لما يكون الزوج خدام في الصحراء

[teacher40]

انا زوجي خدام شهر بشهر و متهنية الحمد لله خاطر كي يروح نقعد في دار بابا
بصح ما زال ربي ما نابش علينا بالذرية هاداك برك مداير شوي توتر بحياتنا
تعيشوا ادعيولي ربي يرزقني و يرزق كل محروم

[oum imane83]

انا ما نقدرش نعيش بعيدة على زوجي ..وين يكون لازم نكون معاه يا لوكان في المريخ ... نفضل نعيش حياة بسيطة وبمدخول بسيط افضل بكثير اانا نتباعدو هو في واد وانا في واد .. الاصل في الزواج هو وجود الزوجين معا .. على كل حال كل واحد وظروفه ..لكن من الافضل المسارعة لايجاد حل يجمع الزوجين معا ..

[هالة اسماء]

الحمدلله زوجي يعمل في الصحراء بالتحديد في منطقة رقان رانا عايشين عادي منذ زواجي جيت ليها 01ماي 2011 الى يومنا هاذا لدينا عطلة خمسون يوما نروحو للتل و الايام تمشي لدينا بنتين والحمد لله و هناك العديد غيرنا عايشين فيها طبيعي
ممكن الامر يخص الخدمة العسكرية هم الذين يخرجون عن الاماكن الاهلة بالسكان او بعيدين عنها اعرف شخص من العائلة قضا بضع سنين يروح ويجي لدارهم في الاخير سهلو ربي و كمل و الان راه استاذ في مدرسة اشبال الامة بالعاصمة و رجع يعيش مع عائلته الصغيرة

[hajer.joujou]

السلام عليكم
اولا يا اختي شوفي اذا انتي مع او ضد انو المراة تتزوج بشخص و تعيش هي في جهة و هو في جهة .......هذا قرار يرجع ليك.....انا ارى انو هذه هي المشكلة الوحيدة
كاين بنات تبانلهم انو هذي حاجة عادية و كاين اللي يرفضو الفكرة هذي تماما
بالنسبة ليك ادرسي المشكلة من جميع النواحي و اتركي المادة و الدراهم جااااااااااااااااانبا................يعني شوفي اذا كان العيش بهذي الطريقة رح يحققلك الاستقرار ليك و للاولاد اللي يجيو فالمستقبل ........ هل رح تكوني مرتاحة او لا ..............هل في هذاك الشهر اللي يروح هو فيه ستبقين وحدك في بيتك الخاص ام مع اهله ام عند اهلك و هل ستستطيعين تحمل وضع من هذه الاوضاع..............و غيرها من الامور اللي لازم تخمميلها ملييييييييييح قبل ما تديري اي خطوة للامام باش فالاخير ما تندميش حتى على حاجة
و اذكرك القرار النهائي يرجع ليك
و الله المستعان ...................موفقة باذن الله

[attia dalila]

أظن انه أكبر خطأتقترفه المرأة في حق نفسها قد تغركن المادة وحرية التصرف والتنقل المسؤولية لكن ستضعن انوثتكن في المقصلة وسيعتاد الرجل على التواكل واللامبالاة وعدم تقدير جهادكن في الحياة وماذا بيه لما يعود للبيت في عطلته يجد كل شيء في نصابه ما تكثيريش عليه الطلبات ةحتى القلب نتاعو يجفى حتى على اولادو لانه لم يتابع نموهم والرعايتهم درجة بدرجة كيما نقولو ولما تتعبي....................................لن تجدي بديلا ليريحك لانك رضيت لنفسك كل هذا منذ بدايته ولم تنعمي بحياة الانوثة التي خلقت لاجلها؟؟؟؟؟؟؟؟؟؟؟؟؟؟؟؟؟؟؟؟؟

[attia dalila]

حاولي الالتحاقبه في مكان عمله اكري او اشري ولو غرفة ومطبخ خير من الندم حيث لا ينفع.................

[سيهام]

عادي جدا هذا النوع من الزواج و موجود من بكري
كاين لي راجلها في الصحراء و كاين لي عسكري .....................
و لكن لا زم يكون فيه نوع من الصبر و الرضى على هذه الحالة
ادا كان رجل يستاهل و وليد حلال
اكيد ما فيه حتى مشكل

[سيهام]

المشاركة الأصلية كتبت بواسطة منارة الوفاء

السلام عليكم

صراحة موضوعك جاء في وقته أنا شخصيا راني نعاني من هاد الزواج عندي عام ونصف زواج وعندي شهر ونصف ملي رزقني ربي بطفلة وراجلي يريح من 40 يوم حتى للشهرين باش يجي يريح 10 ايام حتى 20 يوم مكان حتى حالة كلش طايح على راسي كرهت المسؤولية راهي مسؤولية مزدوجة ......الزواج و غياب الزوج ......وفي هاد الحالة واعرة بزاف كنت وحدي شوية نسلك راسي نحمل نصبر بصح ذرك مع الطفلة محملتش رحت نولد برك النسا قاع معاهم رجالهم غير انا معا الوالدة انتاعي محسيتش روحي قاع بلي تزوجت ذرك بنتي راهي مريضة راني نجري بيها من طبيب لطبيب وحدي واش من حالة وفي بعض الحالات يصعب اعليا حتى اتخاذ القرارات

حقيقة حياتي الزوجية بدأ يتخللها الجفاء و الروتين الممل على الرغم من أنو معنديش بزاف زواج لخاطرش الزوج يسقسي فالتيليفون واش كاين اواش مكانش مع العلم ان كل القرارات تقع على عاتقي حتى وكي تتلفلي يخسر اعليا غير كلمة ....افريها وخلاص ......يعني ولا يتكل عليا فالكبيرة و الصغيرة وميقدرش واش راني نعاني ولا نحس حتى ويبعثلي الملاين الصح ماشي فالدراهم أنا نعرف بلي الزواج هو التعاون على بناء أسرة في أجواء تخلق الدفء العائلي ماشي العرس في قندهار و الشطيح في مزغنة

المهم أنا كي نخطبت كان يخدم قريب حتى تزوجت بوحد الشهر باش هبط للصحراء بصح لوكان الزمان يولي أكيد مراحش نقبل بزواج كيما هذا


تحياتي للجميع

اختي حبيبتي
ما تزعفيش مني مي حبيت نقولك حاجة
انت للاسف راكي تشوفي غير في الجوانب السلبية لي في حياتك
الى درجة انك قلتي لو كان يرجع بي الزمان ما نقبلش بهذا الزواج
يا اختي
احمدي ربي بزاف
راكي في نعم و الله ما راكي حاسة بيها و بالك بزاف لي راهم حاسدينك عليها
زوجك دنبو الوحيد انو يخدم على جالكم بعيد
الحمد لله ما راهوش حرايمي و ماشي داير فيك المنكر ماشي نتلع نساء و ماشي نتاع خمر وووووووو و اشياء كثيرة اخرى تعاني منها الكثثثيييررراااتتت
زيدي ربي كرمك بالدرية الحمد لله
كاين لي راهي عايشة مع راجلها جنب الى جنب طوال سنين و سنين و ما كانش ذرية
و لكي ان تتخيلي نوع حياتهم كيفاش و بلاك راهي قابلة بيه و هو عاقر او العكس
و ما لحقش بيها الحال باش تقول لو كان عرفتو عاقر ما نقبلش........................
اختي ربي يحفظلك زوجك و يرجعهولك بخير ان شاء الله و يشافيلك بنتك و يكبرهالك و تكون قرة عينك
ما تزعفيش علي حبيت ندردش معاك هذا مكان
باااااااااااااااااي

[jiji17]

المشاركة الأصلية كتبت بواسطة mca83

السلام عليكم ورحمة الله وبركاته


نعم اخواني هذا هو الموضوع اللي حبيت نطرحه أمامكم

والذي يمس فئة من الموظفين في الصحراء (يعني شهر في دارهم وشهر في الخدمة)

أحب أن استطلع آراء اخواني خصوصا الأخوات في هذا النمط من العيش ؟ ورؤيتها لهاته الفئة ؟

وهل تقبل بزوج شهر معاها وشهر متغرب في خدمتو ؟ لأنه كاين اللي ترفضها مهما كان الخاطب ؟

لأنو زواج هاته الفئة راح تكون المسؤولية أكبر على عاتق الزوجة بحكم غياب زوجها خصوصا في جانب تربية الأولاد

لكن هناك حالات ناجحة اذا تم التخطيط لنمط الحياة جيد منذ البداية

أتمنى اثراء الموضوع لافادتنا خصوصا من يعرف حالات معاشة وواقعية

أنا شخصيا كنت نتقبل الامر عادي كي نفكر فيه بصح وحدة المرة قريت في الجرنان قصة كما هاك معناها الراجل يخدم بعيد على أمرتوا تخيلوا صرات بيناتهم الخيانة ولي تقيضك المرأة هي لخانتوا
بحجة بعيد عليها وهو لفاقلها وحكاها في الجرنان
معناها صعيبة الحياة كما هاك الا ما رحم ربك

[جزائري 90]

المشاركة الأصلية كتبت بواسطة attia dalila

أظن انه أكبر خطأتقترفه المرأة في حق نفسها قد تغركن المادة وحرية التصرف والتنقل المسؤولية لكن ستضعن انوثتكن في المقصلة وسيعتاد الرجل على التواكل واللامبالاة وعدم تقدير جهادكن في الحياة وماذا بيه لما يعود للبيت في عطلته يجد كل شيء في نصابه ما تكثيريش عليه الطلبات ةحتى القلب نتاعو يجفى حتى على اولادو لانه لم يتابع نموهم والرعايتهم درجة بدرجة كيما نقولو ولما تتعبي....................................لن تجدي بديلا ليريحك لانك رضيت لنفسك كل هذا منذ بدايته ولم تنعمي بحياة الانوثة التي خلقت لاجلها؟؟؟؟؟؟؟؟؟؟؟؟؟؟؟؟؟؟؟؟؟

باين فيك تحكي دون علم و تجربة
قلبه بجفى؟ بالعكس رايت من يبكون بعد انهاء المكالمة مع ابنائهم
و نتي تصوري انو الرجل مرتاح هناك؟. انتي على اقل فبيتك مع ولادك هو لي ره متغرب ...و على جالهم مش لروحه
و تلقاه يقول بناقص من هذه الخبززة لي تبعدك على مرتك و ولادك و تلقى حتى من يمرضو بالاكتئاب بالعكس تلقاه كي يروح كونجي يحب يفشش ولاده و مرته و يعوضهم و يعوض نفسه و يشبعهم
لكن لو يتخلى عن عمله لن يكون سهلا على زوجتخه و ابنائه التخلي عن المستوى المعيشي الذي اعتادوه جراء راتبه فالصحراء

لا يمكن ان تحصل على كل شيء فهذع الحياة

[جزائري 90]

المشاركة الأصلية كتبت بواسطة منارة الوفاء

السلام عليكم

صراحة موضوعك جاء في وقته أنا شخصيا راني نعاني من هاد الزواج عندي عام ونصف زواج وعندي شهر ونصف ملي رزقني ربي بطفلة وراجلي يريح من 40 يوم حتى للشهرين باش يجي يريح 10 ايام حتى 20 يوم مكان حتى حالة كلش طايح على راسي كرهت المسؤولية راهي مسؤولية مزدوجة ......الزواج و غياب الزوج ......وفي هاد الحالة واعرة بزاف كنت وحدي شوية نسلك راسي نحمل نصبر بصح ذرك مع الطفلة محملتش رحت نولد برك النسا قاع معاهم رجالهم غير انا معا الوالدة انتاعي محسيتش روحي قاع بلي تزوجت ذرك بنتي راهي مريضة راني نجري بيها من طبيب لطبيب وحدي واش من حالة وفي بعض الحالات يصعب اعليا حتى اتخاذ القرارات

حقيقة حياتي الزوجية بدأ يتخللها الجفاء و الروتين الممل على الرغم من أنو معنديش بزاف زواج لخاطرش الزوج يسقسي فالتيليفون واش كاين اواش مكانش مع العلم ان كل القرارات تقع على عاتقي حتى وكي تتلفلي يخسر اعليا غير كلمة ....افريها وخلاص ......يعني ولا يتكل عليا فالكبيرة و الصغيرة وميقدرش واش راني نعاني ولا نحس حتى ويبعثلي الملاين الصح ماشي فالدراهم أنا نعرف بلي الزواج هو التعاون على بناء أسرة في أجواء تخلق الدفء العائلي ماشي العرس في قندهار و الشطيح في مزغنة

المهم أنا كي نخطبت كان يخدم قريب حتى تزوجت بوحد الشهر باش هبط للصحراء بصح لوكان الزمان يولي أكيد مراحش نقبل بزواج كيما هذا


تحياتي للجميع

على اساس هو مش يعاني راكي تحكسي على نفسك فقط كانو هو راه يحوس و عاجبه البعد
فعلا متقدروش تعرفو شعور الرجل لي يخدم فالصحرا لانو مجربتو ما شفتو حالهم تحسو غير بحالكم فالبيت!!
كانه يفعل هذا لاجل نفسه و فنهاية المطاف زوجته تقول ندمت لي تزوجت بيهو يصبح مجرد حساب مصرفي بالنسبة لهم ...واقع مؤلم
الله يكون فالعون

شوفي اذا ممكن تكرو وين يخدم و روحي معه ااذا اردتي

[جزائري 90]

المشاركة الأصلية كتبت بواسطة jiji17

أنا شخصيا كنت نتقبل الامر عادي كي نفكر فيه بصح وحدة المرة قريت في الجرنان قصة كما هاك معناها الراجل يخدم بعيد على أمرتوا تخيلوا صرات بيناتهم الخيانة ولي تقيضك المرأة هي لخانتوا
بحجة بعيد عليها وهو لفاقلها وحكاها في الجرنان
معناها صعيبة الحياة كما هاك الا ما رحم ربك

لي تخون زوجها يخدم فصحرا ولا فداره لانها قليلة اصل و متخافش ربي و لا مبرر لجرمها
اذا ولات هك مالا لي متزوجتش او الارملة و المطلقة يزنو؟! هذا امر سببه ضعف الايمان و انعدام الشرف فقط
لي بنت اصل بنت اصل

[سيهام]

المشاركة الأصلية كتبت بواسطة منارة الوفاء

على الرحب و السعة حبيبتي مارانيش حنخالفك في كلامك لانو حق وصواب لكن ياختي أنا عطيت رايي بكل صراحة لخطرش ميحس بالجمرة غير الي كواتوحقيقة مكانش حاجة كاملة لان الكمال لله سبحانه بصح المراء لازملها راجل في كتافها باش كان الحال

نعطيك مثال انا ذرك راني لابسة وموجدة روحي باش نروح للعاصمة ندي بنتي نفوتلها غدوة ان شاء الله عند وحد البروفيسور بعثوني ليه لازم على 4 صباحا نكون فالعيادة سمانة كاملة وأنا نحلل شكون يديني بحكم الوقت مايساعدش باش تروحي في كلونديستان وزيدالأغلبية الي قصدتهم رفضوا وتتحججولي ببزاف صوالح غير خالي حشم حيهبطني نبات عند نسابو باش نفوت للطفلة لخطرش حتى واحد متقبل فكرة يديني على 3 صباحا اليوم اداني خالي المرة الجاية شكون؟؟؟؟؟؟؟
ياختي لازم الراجل يكون حاضر أنا ولية وبنتي صغيرة بزاف وين نروح بيها
هذا رايي في هاذا الزواج مكان مكان
تحياتي للجميع

سلام اختي
صح راني معاك ماشي ساهل المراة تعيش بالا راجل رايحة تكون هي الام و الاب في نفس الوقت
و لكن الراجل كي يكون خدام بعيد ماشي معنتها مايقدرش يحرك ساكن
يعني مثلا في هده الحالة مثلا يمكن انو يجري اتصالات مع اهلو و يحلك هدا المشكل و هو بعيد ما تولفيهش دايما انتي لي تلقاي الحل
خليه يعيش مشاكلك و يعاون فيها قيس مقدورو
و انتي ارضاي بمحاولاتو
وديري مليح في بالك اختي لوكان نتي راكي بعيدة و هو راهو في بالصتك راح يتصرف كيما انتي
يعني رايح يقوم باعمالك و انتي غايبة
هدي هي الدنيا انشاء الله يجوزو هدو الايام الصعيبة و يجو يامات ملاح و يبقاو غير دكريات تتفكريهم و تضحكي
و فوق هدا كلو ما تنساي بلي عند ربي سبحانو اجرك راهو مضاعف على المراة لي راجلها قدامها
لانو انتي راكي تبذلي في مجهود مضاعف
ربي ياجرك و يباركلك في دريتك انشاء الله

[جزائري 90]

روحو انتم اخدمو و رجالكم يتحجبو فالبيت!!
مجربتوش تكونو فالضفة الاخرى ..و كانه يجد متعة فذلك! و مرتاح و لا يتعب و فقط زوجته تتعب
هو كون مش عليهم ميتغربش ماهوش كاره من عمرره حتى يجيبه فالصحرا
يعني الظغط و تعب و الغربة يعيشوها و لو يزيدو يسمعو زوجاتهم يتكلموا بهذا الشكل وحدة تقول ندمت و وحدة تحسسك رافدة السماء وحدها و كانه هو متخلي عن واجباته و لم يذهب هناك ليشقى و يكسب قوتهم!!
يحبس الخدمة و يريح فدار معكم !!!
و لا اقصد شخصا معينا بكلامي.
الله المستعان و الله يكون فالعون

[رندة نهاد]

بابا كان يخدم بعيد ويبقى تاني بالشهر والحمد لله امي استطاعت تربيتنا احسن تربية وتحكمت في الوضع في غياب ابي ونحن اليوم في اعلى المراتب الصح في الام ادا عرفت تربي ولا دها ادا هي متربية مليح موش رح يكون اشكال باه تربي ولا دها رجع ابي يخدم قريب منا الان والحمد لله
فترة وتجوز ربي يعين الجميع