقط ترشحو للمسابقة والبقية من ولايات اخرى لكن المترشحين نتاع ميلة دارو احتجاج قبل المسابقة وقالو لازم ينجحو ولاد البلاد وهو ما حدث مالا حنا تاني نتلايمو ونديرو عفسة نهار المسابقة باه نولو رجالة ماشي غير اللي جا ينجح

deco006 · 2013-07-30, 22:45

bsr est saha ftourkoum écoute a si hamza je parle la langue française je parl pas larab prq je ss pas arab si mon problème et on plus si voutre mentalité qui on na devenu raciste tous les algerienne 3andhoum le droit de venir a bejaia a mssila wla alger wla oran ahh si prq tkhef ils son compétente mieux que toi elmohim garef wla rayeh arzeg 3la rabi sobhanou ida ktablek haja tadih si nn waleh latrayeh haka bitawfik ou rabi yanjhek inch

hamza bennouioua · 2013-07-31, 10:44

شكرا ليك اخي مام انت ربي يوفقك انشاء الله
مي انا راني نهدر على المعاملة بالمثل فقط
الوزرة طلبت شهادة اقامة نتاع المسيلة وعلاه طلبو بطاقة اقامة
يعني لازم علينا وليدات المسيلة نديرو حل

mwtn · 2013-07-31, 14:02

راك تقول لي نجحو كامل من ولاية تبسة
وقتاش العام لي فات ؟
العام لي فات كانت كاينة مسابقة
ولا افيشاوها في تبسة وعقبو فمسيلة وخدموهم
ياخويا اوزن كلامك وارتب واحكي واضح