طلب من فلسطينيي المنتدى تعريفنا بعادات وتقاليد فلسطين

وردة الاقصى · 2011-01-19, 19:31

أرجو من اخواني الفلسطينيين بالمنتدى أن يعرفوننا بعادات وتقاليد الشعب الفلسطيني كالملابس التقليدية والاكلات الشعبية عادات الاعراس وكل ما يتعلق بالتراث الشعبي لفلسطين ........... وشكرا

صقر القدس · 2011-01-19, 20:58

أمثال فلسطينية

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إذا انت أمير و أنا أميرمين بيسوق الحمير

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه

بتقول له ثور بقول احلبوه

بدل الرز و الباذنجان إكسي حالك يا عريان

بده عرس يرقص فيه

بدي ياه و تفوه عليه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

بيلهي الحمار عن عليقه

بيمسح جوخ

بيموت الزمار و اصبعه بيلعب

تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

تلاتة مابينطاقوا : الطق والنق والبق

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

الرجال مش شكلة لتحطيه ع راسك

رجعت حليمة لعادتها القديمة

رخيِّص وكويِّس وإبن ناس

الرقاصة الغشيمه بتحجج بقشة الحصيرة

ركبناه ورانا مد ايده ع الخرج

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

( زي أباريق الجامع( كل واحد شكل

زي الفراشة بتحوم حول السراج تاتنحرق

ساعه لقلبك و ساعه لربك

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه

طلع تحت لساني شعر

الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي

عمر مديون ما انشنق

عملوك مسحر خلص رمضان

العنزه الجربا ما بتشرب إلا من راس العين

عيش يا كديش ليطلع الحشيش

العين بصيرة و اليد قصيرة

غاب القط العب يا فار

غالي و الطلب رخيص

الغنى بالغربه وطن و الفقر بالوطن غربه

فخار بيكسر بعضه

قاطع شرش الحيا

قال الله يلعن اللي بيحكي على الناس قال له يلعن اللي بيخلي الناس تحكي عليه

قال شو صبرك ع المر قال اللي أمر منه

قالوا للجمل زمر قال لا شفه مضبوطه و لا أصابع مفروقه

قالوا للجمل شو كارك قال بحيك حرير

قالوا للحرامي إحلف قال قرب الفرج

القرد بعين أمه غزال

قرد موالف و لا غزال مخالف

الكبير اللي بيتدلع متل الباب المخلع

كل ديك ع مزبلته بصيح

كل فوله مسوسه و إلها كيال و كل كديشه و إلها خيال

كله عند العرب صابون

لا تقول للمغني غني إلا ليجي كيفه

لا تنام بين القبور و لا تحلم أحلام مزعجه

لبس العود بيجود

اللي ببلاش كتّر منّه

اللي بغربل الناس ,الناس بتنخله

اللي بياخذ مالك خد روحه

اللي بياكل ع ضرسه بينفع نفسه

اللي بيخاف من القرد بطلع له

اللي بيشوف مصيبة غيره بتهون عليه مصيبته

اللي بيعرف بيعرف و اللي ما بيعرف بيقول كف عدس

اللي بيكبّر فشخته بيوقع

اللي بيلاعب القط بيصبر على خراميشه

اللي بينام فيه بيصبح فيه

اللي عنده مال محيّرُه , بيشتري حمام وبيطيره

اللي له عمر ما بتهينه شده

صقر القدس · 2011-01-19, 21:00

أمثال فلسطينية

حتى يشيب الغراب

أبرد من الثلج

آمن من حَمام الحرم

أبصر من كلب

أبلغ من قس

أثقل من كهلان (اسم جبل)

أحر من الجمر

أرق من النسيم

أضيق من سم الخياط

يد الحر ميزان

الجمل في شي والجمال في شيء

الإسكافي حافي والحايك عريان

يا جبل ما يهزك ريح

ما في شدة إلاّ وراها فرج

العاقل وديه ولا توصيه

حظ يفلق الصخر

حلاة الزيارة غارة

القرد في عين أمه غزال

الفاضي بيعمل قاضي

جوزت بنتي لارتاح من بلاها أجتني وأربعة من وراها

لو بشوف الجمل حردبته كان بيوقع وبيكسر رقبته

اللي ما بيشقى ما بيلقى

الشحادة عادة

من أمّنك لا تخونه ولو كنت خاين

مثل القرعة بتتباهى بشعر بنت أختها

مثل البوم ما بنعق إلا بالخراب

زي السمك بس يطلع من المية بموت

الدهر دولاب يوم معك ويوم عليك

رعاية البقر ولا رعاية البشر

إسأل مجرب ولا تسأل حكيم

الديك الفصيح من البيضة بصيح

الصلح سيد الأحكام

عصفور في اليد ولا عشرة على الشجرة

صنعة في اليد أمان من الفقر

وجع ساعة ولا كل ساعة

جاجة حفرت على راسها عفرت

أعطي الخبز لخبازه ولو أكل ثلاثة أرباعه

ينام اللي ما على قلبه هم

العين بتعلاش على الحاجب

العز يليق بصحابه

اللي بتزوج أمي بصير عمي

ما بحرث الأرض إلا عجولها

اللي ما عنده زرع ما عنده قلع

فكرت الباشا باشا، تاري الباشا زلمه

الفلاح يبذر حبه وبيتكل على ربه

فت الشبعان على الجوعان فت بطيء

الموت بين الناس نعاس

اللي بعاشر القط يلقى خراميشه

معك قرش، تسوى قرش

قالوا للأربنه كلي، قالت تا أسلم بلحماتي

من خلى حاله حب أكله الدجاج

جاي من البرية وتاخذ الأولية؟

البدّار عارف شو طالع من ايده

الزيتون ملّك العاجز

صاحب الصنعة مالك قلعة

الجود من الموجود

بنت العم بتصبر على الجفا

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

احترم كبيرك بيحترمك صغيرك

الخط الأعوج من الثور الأبرق

صقر القدس · 2011-01-19, 21:02

وصلتني هاي الرسالة من فترة علي الاميل وحبيت اشاركم بيها، إن شاء الله بتعجبكم...

عادات فلسطينية

إذا صار عندنا عرس .... بنزمر
إذا نجحلنا حدا بالتوجيهي .......مر
قبل ما تفتح الإشارة الضوئية ... بنز
بعد ما تفتح الإشارة .....ن بنزمر

على الدوار وعلى الكوربة على النزلة على الطلعة .... كمان بنزمر

إذا طول علينا الشرطي وهو موقفنا ....مشان كره بنزمر

أما إذا حد كسر علينا بالغلط أو بالقصد ..... أكيد مر

أما اللي بتوقف سيارته قدامنا عطلانه ....... مشكلتنا بنزمر

إذا طالعين من شارع فرعي لرئيسي بالليل أو بالنهار بنزمر

ويا عيني على سيارة الغاز ..... فاضي ملان بنزمر

وإذا عجبتنا بنت ماشية بالشارع اوووووووووووووووه بنزمررررررر :36_:

وإذا شفنا أبو فلان بالشارع وحبينا نقله مرحبا ....بنزمر

ولو قرر واحد منا يخفف عشان يمرر أحد المشاه .... كل اللي وراه بيزمر

ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي ......بنطلع كلنا وبنزمر

وطبعا" اذا فاز المنتخب بنطلع .........مر .

لا أظن إنها ظاهرة اليس كذلك ؟

لكن المفارقة هو انه اذا ارتفعت الأسعار كالوقود وإذا ارتفعت الضرائب
وإذا زادت رواتب الكبار وبقيت على حالها رواتب الصغار
وإذا زاد معدل البطالة مع وفود عماله .. اذا حصل كل هادا أو اكثر

العجيب انه فجأة ما بطلعلنا صوت ولا .............. بنزمر

صقر القدس · 2011-01-19, 21:04

لقد كانت فلسطين وما زالت كما تعلمون مطمعا للاعداء وعاش شعبها الابي بمحنة تلو الاخرى
وإذا كانت المحنة التي مَرَّ بها شعب فلسطين منذ بدايات هذا القرن وحتى يومنا هذا قد أثرت تأثيرًا واضحًا في ثقافته وفي أغانيه كجزء من هذه الثقافة، إلا أن هذا لم يمنع الشعب الفلسطيني من أن يكون له شيئا نت عادات وتقاليد اسلامية متمسكة بالدين الاسلامي ومحتشمة بكل ما في الكلمة من معني وان يصرِّح بأغنيات تعبر عن أحواله المختلفة في الأفراح والأعياد وحتى أثناء العمل والتجارة.
ومٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍِِِِِِِِِِِِـــــــــ ـــــــــــــــــــــن هذه الاغاني|.........
نماذج للعتابا:

وعد بلفور هالْمشؤوم جاير

على الرهبان والإسلام جاير

ملوك الغرب ما فيهم حساب

تناسى العدل وأضحى الظلم جاير
..........................................
ولا عيشة الاستعباد ما أحلى الموت والجهاد

نموت وتحيا فلسطين جاوبه رجاله الأمجاد
......................................
على روح شهدا الأوطان اقروا الفاتحة يا إخوان

كل واحد منا عز الدين* وسجل عندك يا زمان

.................................................. ................
أغاني الدَّبْكة

وينافس هذا اللون من الغناء الأنواع السابقة من حيث شعبيته وشيوعه على أَلْسنة الناس وخاصة (الدلعونا).

والدلعونا عبارة عن لفظة صارت تدل على هذا اللون من الغناء، وربما اشتقت الكلمة من الدلع الذي يلازمها ترافقها الدبكة، ولعل سهولتها وقلة مقاطعها وارتباطها بالأعراس ومناسبات الفرح جعلت الجمهور يتقنها ويؤديها بمهارة.
.......................
أغاني الميجانا:

وهي الشكل الثاني من أشكال الموال وهو لازمة (للعتابا) ويعني في اجتماع أو سهرة كإجراء يهدف إلى تشجيع مغنٍّ خجول ومساعدته في التغلب على خجله فيندفع بعد ذلك للعتابا،

وينتشر هذا اللون من الأغاني الشعبية في الريف انتشارًا واسعًا، بحيث نجد أن الرجال والفتيان يحسنون تأدية هذا اللون، وقد يتنافس اثنان أو أكثر في الهجاء أو المحاورة،

ويكون دور الجمهور في التصفيق وإظهار الاستحسان للجيد منهما، ويتألف الميجانا من بيت شعر واحد، شطره الأول "يا ميجانا" مكررة ثلاث مرات، بينما يكون شطره الثاني من أية كلمات بشرط أن تتفق مع الشطر الأول في الوزن والقافية.

الله معاهم وين ماراحوا حبايبنا يا ميجانا يا ميجانا يا ميجانا
ويكثر في حروف الميجانا التسكين،

بينما يكثر في حروف العتابا، المد والتموج وما عدا ذلك، فالميجانا كالعتابا له قواعد خاصة من حيث التزام فنِّ الجناس، كما نرى في

هذا الموال من الميجانا:

قلبي من الأعماق والله حبك يا شجرة الزيتون ما أحلا حَبِّك
لاحظي لجبالك يا شجرة بلادنا مدي غصوني على جسمي وحَبِّك
......................
أغاني الموَّال.....

: وهو لون من ألوان الغناء الشعبي واسع الانتشار في فلسطين وفي بلاد الشام وينتشر في الأرياف، حيث يتغنى به الرعاة والحرَّاثون والحصَّادون.

وينقسم الموال من حيث أشكاله إلى قسمين:

أ- العتابا: كلمة مشتقة من العتاب الذي يكثر في هذا النوع من الغناء، ويشكل بيت العتابا وحدة معنوية كاملة، ويعتمد على فن بديعي جميل هو الجناس، وهو أخف لغة وتراكيب من الميجانا، ويقال:

إنه نشأ زمن العباسيين حيث أطلق على بعض الأشعار التي غنتها جارية البرامكة عندما نكل بهم هارون الرشيد، بينما يُرْجِع البعض هذا الاسم إلى أن العتاب كان في يوم ما أبرز موضوعات هذه الأغنية. ويتركب بيت العتابا من بيتين أو من أربعة أشطر على أن تكون أعاريض، الأشطر الأول والثاني والثالث قائمة على جناس واحد

وتلاعب لفظي، ولعل هذا الأمر من أهم القواعد التي يسير عليها هذا اللون من الغناء، بينما يلتزم الشطر الرابع قافية أخرى مغايرة، ويمهد الموال العتابا بكلمة (أوف)، ويتفنن المغني في تمديد وتمويج صوته حسب قدراته الفنية.

صقر القدس · 2011-01-19, 21:07

وأخيرا أختم موضوعي المختصر جدا وجدابهذه الكلمات الفلسطينية الرائعة..........
ما بدنا حكي طبول بدنا نحكي وبدنا نقول
وهذا الكلام المعقول بدنا نحرر بلدنا

والسلام عليكم ورحمة الله وبركاته

البتول سمية · 2011-01-19, 21:18

هل تعلم أنني أعشق ما يسمى فلسطين و كل من هو فلسطيني و كل من يمد لفلسطين الحبيب ب صلة و غذا سمعت كلمة فلسطين و خاصة كلمة (غزة) فإنني أتنفس الصعداء و الله نفديك بارواحنا و دمنا وكل غالي يا بلدنا الغالي
الله يخليك يا صقر القدس دمت ف رعاية الله

صقر القدس · 2011-01-19, 21:28

أمثال شعبية خاصة بأهلنا في قرى الضفة الغربية حيث يمتازون بلهجة جميلة جدا.......
بكره بنكعد عالحيطة وبنسمع الزيطة

لولاكي يا جارتي لفكعت مرارتي!

ما حد بكول عن زيته عكر

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي!

إبنك على ما تربيه و جوزك على ما تعوديه

يا جاي بلا عزيمة يا كليل الكيمة

ضحكة عنزة ع باب مسلخ

ضربني وبكى وسبقني واشتكى

إذا كولنالها اطبخي بتكول مريضه

بس اذا كولنالها تعي كلي بتكول وين معلكتي العريضة ؟

البتول سمية · 2011-01-19, 21:39

و الله أمثال هايلة (بتدري أخوي صقر أنا عرفت واحد غزاوي طول عمرو يعلمني مثل واحد ما بدري من وين جابو "طنش...عش....تنتعش" و الباقي ما رضي يعلمني شي بس مسامحتو والله لأنو كان بدو يعيش حياوت متل ما بدو و مش مستعد يعلم عاداتهم و تقاليدهم لأي حد(
ربي يحفظك أخوي

وردة الاقصى · 2011-01-19, 23:59

اقتباس:

المشاركة الأصلية كتبت بواسطة صقر القدس

أمثال فلسطينية

بارك الله فيك اخي والله امثال رائعة ونحن ايضا عندنا امثال تشبهها وهذه بعض منها :

أكل الهدية وكسر الزبدية

[/quote]

كلا الملة وسب الغلة

[/quote]

آخر الزمر طوط

[/quote]

اذا شبعت الكرش تقول للراس غني

[/quote]

بتقول له ثور بقول احلبوه

[/quote]

تقولو جمل يقولك احلب

[/quote]

بدي ياه و تفوه عليه

[/quote]

عيال ابي -زوجته-خير من امي واللي في القلب قي القلب

[/quote]

بعد ما شاب ودوه ع الكتاب

[/quote]

كي شاب علقولو حجاب

[/quote]

بيتعلم البيطرة بحمير النوَر

[/quote]

تعلم الحسانة في راس اليتامى

[/quote]

بيرقص بلا دف

[/quote]

الطرشة قالولها زغرتي

[/quote]

بيركض بيركض والعشا خبيزة

[/quote]

الزوخ والفوخ والعشا قرنينة

[/quote]

تاجرنا بالكفان بطلت الناس تموت

[/quote]

يروح للبحر يلقاه نشف

[/quote]

التكرار بيعلم الحمار

[/quote]

المعاودة للغربال

[/quote]

تلاتة مابينطاقوا : الطق والنق والبق

[/quote]

ثلاثة ما يتملكو في دار : الكلب النباح والمعزة النطاح والمرا الصياح

[/quote]

جبنا الأقرع ليونسنا كشف طقيته و خوفنا.

[/quote]

جبت القط يونس فيا عاد يبرق في عينيه

[/quote]

حاميها حراميها

[/quote]

حارس على الامانة خادعها

[/quote]

حايص متل جاجة بدها تبيض

[/quote]

الدجاجة تبيض والفروج تحرقو البيضة

[/quote]

الدار دار أبونا و اجوا الغرب يطحونا

[/quote]

الراعي والخماس تعاركو على غنم الناس

[/quote]

ركبناه ورانا مد ايده ع الخرج

[/quote]

جاء من تالي وقال سعدي ومالي

[/quote]

رزق الهبل ع المجانين

[/quote]

العمشة في بلاد العميان ضاوية

[/quote]

شافت الخنفسه بنتها ع الحيط قالت الها: يسلملي بياضك ع سواد الحيط

[/quote]

كل خنفوس عند امه غزال

[/quote]

ضربني و بكى و سبقني و إشتكى

[/quote]

اضربني وبكى فاتني وشكا

[/quote]

طنجرة و لقت غطاها

[/quote]

سيق وسته

[/quote]

العز القرد بعين أمه غزال

[/quote]

نفس المثل : كل خنفوس....

[/quote]

قرد موالف و لا غزال مخالف

[/quote]

كلب جوال خير من صيد راقد

ابن العروب · 2011-01-20, 17:34

امثال شعبيه فلسطينية قيلت للزواج والاعراس

زينة الزين، الحاجب والعين
سمره ونغشه، ولا بيضة ودفشة
اللي بياضه ما هو من ربه ، يا رب تعب قلبه
خدها بيضة ولو انها مجنونة!
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
الطويلة طالت التينة والقصيرة ظلت حزينة
يا ماخد القرد على ماله، يروح المال ويبقى القرد على حاله
جيبوا بنات ولا تقعدوا بطالات
القسمة والنصيب والحظ
بخت الرمايم قايم وبخت الوينات نايم
اقعدي في عشك تييجي حد ينشك
لما بيقع النصيب من السما بنصاب الخطاب بالعمى
اللي بحط فلوسه ، بنت السلطان عروسه

بدك تطرد صهرك غلي مهرك
اللي بدو يصاهر ما بيقاهر
يا محلى العرس، ويا مصعب طقاطيقه
عرس المجانين في الكوانين
العروسة للعريس ، والفرجة للمتاعيس
لبس البوصة بتصير عروسة

جوز عود ولا القعود
هم البنات للممات
يا بخت من وفق راسين بالحلال
الجوز رحمة ولو كان فحمة
البنت اذا كبرت يا الجبر يا القبر
امشي في جنازة ولا تمشي في جوازة
من طين بلادك حني خدادك
ان بدك تصون العرض وتلمه جوز بنتك للي عينها منه
زوان بلدنا ولا قمح الغريب
قبل ما تناسب حاسب
كبرت القرعه ودندلت اجراسها ونسيت الف رقعه بقنبازها
كيد النسا ما حدا قده لو مال على حيطها هده

بقلم ابن العروب
20/1/2011

صقر القدس · 2011-01-20, 17:46

اقتباس:

المشاركة الأصلية كتبت بواسطة البتول سمية

و الله أمثال هايلة (بتدري أخوي صقر أنا عرفت واحد غزاوي طول عمرو يعلمني مثل واحد ما بدري من وين جابو "طنش...عش....تنتعش" و الباقي ما رضي يعلمني شي بس مسامحتو والله لأنو كان بدو يعيش حياوت متل ما بدو و مش مستعد يعلم عاداتهم و تقاليدهم لأي حد(

معلش أختي سمية لا تأخذي هذا المغفل على محمل الجد في كل بيئة نجد بعضا من حثالة القوم..أثناء وجودي بالجزائر الشقيق قابلت جزائريين وجزائريات يشكون من بعض الفلسطينيين ومعاملاتهم سؤاء طلبة أو غيرهم لكن ذلك بدون تعميم لان كل اناء بما فيه ينضح حيث كنا هناك في بلدنا الثاني وكلكم أخواني وكلكن اخواتي ....... بالنسبة للمثل اللي قالو الك يقصد به بشكل عام رغم أنه بلغة عامية هابطة هو ترك الجمل بما حمل
وليس له علاقة بما يدور حوله..والله أعلم....

ابن العروب · 2011-01-20, 18:00

نص انصيص - من روائع الحكايات الشعبية الفلسطينية

نص انصيص
في هالثلاث سلفات كل واحدة لها ولد والثالثة محبلتش(1)، مرة مرق بياع يبيع تفاع للحبل اشترت اللي بتحبلش حبة تفاح وحطتها على الشباك! أجا جوزها أكل نصها ودشر نصها أجت المرة أكلت نصها وقامت حبلت وجابت نص ولد إله عين وايد واجر (يعني نص) سموه (نص انصيص) لما كبر صار هو وأولادة عمه يروحوا على الصيد، أولاد عمه أبوتهم أغنياء وكل واحد كان يروح على فرس وهو عشان أبوه فقير كان يروح على غنمه، وبعدين هم يصيدوا بالبارود وميعرفوش يصيدوا أما هو في المقليعة(2) ويصيد اي شيء بده اياه.. غزال بقره.. الي هو. بعد ما يصيد كانوا يجوا أولاد عمه يقتلوه ويوخذوا الصيد منه ويعطوه لامهم (لأمهاتهم) فهذول يطبخوا الصيد ويوكلوه ويكبوا العظام باب دار نص انصيص: نص انصيص يقول لأهله أن أولاد عمه بقتلوه وبوخذوا الصيد ولكن محدش يصدقه.

يوم من الأيام أبوه قال بدي أسرح وأربط ورا زيتونه وأشوف مين اللي بصيد ومين اللي بوخذ الصيد. لما أبوه راح ربط لهم لقي نص انصيص بصيد وأولاد عمه بقتلوه، لما هاظوا عليه وأخذ أبوه الصيد وقتلهم (ضربهم) وبعدين هو وأبوه أخذوا الصيد وطبخوه وكبوا العظام باب دار اعمامه. ثاني يوم أولاد عمه قالوا لبعظ بدنا نروح على بلاد بعيده نصيد ونوخذ نص انصيص معنا لأنه أهله هين صاروا يعرفوا مين بصيد ومين بوخذ. راحوا على بلد بعيده لقيتهم واحده غوليه بتحاوي(3) في هالديك.

وقالت أهلا وسهلا انتوا أولاد أخوي وبدي أعمل لكم مفتول(4) على هذا الديك.

ذبحته وطبخته على مفتول وتعشوا الثلاثة، وبعدين فرشت لهم يناموا. قال نص انصيص أنا بنمش على فرشه أنا بنام على قرطل(5) ومعاي عرام فول. عملت له هيك. صحيت الغوليه نص الليل وقالت (امظين يا اسناناتي امظين تني أوكل نص انصيص وأولاد عمه الاثنين) ساعتها نص انصيص قرط حبة فول قالت له الغوليه (مالك؟) قال (جعان وقلبي خالي من الطعام) راحت جابت له جوز زغاليل وطبخت له اياهن، ساعتها صارت الدنيا الصبح. ثاني ليله أجت ذبحت لهم خروف وطبخت لهم اياه واطعمتهم وقالت لنص انصيص وين بدك تنام قال في القرطل ومعاي عرام فول. ونام في القرطل نص الليل صحيت الغولية وقالت (امظين يا اسناناتي...) نص انصيص قرط حبة فول. قالت له مالك قال (كيف أنام وقلبي خالي من الطعام؟) راحت جابت له جاجة وذبحتها وطبختها، ما خلصت إلا الشمس طالعة الصبح راحت الغوليه تسرح، قام نص انصيص قال لأولاد عمه، يا خريبين البيت هذي غوليه. يلا نشرد

قالوا هذي عمتنا والله لما تيجي لنقول لها.

إجا نص انصيص ركب على الغنمة وهرب وهم بعدين غاروا منه وهربوا على خيلهم. لما رجعت لقيتهم طالعين، عظت إيدها من الندم وقالت اخ هم اللي يفلتوا مني من غير ما أوكلهم؟

طلعت على ظهر المغارة وقالت (ريت يا نص انصيص النخاله اللي أكلتها غنمتك تقعد في اجريها والحقك وأوكلك. وريت يا حسن وحسين الشعير اللي أكلنه الخيل بعقل في اجريهن والحقكم وأوكلكم) عقل الشعير في أجريهن وبطلن يمشين صار يقول نص انصيص اركبوا يا أولاد عمي وراي وطيري يا نخاله وصلوا الدار. بعدين نص انصيص قال لهم شو رأيكم أروح أجيب فراش الغوليه؟ قالوا له: بتقدرش، بتوكلك الغوليه.

مردش(6). راح اتنسنس(7) على بلدها ولقي فراشها منشور في الشمس إجا غزغز الفراش إبر وهي كانت سارحه تصيد في الليل لما نامت صارت تقول يما البراغيث ورمت الفراش في الواد. راح جابهن وأعطاهن لأهله. بعدين قال لهم شو رأيكم أروح أجيب جاجاتها. قالوا له: مش معقول. راح نص الليل على خم الغوليه، صار الديك يقول: (كوكو كوكو نص انصيص في الخم) فقالت الغوليه (انخم، نص انصيص في بلاده) إجا نص انصيص خنق الديك ورما لها اياه وأخذ الجاجات وعباهن في كيس (وهي كانت في مغارتها(8)) وبعدين روح.

ثالث يوم قال بدي أروح أجيب الغوليه بحالها. قالوا له المر بتوكلك.

راح عمل حاله بياع حلاوة وجاب سحارة حلاوة وحطها على حماره وراح يبيع في اذيال بلدها طلعت الغوليه تشتري بذهبه(9) قال لها (يا خالتي كيف بدي أبيعك بذهبه هذي كثيره، اطلعي كلي تتشبعي) عبرت في السحارة وقالت: بخاف، عينك عين نص انصيص قال لها: (نص انصيص في بلاده وأنا عمري ما سمعت فيه) عبرت ظلت توكل وطبق عليها الصندوق (السحاره) وقال لها: طقي موتي أنا نص انصيص. قالت: افتح لي وبعطيك اللي تحت إجر الخابيه. بتعني الذهب. قال لها: طقي والكل الي(10) قالت: بعطيك الذهب اللي في الأرض الفلانية.. قال لها: طقي والكل الي.

بعدين أخذها على أعمامه وأهله وقال لهم اغلوا ميه ودار عليها وماتت. وبعدين أخذ أهل بلده على بلد الغوليه وأخذوا الخرفان والدور وكل إشي في قرية الغوليه بعد ما كان محدا(11) بقدر يخشها(12).

هوامش الحكاية :

1- لم تحمل

2- أداة لقذف الحجارة

3- تطارد

4- أكلة شعبية تتألف من البرغل الممزوج بالطحين والمطبوخ عادة مع مرق لحم الطيور.

5- سل من أغصان الزيتون الدقيقة

6- لم يصغ لقولهم

7- سل نفسه

8- قن الدجاج

9- بليرة من الذهب

10- موتي وكل شيء لي

11- لا أحد

12- يدخل

مع تحيات ابن العروب
20/1/2011

أحبائي الكرام وخاصة صاحبة الموضوع
حاولت أنقل لكم صور عن التراث والزي الفلسطيني الفلوكلوري فلم أستطيع
يبدوا أن المنتدى لا يقبل صور ، أو اني لم أعرف طريقة نقل الصور

البتول سمية · 2011-01-20, 20:45

شكرا على الردود الفعالة أخ صقر و ابن العروب و كل أحبائنا الفلسطينييين

وردة الاقصى · 2011-01-21, 22:42

اقتباس:

المشاركة الأصلية كتبت بواسطة ابن العروب

امثال شعبيه فلسطينية قيلت للزواج والاعراس

زينة الزين، الحاجب والعين
سمره ونغشه، ولا بيضة ودفشة
اللي بياضه ما هو من ربه ، يا رب تعب قلبه
خدها بيضة ولو انها مجنونة!
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
الطويلة طالت التينة والقصيرة ظلت حزينة
يا ماخد القرد على ماله، يروح المال ويبقى القرد على حاله
جيبوا بنات ولا تقعدوا بطالات
القسمة والنصيب والحظ
بخت الرمايم قايم وبخت الوينات نايم
اقعدي في عشك تييجي حد ينشك
لما بيقع النصيب من السما بنصاب الخطاب بالعمى
اللي بحط فلوسه ، بنت السلطان عروسه

بدك تطرد صهرك غلي مهرك
اللي بدو يصاهر ما بيقاهر
يا محلى العرس، ويا مصعب طقاطيقه
عرس المجانين في الكوانين
العروسة للعريس ، والفرجة للمتاعيس
لبس البوصة بتصير عروسة

جوز عود ولا القعود
هم البنات للممات
يا بخت من وفق راسين بالحلال
الجوز رحمة ولو كان فحمة
البنت اذا كبرت يا الجبر يا القبر
امشي في جنازة ولا تمشي في جوازة
من طين بلادك حني خدادك
ان بدك تصون العرض وتلمه جوز بنتك للي عينها منه
زوان بلدنا ولا قمح الغريب
قبل ما تناسب حاسب
كبرت القرعه ودندلت اجراسها ونسيت الف رقعه بقنبازها
كيد النسا ما حدا قده لو مال على حيطها هده

بقلم ابن العروب
20/1/2011

بارك الله فيك وجزاك الجنة