للنقاش : جماعة التقني الرياضي التي تريد الاختصاصات الطبية

[farid1945]

ربما هنالك فروق بين الثانويات ...في بلديتنا التوجيه الاجباري موجود حقا نحو شعبة التقني رياضي ... والسبب وراء هذا هو ان لا احد يختارها خصوصا أصحاب المعدلات المرتفعة أغلبهم يختار علوم تجريبية وبعضهم يختار شعبة رياضيات .... فبالتالي تلجأ الادارة للتوجيه الاجباري لأصحاب المعدلات المنخفضة نحو الشعبة ... أنا شخصيا في مؤسستنا الطالب الوحيد اللذي اختار شعبة هندسة كهربائية بارادته .... أما شعبة هندسة الطرائق فقد اختارها الكثيرون وذلك بسبب أستاذ هذه المادة هو أستاذ شاب يحسن التواصل مع التلاميذ وقام بتوعيتهم حول التخصصات ... يعني الأمر في رأيي هو مسألة جهل بالتخصصات فالتلميذ في السنة الأولى ثانوي لا يعلم شيءا حول التخصصات وبالتالي لا يستطيع اختيار الشعبة المناسبة له بكامل وعيه ...

[asma28hd]

ايه كاين لي وجهوه تقني وهو مهوش حاب وكين لي وجهوه علوم وهو حب تقني
وكل هذ راجع لمستشار التوجيه
مثلا انا بن عمتي كان حاب تقني و وجهوه علوم و سوفرا باه يبدل تقني حتى انو بدل الثانوية للولاية 'تبعد عنا حوالي 30 كلم ) ودارهم مسامية الليسي و في المقابل عندي صحبتي تحوس علمي وجهوها تقني
وكن مهيش الزكارة نتاعمه لاه ميمدوش لكل واحد التخصص لي حابو خير ميباصي فيه
وعندنا في ثانوية خرى فالبلدية نتاعنا مستشارة التوجبه تضال عقابهم تغري فيهم وباه يديرو تقني وصورتهالهم على اساس انها اسهل من الاداب و لفلسفة و التسيير (رغم انو متقدرش تحقرها هي ثاني لازم تجبد فيها وباه تتفوق)
وفي الخير صطادمو بيها ورحوا ليها 8 وهذا كامل على جال ستاذ الهندسة المدنية وبه يحكم بلاصتو فيه و لتلاميذ مسكن باصو رغم انو نجح منهم 6 الا نو كين لي وكان توجه علوم لو كان ابدع فيها وكاين العكس
رغم انو فالثانوية نتاعنا كان همهم نو يعمرو قسم الرياضيات

[kaka9999]

12.62 تقني رياضي كهرباء
دبرو عليا وش ندير

[matrixofptc19]

انا رياضي ومانيش سامع بالطب تاعكم هادا لي راه خالعكم هكذا
مابقاش طب في بلادنا
الطبيب لي يزطل مشي طبيب ههههههه

[boyka 1993]

المشاركة الأصلية كتبت بواسطة matrixofptc19

انا رياضي ومانيش سامع بالطب تاعكم هادا لي راه خالعكم هكذا
مابقاش طب في بلادنا
الطبيب لي يزطل مشي طبيب ههههههه

الزطلة راه تنتباع في واد كنيس ... جات غي فالطبيب

[matrixofptc19]

المشاركة الأصلية كتبت بواسطة boyka 1993

الزطلة راه تنتباع في واد كنيس ... جات غي فالطبيب

هههه بصح نعرف طبيب لازم يدور فيها قارو بش يفتح لاكابين ههههه

[matrixofptc19]

التقني والرياضي وين تحطهم يسلكو راسهم تلقاهم

[boutaina21]

المشاركة الأصلية كتبت بواسطة matrixofptc19

التقني والرياضي وين تحطهم يسلكو راسهم تلقاهم

حتى العلميين ...... فنحن ندرس الفيزياء والرياضيات مثلهم

[* حبّ الله *]

الامر يتعلق بما يهواه التلميذ و ليس بسبب الشعبة و ربما يكتشف قدراته في مادة معينة عام البكالوريا حتى و لو كان علمي ان كان يحب مادة مثلا الرياضيات سيذهب الى التخصصات التقنية

[amiraz92]

السلام عليكم / التقني فيها فروع أربعة
هندسة الطرائق (كيمياء) بإمكانهم ذلك اما باقي الفروع يجدون صعوبة في ذلك