من مطبخي ... قاطو "كحلوشي" هش ، لذيذ، سهل و اقتصادي

[remadna]

بسم الله الرحمن الرحيم


السلام عليكم و رحمة الله


كيف الحال اخواتي العزيزات، اليوم عندي وصفة سهلة و سريعة و اقتصادية و لذيذة ماكانش اللي ذاقها و لم يسأل على الوصفة
دائما نعملها في الأعراس و المناسبات، درتها في عيد الأضحى هذا
الوصفة الأصلية جاتنا من باتنة فيها الزبدة و شوية تحكم اليد ، ماما بدلت في الوصفة (دارت الزيت) مع شوية تغييرات و خلات الشكل نفسه و انا تعلمتها من عندها منذ سنوات عندما كنت صغيرة

المكونات: 3بيضات، كاس سكراحرش، كاس زيت، نص كاس حليب،1 م ك كاكاو، مبشور ليمونة، رشة ملح، 1 خميرة، فرينة حسب الحاجة
للتزيين: القليل من ماء ورد، 250 شكلاطة، 250 معجون مشمش مذابة على حمام مائي حتى تصبح سائلة
الطريقة: يخلط البيض و السكر و الملح بالخلاط الكهربائي حتى يبيض
ضيفي الحليب ثم الزيت و خلطي ثم ضيفي الكاكاو و المبشور و الفرينة حتى تصبح عجينة متماسكة و طرية


ضعيها في بلاطو كبير مدهون بالزيت (سمكها 1 سم) و مدديها باليد مبلولة بالماء لكي لا تلصق لك


تطهي 15 د على نار متوسطة مثل الصابلي
تقطع بالمول او كاس دوائر


باقي الفتات يرحي بالمكسور ويمرغد به الحبات بعد ما تغطسيهم في الشكولا و المعجون


يقدم للضيوف يحمر الوجه
انتن ضعوها في كيسات للضيوف


لا تنسوني من صالح دعائكم

[BACHIRA2]

بارك الله فيك عزيزتي رماضنة و الله اشتقنا لك وين كل هذه الغيبة ؟ عسى المانع خير ان شاء الله تقبلي تحياتي الحارة اختي

[imi122009]

بارك الله فيك عزيزتي رماضنة,jazaki allah kol khayer okhti

[nada nina]

بارك الله فيك اختييييييييييييييييييي

[مقدسية]

عودة ميمونة عزيزتي رمادنا ،المنتدى نور برجوعك،فعلا افتقدنااعمالك المميزة وردودك المشجعة،فرحتي برجوعك نستني في القاطو :d منك السماح،روعة روعة روعة سلمت يداك وربي يحفظ الوالدة الكريمة صاحبة الوصفة،الف شكر.

[remadna]

:

المشاركة الأصلية كتبت بواسطة bachira2

بارك الله فيك عزيزتي رماضنة و الله اشتقنا لك وين كل هذه الغيبة ؟ عسى المانع خير ان شاء الله تقبلي تحياتي الحارة اختي

و فيك بارك الله بشيرة
كان عندي انقطاع في النت و عطل في الجهاز

المشاركة الأصلية كتبت بواسطة imi122009

بارك الله فيك عزيزتي رماضنة,jazaki allah kol khayer okhti

و فيك بارك الله ايمي

المشاركة الأصلية كتبت بواسطة nada nina

بارك الله فيك اختييييييييييييييييييي

و فيك بارك الله نينة

المشاركة الأصلية كتبت بواسطة مقدسية

عودة ميمونة عزيزتي رمادنا ،المنتدى نور برجوعك،فعلا افتقدنااعمالك المميزة وردودك المشجعة،فرحتي برجوعك نستني في القاطو :d منك السماح،روعة روعة روعة سلمت يداك وربي يحفظ الوالدة الكريمة صاحبة الوصفة،الف شكر.

الله يحفظك و يحفظ كل المسلمين
جزاك الله خيرا اختي مقدسية

[ريحانتي]

روععععة .............يعطيك الصحة

[remadna]

المشاركة الأصلية كتبت بواسطة ريحانتي

روععععة .............يعطيك الصحة

الله يسلمك ريحانتي

[islam1aya]

حلوة هايلة اختي رمضانة وتبان خفيفة وهشة يعطيك الف عافية الغالية وعودة ميمونة للمنتدى
شحال الفرينة بالتقريب من فضلك

[أم ماريا الحلوة]

الله يبارك فيك و في الوالدة الكريمة
وصفة ساهلة بنينة و اقتصادية

[أم ماريا الحلوة]

الله يبارك فيك و في الوالدة الكريمة
وصفة ساهلة بنينة و اقتصادية

[*أم كوثر*]

اهلا اهلا بالابداع و التميز
الكحلوشي تماما نفس المقادير اللي عندي و في مكان الزين زبدة و لكن ندهنها شوكولا و نرش جوز الهند و تتقطع معينات
بارك الله فيك

[*أم كوثر*]

اهلا اهلا بالابداع و التميز
الكحلوشي تماما نفس المقادير اللي عندي و في مكان الزين زبدة و لكن ندهنها شوكولا و نرش جوز الهند و تتقطع معينات
بارك الله فيك

[sofiane2075]

ما شاء الله اختي رماضنة قاطو رائع يعطيك الصحة دائما تتحفينا بالجديد تختاري وصفات اقتصادية و في نفس الوقت بنينة راني طبقت صابلي الفراشات و عجبهم قوليلي رايك فيه لانه يهمني و شكرا لك و تحياتي للوالدة الكريمة

[bouzidi.taha]

باين فيه يشهي وزيدى اقتصادي لكن لم افهم تبان العجينة من الصور سائلة مثل نتاع المسكوتشو من فضلك وضحي لي دلك جزاك الله خيرا لاني اريد تطبيقها