يغضبون ولا يصرحون

[مشكلتي]

المشكل في اهل زوجي انهم احيانا يصبحون زعفانين مني ومايكلمونيش بلا سبة .
رغم لي عندي مطبخ وحمام وحدي .
احيانا نشك في السبة الفلانية ونبقى نطلع ونهبط.من المفروض الواحد كي يزعف من خوه يخبرو علاه مش يجبد روحو ويخليه يتعذب

معرفتش كفاه نتصرف في هذيك اللحظة .اذا نزيد نزعف منهم ونجبد روحي ولا ندير روحي منيش عارفة ونتصرف عادي ولا نقوللهم وشبيكم
دبرو عليا

الخطرة هذي صبحو مشنفين خياتو وامو جبدت روحي حتى ولاو ليا وحدهم وضرك وقيل ولاو زعفو
مفهمتش كفاه ندير والله مفهمت
للعلم والله مآذيتهم بحاجة :

[ع.عيسى]

ممكنة كاش وحدة هدرت عليك وحرضت بيناتكم ، تصرفي بشكل طبيعي وراهم يرجعو وحدهم

[مراد سابقا10]

مادام عندك بيتك وحدك لا يهمك امرهم عامليهم بالحسنى ولا تدخلي في نوايا الناس .

[رَمَادِيَاتْ]

مادمت لم تتسببي في مشاكل..
اجبدي روحك حتى انت وصايي
وخلي تعاملك معهم في كل الاحوال محدود.. مايقولو قالت وقالت مايضر راس ما يوجع قلب

[حورية تو]

تصرفي معهم بتلقائية وفقط*
راهم يتعبو في رواحهم ومن الاحسن ان لا تتصرفي مثلهم

[Orchid flower]

تجاهلي و مادام انك متسببتيش بمشاكل لهم خلاص اللي يزعف وحدو يرضى لوحدو اجبدي نفسك فانت مطلوبمنك فقط التعامل الجيد اللبق الباقي متحوسيش تفهمي زعفو رضاو رربي يسهل على كل واحد